ابشتري موتر وابسمع مشورتكم

شف ياخوي اذا نويت تشتري دور وأتعب أبحث عن أفضل شيء موجود أطمح أنك تشتري سياره مافيها رش أبدا 
وممشاها قليل ونظييف 
يعني هذي أم رفرفين وصدامات خلها أخر خيار 
أتوقع في بحر 50 الى 60
بالتوفيق

لا لا لا نصيحة ابعد عن المسمكر والرش  .... القير 2007 وتحت 5 نمر اما 2008  وفوق 6 نمر... التخشيبه الداخلية غبيه شوي عكس 2008...
 100% الإرباقات طالعة... الواجههة الامامية سيئة عكس 2009 ...امريكي وفيه سمكره ورشوش بينشب بحلقك لو تبي تبيع بيكسرون قيمتها ... اطلب 
تقرير الحوادث كارفكس قبل ان تسوم السيارة ... بنسبة لسعر ماعندي علم 

نصيحه ابعد عنه
شووف لك انضف عنه...تذكر لو بغيت تبيع بتبلش به

جديده مشتريها صاحبي 2013 اكس ال ب 104

خذ لك اوريون نظيفة موديل اجدد من الافلون 

وبتحصل نظيف 

خذ من ٢٠٠٨ وفوق الفرق بيكون بسيط والسعودي 
احسن لك الامريكي له مميزاته ولكن توفر اكثر قطع 
السعودي يعطيه ميزه وبالتوفيق مقدماً

ابعد عنها دور نظيف والنظيف ترى فعلا حقه فيه

طيب دامك بتشتري افالون مستخدم واكيد ماراح يقل سعره عن 60 الف اذا هو نظيف 
مافكرة بموتر جديد على يدك المازدا 6 2014 ستاندر بموصفات حلوه على الزيرو ب 66 الف 
وموتر رائع جدا عن تجربه 11 شهر  ماشتكيت من شي ابد وراسي بالخط وبالمنعطفات 
اذا فلوسك حوله توكل على الله وخذه 5 سنوات ماتحط بالموتر شي غير قطع استهلاكيه وسعرها رخيص موب غالي 
لن المستخدم ماتدري كيف استخدام الي قبلك له حتى لو انه بدون حوادث ورشوش وممشى قليل بتحصله فاجر الموتر فجر ولله يسهل امرك ويختار لك الخيره االمباركه 

ماقصرتم ياشباب شاكر لكم الاراء الجميلة .. يجيب الله اللي فيه الخير