أضف سؤال أو موضوع جديد          

ساهر يفاجئه بـ 157 الف ريال مخالفات

up 4 down 1
07sbeshal 1344
قبل 7 سنه و 6 شهر



فوجئ مواطن يعمل في القطاع العسكري برتبة رقيب في تبوك بأن مخالفاته من نظام ساهر تجاوزت 157,600 ريال بسبب ما يزيد عن 210 مخالفة حصل عليها جراء عمله الاضافي على مركبته الخاصة في طريق السفر "الكدادة" من تبوك – جدة – الرياض.

وأوضح المواطن أن تراكم الديون عليه هو ما اضطره للعمل في طريق السفر "الكدادة" بعد أن اشترى سيارة بنظام التأجير الشهري لمساعدته على تسديد ديونه لافتاً إلى أنه يعمل عليها نهاية الاسبوع لطلب الرزق متوجهاً إلى جدة أو الرياض على حسب طلب "الزبون " معترفاً بأنه كان يقود مسرعاً للعودة مساء الجمعة لاولاده.

وأضاف أن كثرة كاميرات ساهر على الطرق السريعة كان لها النصيب الأكبر من المخالفات مبيناً حسب "الوئام" انه لم يعلم عنها إلا بالصدفة لإلغائه رقم هاتفه السابق المسجل عليه بيانات المركبة .

واشار أن جميع الخدمات الحكومية اصبحت معلقة حتى يتم سداد جميع المخالفات، مطالباً المسئولين بتخفيضها إلى أقصى حد.

من جهته شدد مدير مرور تبوك العميد محمد النجار على أن ليس هناك سبيل لحل هذه المشكلة إلا بسداد كافة تلك المخالفات عن طريق وسائل التسديد المختلفة.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله محد قالة يسرع ههههههههههههههههه

اذا ناوي تسرع خليك ذيب واطمس لك حرف ولا رقم ويادار ما دخلك شر مثلك مثل ياقي الناس




up 5 down 8
ms any 542
قبل 7 سنه و 6 شهر



لا حول ولا قوة الا بالله العلي العظيم كان الله بعونه


up 5 down 0
لا يوجد اسم 64
قبل 7 سنه و 6 شهر



لا اله الا الله

تدري لو انها بدون تدبيل يمكن تاصل 85 الف كذا او اقل

لكن هنا النظام زرف حسبي الله عليهم

انا ما ادري ليه حطوا نظام التبديل والله ابغا اصفي النيه لكن ابد مافيه مجال

قسم بالله ونحاني احلف بالله وواثق من كلامي ان ماحطوا النظام الا لسرقه فلوس الشعب وان نيتهم ماهي نية طيبه عشان يقللوا من االحوادث , النيه وصخه وهي سرقة اموال الناس بالباطل والتطوير لسرقه اكثر واكثر

لكن ان الله يهمل ولا يمهل

لو كان فعلا نظام للتقليل من الحوادث ما كان قالوا تدبل المخالفات

لكن يعرفون ان الشعب مديون وحالته حاله ويمر شهر شهرين بعدين يسدد

فقالوا هذي فرصه لنا ندبلها بعد مرور شهر لان المواطن ما بيسدد الا بعد شهر

لو كان فعلا وضع للتقليل من الحوادث

كانت قيمة المخالفه اقل من كذا , وكان هناك بدائل بدل ماتدفع فلوس , تقوم بعمل خيري , اما تنظيف البحر او تنظيف البر , ويشلون عنك المخالفه مثل الغرب , وكان حطوا محامي , يدافع عنك اذا اخذت المخالفه ظلم و دايم ينتصر المحامي و يعوضنك عشانهم غلطوا في حقك

