استئجار سيارة من المطار وعضوية مكاتب التأجير
0
0
إضغط هنا للإخفاء
السلام عليكم ورحمة الله وبركاته
اسعد الله جميع اوقاتكم بالخير والمسرات
عندي استفسار بسيط
بالعاده لما اجي اسافر امسك خطوط بالسياره وخاصه لما ابي جده او مكه وتعرفون خط الرياض قلق وتعب
اليوم طرى على بالي سالفة احجز طيران ولي وصلت المطار استأجر سيارة وخاصه ان سفرياتي ماتطول اكثر من اسبوع
لكن المشكله تكن مايؤجرون للي بقطاع خاص لسبب ماعندهم بطاقة عمل
وسألت كذا واحد قالوا مالك غير تسجل بعضويه لدى اي مكتب تأجير وبها تقدر تستأجر لك سيارة
بس سالفة العضوية هذه ماعندي علم فيها خير شر
اتمنى من اللي لهم خلفيه يتحفونا بخصوص هذا الموضوع
وهل ياترى العضويه هذه باشتراك مثلها مثل بطاقة التأمين وكم التكلفة
علماً انني دخلت ابي اسجل بشركة ذيب بس عليهم طلبات مثل ارسال صورة البطاقة الشخصيه وصورة بطاقة العمل وووو الخ احس في تعقيد
إبلاغ
الردود
العضوية مجانية لكن لازم تستأجر منهم أول مرة وبعدها تعبي الطلب وتستلمها عن طريق الفرع الرئيسي في منطقتك
أفضل وأسرع شيء أنك تاخذ ورقة تعريف من الشركة انك تعمل عندهم ومازلت على رأس العمل
1
0
مثل ما قال الاخ ( مفقود )
تقدر تستأجر بدون بطاقه عمل
تاخد تعريف او خطاب من الشركة ولازم يكون مصدق من الغرفه التجارية
انا استاجرت مرتين لما كنت شغال بمؤسسة
طبعا مريت كم محل ما وافقوا
وبعدها شفت محل وافق بها وكان عندي بس تعريف بالراتب و وافق به
مع انه ما كان مصدق
1
0
رحت المطار علشان استقبل واحد ولقيت اكثر من محل تأجير بالمواقف وضاعت الطاسه عندي ^_^ مدري من اي واحد فيهم اخذ عضويه
0
0
قبل 10 سنه و شهر