أضف سؤال أو موضوع جديد          

قررنا نبيع الفورتشنر واحترنا باللي نشري اقتراحاتكم يالربع

up 3 down 2
امير الاصيل 1672
قبل 4 سنه و 8 شهر



اخواني  اعزائي الله  يوفقكم  جميعا.
  السلام عليكم  ورحمة الله وبركاته
  لاغنى  لنا  عنكم  بعد الله  عز وجل  سبانه
  والمشوره  طيبه  وانتم  خير  من  نستشير

انا  قررت  ابيع  الفورتشنر  سته  سرندل  عرضته بموقع  حراج  و   وقفته  بالمعرض  
طبعا  كان  للعائله  والان  خفت  العائله  يعني  فقط  اثنان
  الفورتشنر  غني  عن  التعريف  موتر بر  وقوي  وطيب  ولاكن  بالخط غير راسي ورفيع
وانا  سفرياتي  مرتين  بالسنه
وبالبر  انزل  يوميا  ولاكن  انا  هادي  لست راعي  طعوس ولا  طلوع جبال ولاقنص وصيد
 وعلشان  كذا  فكرت  ابيعه  

  الافكار  التي  براسي
1) اشري  كامري  مديل 2005  2006   ب  30000  الف  تقريبا  للمشاوير  
و  دادسن  للبر   ب  12000 تقريبا     
2) افكر  بالراف  فوور  اقدر  ادفع  فيه  الى  40000  الف  اذا  كان  ببخدمني  بالبر  والخط  والسفر       ادري  انه  ليس  مثل  الفورتشنر  بالقوه  والارتفاع  والدبل

ولاكن  يعجبني  فيه  انه صغير    ونازل  بالارض
واذا  اردت  البر  اقدر   حيث  انه  دفع  رباعي
وانا  لست  راعي  طعوووس   وصيد و  طلوع  جبال
وافضل  من  اني  اجمع  سيارتين  كامري  ودادسن لانهن  يطلبن  مصاريف  استهلاكيه

ولاكن  الراف  فور  ماعمري  ركبته  ابدا
وخايف انه  مع  الخط  عزمه  ظعيف  
واللي  قريت  عنه انه  عكوس  وتخرب  مع ان استعمالي  هاااادي  جدا  جدا  
   

ارجو  من  الله  ثم  منكم   افادتي  بالراي  السديد
  وكلي  امل  بالله  ثم  بكم  فانتم  اخواني
 
  










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مدامك موترك ممتاز ليه تغيره

ترا ما راح تتأقلم اذا غيرت من شيء الى شيء انقص منه

يعني موترك 6 سلندر , بتغيره الى 4 سلندر

فما بترتاح

وثاني شيء انا عزابي كان معي جمس

وشفيها اذا كنت لحالي ومعي جمس

ما كمل اسبوعين الا وانا اشطف فيه تشطيف وسرت اعرف اوزنه وزن

فكبير السياره ما يأثر لانك متعود عليها

انا ارشح لك

انك تخلي سيارتك , وان كنت مليت منها , رح ضللها , وركب لها شاشه نفقيشن , ولبس الارضيه بلاستك , وخشبها اذا كانت ماهي مخشبه , و اشتر لها لمسات خفيفه داخل السياره , ومن الخارج حاول تحط لمسات عليها و ركب لها زنون

وانا قلت لك سو هالاشياء عشان تتغير شوي عليك , لانك يمكن مليت منها , فتغير بعض اللمسات يمكن يحببك بالسياره , احسن من انك تغير سيارتك بالكامل وانت تدري ان هاليومين مافيه شيء نظيف


up 5 down 1
ابو يزيد 000 8692
قبل 4 سنه و 8 شهر



حرام تنزل من فروشنر 6 سرندل وتركب راف فور اكيد بتشوف فرق السماء والارض  من ناحية القوه والدعس 


نصيحه خلك على موترك  

اما من ناحية السفر انا اسافر بسنه اكثر من 3 مرات اقطع عليه فوق 1000 كيلو  ويالله لك الحمد اشوف ممتاز جدا ورفيع وخاصه بزحمه بمكه المكرمه اطمر في رصيفات  وماشي زي الحلاوه معي 

والفورشنر يعيبه كفراته البلد قسيات مره بعد ماغيرتهن ركبت دينلوب شف الفرق براحه والرساوه تغير عليه كثيررر


up 4 down 0
fahada733 194
قبل 4 سنه و 8 شهر



اخوي امير الاصيل , طالبك ياخوك لاتستعجل تراك بتندم اشد الندم لابعته اسال مجرب .