للاسف الفساد قدام عيونهم و ساكتين عنه

لكن راح يشوفون يوم القيامه وش بيسير فيهم




up 11 down 1
ابو يزيد 000 8712
قبل 7 سنه و 6 شهر



عفوا

ان الله يمهل ولا يهمل


up 3 down 0
ابو يزيد 000 8712
قبل 7 سنه و 6 شهر



قيمة كابرسس اس اس

الله يعيننا واياه


up 5 down 3
-long story2- 120
قبل 7 سنه و 6 شهر



اقتراح بسيط مني
وهو ان الشخص اللي تتجاوز مخالفاته 5000 ريال يتم الاتصال به شخصيا عبر مكالمة حية


up 11 down 0
marwan699 5854
قبل 7 سنه و 6 شهر



جاري الانتحار

ــــــــــــــــــــــــــــــــــــــ


up 7 down 1
abo mbark 614
قبل 7 سنه و 6 شهر



بلد يحرم اكل الربا والتعدي على اموال المسلمين وهم ياكلون الربا والحرام غصبن عنا عن طريق ربط المخالفات في المعاملات في الدواير الحكوميه بحيث ماتقدر تشتكي عليهم لين تسدد  اذا سددت خلاص وش ابي منهم  المفروض في محمكه تخص ساهر اذا النظام تعدى عليك بدون سبب تروح تشتكي عليهم وتاخذ حقك بدون تسديد وتحذف عنك 

حسبي الله ونعم الوكيل


up 13 down 2
05512 1697
قبل 7 سنه و 6 شهر



الله يعينه من وين له المسكين يسدد  لكن ووش فايدة الكداده وهو يشوف ساهر يصوره كل يوم 


up 2 down 0
fahada733 193
قبل 7 سنه و 6 شهر



للأسف انا ارى ان النظام وضع بشكل تجاري بحت وليس لحماية ارواح الناس ماعدا اللي عند الاشارات 
نظام للمرور يملكه تاجر ؟ اللي هو صاحب قنوات اي ار تي الشيخ صالح كامل!  

نظام وضع للحد من السرعه ولاتلقى في الدائري الا واحد او اثنين ومخبينهم بطريقه احتارفيه يعني صايدك صايدك 

ياخي شوف الامارات هذا النظام الصح مافيه امل تسرع بين كل كم كيلو تلاقي لك كاميرا ولا ثنتين 


up 5 down 1
abdulah050 244
قبل 7 سنه و 6 شهر



تخيلو عاد اشتغل كداد عشان يسدد ديونه كوظيفه اضافيه وفجاه تدبل الديون وزياده على الي فيه 157 الف حسبي الله ونعم الوكيل الله يعينه على مصيبته "


up 2 down 1
07sbeshal 1344
قبل 7 سنه و 6 شهر



والله انه حمار اذا سدد منها شي يابوي خدمات الأحوال المدنيه من اضافه مولود او تجديد بطاقه هيا المهمه عشان راتبك ما يتوقف من 
البنك و الخدمات الثانيه مو مهمه  و اذا على السفر يمدحون دبي انا حالف بالله مااسدد لهم ريال اهل الربا 


up 3 down 2
ابو سلطان 2 438
قبل 7 سنه و 6 شهر



الله يعينه لو انا مكانه 
االنحححشه بس
بهاجر من ذي الديره



up 1 down 0
pirlo.z 425
قبل 7 سنه و 6 شهر



عَنْ جَابِرِ بْنِ عَبْدِ اللَّهِ رضي الله عنه ، أَنَّ رَسُولَ اللَّهِ صَلَّى اللَّه عَلَيْهِ وَسَلَّمَ قَالَ : " لَنْ يَدْخُلَ الْجَنَّةَ لَحْمٌ نَبَتَ مِنْ سُحْتٍ ، أي : من حرام " [ أخرجه الترمذي وغيره ]
والسحت هو اكل المال الحرام ، مثل الرشوه او اكل المال العام بغير وجه حق من حللهم تدبيل المخالفات ؟ وبعدين انا جتني
مخالفه بالغلط وجاي اعترض عليها يقولي العسكري سدد بعدين اعترض وش هالمنطق؟ هذا دليل على ان  نظام ساهر قائم
على سرق اموال المواطنين لأنهم مايسمعون لك لين ماتسدد همهم الاول والاخير الفلوووووووووس


up 1 down 0
الالنتراوي 5150
قبل 7 سنه و 6 شهر



حسبي الله ونعم الوكيل
رجال الامن اكثر الناس مخالفه للنظام والقوانيين



up 2 down 0
Abu-Nawaf 337
قبل 7 سنه و 6 شهر



السؤال اللي يطرح نفسه ما شاف الفلاشات ولا كان لابس نظارة شمسية ولا وش السالفة بالموضوع


up 0 down 0
00700 542
قبل 7 سنه و 6 شهر