مابعد الايجار المنتهى بالتمليك ...

اول شيء ,, الحمد لله الذي خارجك من دينها
والف مبرووك وإن شاء الله اخر الاقساط

اما بالنسبة

للفحص فيأتي من يفيدك

أي سيارة مر على استمارتها سنة هجرية يلزمك الفحص لنقل الملكية أما في السنة الأولى تنقل بدون فحص

بالنسبة للتأمين اتصل بشركة التأمين واسألهم عن رسوم نقل التأمين باسمك

وعلى البركة

الامور سهل جدا  خل الوكاله اللي اخذت منه تصلح كل شي وتسلمك الاسمتاره والفحص والتأمين لاتشيل هم 

الحمدلله  انك خلصت  ونصيحه ابعدو الايجار منتهي التمليك متعب ولا تقدر تبيع السياره اذا حدتك الضروف 

تقدر تبيع السياره وحصلت مع نسيبي 

كان ماخذ اوريون عن طريق عبداللطيف جميل

وراح لهم قالو نبغى كاش 53000 


نزل السياره للمعارض جابت له 58000 

وراح مع المشتري للوكاله سددهم كامل المبلغ المطلوب
وحولها باسم المشتري وخلاص

تقدر تتخلص من التاجير بناحيتين 

الاولى بيع السياره وتسديد الشركه المؤجره كاش وهم يتولون تحويلها وكل شي


الثانيه التنازل لمستفيد اخر وهذي في اغلب الشركات

الثالثه اتلاف السياره وقد تلعب عليك الشركه وتدفعك مبالغ

المهم يشفطونك يشفطونك 

اي باقي علي شهرين ودفعة اخيره حول 13.000 الف وبعدها الله يلعني بكل كتاب اذا بشتري اجار ينتهي بالتمليك حرام حرام حرام والمشكله مكتوب مجاز من الشريعه الاسلاميه اي شيخ افتى بجوازه شكله عطوه عشر سيارات علشان فتواه

ابو اماني 

باسثناء حرام او حلال مابي ادخل فهذي الامور

لكن الايجار منتهي بالتمليك نفس الاقساط 
الفرق الاقساط السياره باسمك وشهريا تقسط مبلغها

الايجار السياره باسم الشركه وتقسطهم شهريا مع زيادة المبلغ

فالنهايه انت راح  تدفع مبلغ شهريا وقدره سواء اقساط او ايجار تدف كل شهر القسط لحد ماتخلص اقساطها

حتى اللي اخذو قروض شخصيه من البنك او سياره اقسط فالنهايه بيجلسون 5 سنوات يقسطون

الاكسنت عندي شهريا اقسطهاوماشوف اي مشكله
كل شهر ياخذون فلوسهم وخلاص 
واهل الفتاوى هم اللي يتحملون الحرام مو انت
لانهم شيوخ ودارسين وفاهمين اكثر مني ومنك
وان اصدرو فتوى
نمشي عليها ويتحملون مايجيهم يوم القيامه

كأنك تقول يا شاقح حط بينك و بين النار مطوع !!!!!! الرسول اللهم صلي و سلم عليه قال
من إتقى الشبهات فقد إستبرأ لدينه ، الله يوفقكم .

يارجال الاجارالنتهي بالتمليك مافيه مشكله لانسان الي يدفع شهري بدون مماطله وأرخص من المعارض في التقصيدإذافيه زياده هذي لتأمين الشامل 

أماالفحص الدوري أكيدلازم تفحص السياره

شاقح الله يرحم والديك ياخي فرق السماء عن الارض بين الاجار ينتهي بالتمليك وبين الاقساط وبين القرض من البنك

اذا شريت سياره اقساط تكون باسمك ولك حرية البيع وفوائدها حول 20 الف لكن الاجار ينتهي بالتمليك السياره ماهي باسمك انت مستخدم فقط (مفوض) ومالك حرية في التصرف فيها ولي صار عليك حادث يلطعونك 3 اشهر بالوكاله ولايعطونك بديل للسياره والاقساط تمشي كل شهر كانك مستخدم لها وفوائدهم اكثر من 40.000 الف ريال ولا قدر الله صار لك حادث فيها وانت باخر سنه وراحت تالف مالك شئ ولايعوضونك بمبلغ ولا بسياره لأنك بحكم المستأجر

اما القرض من البنك غير تاخذ 100.000 الف ترد لهم 125 الف الى 130.000 الف على حسب البنك


شفت الفرق



والاجار ينتهي بالتمليك فيه دفعه اولى ودفعة اخيره يعني عقدين بعقد

السيار ة الجديدة اذا لم يمضي عليها اكثر من ثلاث سنوات لاتحتاج فحص دوري وبامكانك بيعها ونقل ملكيتها فقط بالاستمارة والتأمين 
أما إذا مضى عليها اكثر من ثلاث سنوات فيعني ان استمارتها انتهت فتحتاج الى فحص 

وبالنسبة للتأمين عندك ممكن تنقل به الملكية ولايحتاح تجديد 

ابو أماني لا تلعن نفسك الله يهديك ويفكك انت والإخوان من التقسيط المنتهي بالتمليك

السلام عليكم ياأخوان أوراق السياره ضاعت 
وأبي اجدد الفحص ونقل السياره بسمي
فما طريقه
وين الفرع الي بالخبر طبعاً الراجحي

السلام عليكم ياأخوان أوراق السياره ضاعت 
وأبي اجدد الفحص ونقل السياره بسمي
فما طريقه
وين الفرع الي بالخبر طبعاً الراجحي

يا اخوان انا ابغا اشتري سياره من واحد والسياره هذي بسم الوكاله واستمارته منتهيه 6 سنوات ماهي الاجرائات حتى انقلها على اسمي

السلام عليكم انا اخذت سياره اقصاد وانهيت الاقصاد منذذ سنه ولازالت السياره باسم الوكاله هل هناك اشكاليه