احذر من كلمة مرشوش تجميلي تعديل كبر كف اليد
23
2
إضغط هنا للإخفاء
بسم الله الرحمن الرحيم
السلام عليكم ورحمة الله وبركاتة
اسعد الله صباحكم بكل خير
دايم وانت بالموقع ولا المعارض تسال عن البدي
يجيك يقول لك كبوت ورفرف مرشوش تجميلي *__*
وتسال عن السوم تلقاه حول قيمت الجديد والحد اقل من الجديد ب ٣٠٠٠
كيف صار فيه شي اسمه مرشوش تجميلي
الحين الشريطي اذا جاء يشري موترك يعذرب بالخط اذا كان منقشع من الغسل
والمخش الخفيف الي ماصلح يجدع من قيمة موترك ١٠٠٠٠
وكلمة تعديلة كبر كف اليد ماتضر ولاتأثر بالقمية
الشريطي يجيب الشي على الي يبي
عادي مثلا يقول لك مرشوش كامل تجميلي بحول قمية الجديد
قبل فتره جزمت على شراء موتر وبالفحص طلع لي الشاصي مقصوص وملحم
سألت صاحب الموتر قال مايضر ابد
يقول اذا صار ملحم كويس ولا فيه جنحة مايضر ابد ابد
على كيف ابوك هي ^_^
وقبل اسبوعين جزمت على موتر بالمدينة عن طريق الموقع
طلعت له من القصيم
وصلت واخذت شقة وتخسرت بالخط
هو اول الوقت يقول شرط وكالة
يوم جزمت ومسكت الخط قال فيه تعديلة ماتذكر ابد قلت ماعندك مشكلة
وصلت للمدينة وشفت الموتر يختلف بنسبة ١٨٠ درجة عن الصور الي بالموقع
والكبوت مفكوك والصاج الي تحت الكبوت طايح والتعديله الي يقول ماتذكر
كل الرفرف معدل والتعديل شكله عند بنشري والمكينة به دخان
عاد الشكوى لله اخذنا من البيك ورجعنا للقصيم <_>
اهم شي عند شراء اي سيارة افحص بأفضل محل ولا تهمك خسارة ٣٠٠
وشاور وسعر السيارة
وافحص اهم شي
لو تشوف لحيته واصله سره ماعليك منه افحص هذا حقك
ولا تهمك الوجيه
وكلمة تعديله ماتذكر ولا مرشوش تجميلي ماتأثر بالموتر ولا القيمة لا تهمك
اي شي يحصل للموتر ينزل من قيمته
اسف اذا طولت عليكم *__*
إبلاغ
الردود
0
0
قبل 10 سنه و 8 شهر