الفورتشنر كان معي 2008 (4 سلندر) لاحظ انه 4 سلندر اللي الناس تعيب فيه ,

وكنت اروح عليه للامارات بشكل شبه شهري غير عن روحاتي لشقراء بالشهر مرتين وغير عن كرفي له بالرياض وزحمته

ووالله انه ماشكى من شي من خذيته مع ان رجلي حارة وماكنت ارحمه بالمطبات وماغيرت فيه من خذيته الا صفاية بنزين وفلاتر وزيت وبنزين .

صح انه مب مريح بالسفر بس والله مع الوقت ان تشوفه مرسيدس , صدقني هي على العادة .

وانت موترك ماشاء الله 6 سلندر يعني بيكون ارسى واثقل بكثير من الـ4

ف نصيحتي لك لاتستعجل


up 4 down 0
sh_89 168
قبل 4 سنه و 8 شهر



حبيبي لا تستعجل ترى ذمك وكرهك لموترك راح يندمك بعدين
راح تشوف الفرق دام انك راكب الفئة هذي لاتغير لفئة أقل نصيحة


up 2 down 0
قمم المجد 364
قبل 4 سنه و 8 شهر



^^^^^ رأيي نفس كلام الاخوان الي فوق


up 1 down 0
-long story2- 121
قبل 4 سنه و 8 شهر



انا الان موتري 8 سلندر

ولا يمكن بعدها اني اشتري اي سيارة تحت 8 سلندر اما 8 او فوق
الا في حالة البيك اب
هذا شي ثاني


up 1 down 0
-long story2- 121
قبل 4 سنه و 8 شهر



ايه والله ياخوك اسمع كلام الاخوان نصيحة لا تشتري موتر اقل من موترك خل موترك معك


up 1 down 2
راكان-505 7167
قبل 4 سنه و 8 شهر



والله لو عندك فلوس خذ اف جي 
ستة سلندر ينفع للبر و السفريات + شكله شبابي و مميز 


up 1 down 1
aooa1729 534
قبل 4 سنه و 8 شهر



راي لك انك اما تقعد على موترك 
او اذا تبي اصغر خذلك اف جي 
اما اذا تبي تجمع بين سيارتين صعبة تزود عليك المصاريف 
استخر ربك 
والله يكتب لك لما فيه الخير 


up 2 down 0
أبوعمر 2000 80
قبل 4 سنه و 8 شهر



أنا ارشح لك جيب مازدا
 عملي جدا - وبالخط ثبات حتى مع المنعطفات - بالبر يمشي الحال يعني استخدام خفيف - 3.7 لتر 273 حصان 6 سلندر واقوى من الفوتشنر -
وسائل الترفية ممتازة - مريح بالسفر وداخل المدينة - وسائل الأمان والثبات ممتازة - المستخدم النظيف بتحصلة بسعر ممتاز - الشكل 8/10
اما قضية موترين كامري او ددسن لا تبقى على الفوتشنر افضل وموترك وعارف وش فيه ومافية.. وفي السفربدل 6 ساعات بالخط زود نصف ساعة وش عاد
وموفق بإذن الله 



up 2 down 1
sokar1983 271
قبل 4 سنه و 8 شهر



لا تستعجل يخوك صدقني بتندم و السبب انك تبي تشتري شي اقل من الي كان معك لو اخذت الكامري انسى تأخذ راحتك بالبر فيها وان اخذت الراف فور اعتقد انه ضيق مو مثل الفوتشنر والخيار الأخير لك واستخير والله يوفقك لما فيه الخير "


up 1 down 0
07sbeshal 1343
قبل 4 سنه و 8 شهر



والله   يالربع  انكم   فتحتم    راسي  وافكاري

  اقتراحاتكم   اكثر  من  ممتازه    
     وجدا   استفدت   من  مشورتكم

الطيبه
  الله  يكتب  اللي  فيه الخير  لنا  ولكم
اشككككركم   بعنف   على   تفاعلكم
  جزاكم  الله  خير


up 2 down 0
امير الاصيل 1672
قبل 4 سنه و 8 شهر



^^^^^ احنا اخوانك مايحتاج


up 0 down 0
-long story2- 121
قبل 4 سنه و 8 شهر



شي تعرفه ازين من شي ماتعرفه فحرام تفرط في موترك وانت خابره كفو وتاخذ موتر مستعمل وماتدري وش فيه ومافيه


up 0 down 1
شكلين مابحكي 3151
قبل 4 سنه و 8 شهر