أضف سؤال أو موضوع جديد          

أضبط القير أو أغيرة ؟؟

up 1 down 1
الوافي62 350
قبل 6 سنه و 7 شهر



السلام عليكم ورحمة الله وبركاتة

كيفكم ي شباب إن شاء الله طيبين


اليوم جيت أبي مشورتكم في القير حق سيارتي كامري 1998 قبل فترة خرب علي نمرة الثالث وكان يفصل معي كثير ولازم أمسك عصى القير المهم جلست تقريباً شهر وبعدها ضبط معي لحاله وصار يمسك معي تمام ,, ألحين إنتقلت المشكلة في النمرة 5 صار ما يمسك معي مره لازم تكون يدي على عصى القير طول الطريق


ألحين تنصحوني أضبط القير وأغير له القطع اللازمة أو أغير قير كامل ؟؟ إللي قد مرت عليه المشكلة ووداه ميكانيكي وضبط معاه لا يبخل علينا من شان أستفيد وكمان الموجودين


بالنسبة للأسعار حقت القير في التشاليح سألت عنها وكانت ما بين 2000 ريال إلى 2500 ريال

والميكانيكي قال لي أضبطة لك ب 1000 ريال وإن شاء الله يرجع كويس

إيش تنصحوني ي إخوان ومعليش على اللإطالة


تحياتي للكل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


التوضيب افضل لك بكثير من التشليح بخصوص موديل موترك قديم ماراح تلقى شي نظيف وضب وتوكل على الله احسن لك والقير العادي ماراح يكلفك كثير


up 1 down 2
mt3b bn man8or 437
قبل 6 سنه و 7 شهر



يالغالي فيه عندك فضاوة بالقير ؟ 

جرب تغير ربلة القير او يسمونها جلبه حقت الفضاوه 

سعرها تقريبا  ١٠ او ١٥ ريال والتركيب حسب الورشة رخيص وبدون نثر للتروس وان شاء يضبط 

ذي يمكن تعالج المشكلة عندك بنسبة ٧٠ ٪ 

اذا مانفع وضب القير احسن لك وانتبة من التشليح لكن جرب تغير الجلبة اول 


up 1 down 0
ابو نايف الفايزي 143
قبل 6 سنه و 7 شهر



يعطيكم العافية أخوياي أنا كمان أفكر إني أوضبة بس أبي أتطمن أكثر منكم

وما أدري على إيش هذا الشخص داخل علينا بالديس لايك !!


up 0 down 0
الوافي62 350
قبل 6 سنه و 7 شهر



أبو نايف والله رحت عند أكثر من مهندس وأقول لهم نفس كلامك لكن أكدو لي بأن المشكلة بنفس القير

أسعدني مرورك


up 0 down 0
الوافي62 350
قبل 6 سنه و 7 شهر



طيب القير فيه قره ولا ونه ؟ 

بعدين كيف تصدق كلام مهندس للاسف اكبر همه كيف يكسب ! 




up 1 down 0
ابو نايف الفايزي 143
قبل 6 سنه و 7 شهر



بعدين حتى لو قال لك المشكلة بنفس القير وش تبي تخسر 

جرب اول شي غير الجلبة يمكن تكلف ١٠٠ مع التركيب 

اذا مانفع الساعة ذيك وظب 

ليش على طول تبدا بالغالي ؟ 

جرب بالرخيص بعدين ابداء بالغالي


up 0 down 0
ابو نايف الفايزي 143
قبل 6 سنه و 7 شهر



يكذبون عليك


هذي سنه تمسك العصا ع النمره لها اسم ونسيته

وصار معي بددسن بس من يضبطها لك


up 2 down 0
xpoldx 1433
قبل 6 سنه و 7 شهر



القير مافي قرة ولا ونه

بس أنا سألت أكثر من مهندس وقالو لي هذا ترس الخامس وأنا عارف إن بعض الورش فيها نصب

لكن زي ما قلت راح أتأكد من كل شي قبل ما أوضب القير

مشكورين جميعاً ^_^


up 0 down 0
الوافي62 350
قبل 6 سنه و 7 شهر



اذا انه ينفك وانت معشقها فجأة هذا القفل اللي يجي بشكل U وحاول انك تدور قير ياباني تجي مجددة من اليابان ومضبوطة وخل القير القديم عندك 


up 1 down 0
ابوابراهيم ksa 1390
قبل 6 سنه و 7 شهر



أول ما بدأ يفصل الخامس كنت أمسك العصى بيدي بكل قوتي ما أقدر لأنه يبي يفصل بالقوة بالذات لمن أزيد السرعة لكن حسيت بعند أسبوعين بأنه ما صار يقاومني وصرت أحط يدي على العصى بكل راحه لكن أفك يدي يفصل على طول 


up 0 down 0
الوافي62 350
قبل 6 سنه و 7 شهر



للاسف انا استعجلت وغيرت القير كامري 2001 ياباني طبعن عجله وقل خبره اكتشفت ان الياباني يجي فيه حنه كأنك راكب ددسن 4 نمر 


up 1 down 0
sokar1983 271
قبل 6 سنه و 7 شهر



حبيبي ومن قالك الياباني يجي فيه حنه انا معؤ كامري ٢٠٠٠ الحمدلله مافيها ولا حنه


up 0 down 0
naif 77 -2
قبل 2 سنه و 4 شهر



اخ نايف ترى الرجال اخر رد له قبل 4سنوات و4اشهر
توك ترد انتبه لتواريخ قبل ترد الله اعلم وين دنياه


up 1 down 0
ابوعمر 000 الشرقيه 68
قبل 2 سنه و 3 شهر



الله ي الدنيا الأيام تمر بسرعه حتى موضوعي نسيته هههههه الله يسهل الحال


up 0 down 0
الوافي62 350
قبل 2 سنه و 2 شهر