أضف سؤال أو موضوع جديد          

لون وانبسط ووسع صدرك واكسب اجر

up 67 down 11
أنيقوه 1113
قبل 7 سنه و 2 شهر



ههههههههههه يافله انت وياه 

سلام عليكم 
اكيد مفاجأه صح من زمان مانزلت موضوع :) اقول هالكلام للي يحبوني الي مايحبوني راح يقول سامج عارف والله 
ماعليه ماعليه 

موضوعي اليوم يحتاج 
منكم جهد بسييييط مع شوية قرشين 
بتقولون كيف يا انوقي صح ؟ 

انا اقول لكم القصه من طقطق إلى كيف الحال هههههههه 
طبعا 
صليت المغرب في مسجد حارتنا على اساس حارتنا بسم ابوي هههههههه
قصدي الحاره الي ساكنين فيها يعني 
المهم ياطويلين العمر والسلامه 

في شارع كل يوم ٥ مرات امر منه عشان المسجد اصلي 
وحافظ الشارع حفظ زي ما احفظ اسمي 
المهم 
وطبعا ماشي على سرعة ٦٠ كيلو جرام فالساعه 
المهم وآكل ذاك المطب الاسود ههههههه تقل جبل أحد هههههههه 
ومقعدتي وجعتني وضرب راسي بالبانوراما حق الصني  ههههه قصدي بالسقف 
 هههههههههه وجنبت الصني لكي استعد وعيي تقل سكران 
وبعد ماوعيت 
قلت والله لأشوف لي حل 

مافي الا اروح البقاله وادق لي ٤ بخاخات بويه بيضاء 
وابخبخ في هالمطب إلين يسير ابيض 
يشوفه الي يقرأ والي مايقرأ هههههههه والاعمى والي موب اعمى والدلخ والذكي والدافور والي من جنبها 
ههههههههه 
قلت ياولد جيبي فاضي مامعي قروش 
وافتش في جيوبي 
قلت جاك الرزق يا انيق 
٢٠ ريال داخل جوال الجيب فالثوب ههههههه معفسه وحالتها حاله وريحتها كرولكس 

واروح البقاله واشتري البخاخات 
واروح عند مطبنا الي في حارتنا ههههههه قصدي المطب الي فالحاره الي ساكن فيها 
ووقفت الصني في وسط الشارع وشغلت الفلشر عشان مايجي واحد ويشيلنا انا والصني والمطب 

وجلست ابخبخ وكل مامر من عندي واحد جلس يدعيلي 
وجاء واحد وقف سلم علي وجلسنا نبخبخ سوا وننشد يابابا اسناني واوا ههههههه 
بعد ماخلصنا جلس يدعيلي الله يوفقك ياوليدي 
قلت امين ماتزوجني بنتك ياعم بسبب العمل البطولي هذا 
قال ماسمعت ياوليدي 
قلت ابد الله يسلمك بس حبيت اسلم عليك عساك بخير 
هههههههههه 

الله ياخذ ابليسي 


الخلاصه :- 
١- اذا ربي رزقك مال او عندك مبلغ زايد وفاضي ماعندك شغله اشتر بخاخات بويه الواحد ٥ ريال 
وابدأ رش المطبات  الي في حارتكم هههههه قصدي الحاره الي ساكن فيها 
واحتسب الاجر لعل بعملك هذا تنقذ ناس من تلف سياراتهم كلها ١٠ ريال للمطب الواحد موب كثيره والله 

٢- كل من يمر على المطب تكسب اجره لأنك انقذته من ضرر وترى في نظري اعظم صدقه جاريه ههههههههه
لأن المطب جالس إلى يوم القيامه والبويه الي عليه راح تعمر 
راح تشيب وتقول لأولادك وانت شايب شوفوا يا اولادي هذا المطب رشيته وانا صغير 
ههههههههه 

فالي يبغى صدقه جاريه صدق 
يرشرش المطبات 
كل من مر عليه 
يدعيلك وترفع عنه الضرر 

فأنت الكسبان 
ويصبح ويمسي ملكان من الملائكه يقولون 
( اللهم اعط منفقنا خلفا واعط ممسكا تلفا ) 
من ترك شيء لله عوضه الله بخير منه 
تتصدق ب١٠ ريال 
ربي راح يرزقك اضعاف مضاعفه والله كريم سبحانه 



نرجو اني ماطولت عليكم واعطيتكم الفايده وسعة الصدر 
وهذي صورة المطب الي لونته 
عطوني رايكم بالحركات الفنيه ههههههههههه

تحياتي لكم 
& أنيق & 
؛)









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ياانيق يعلم الله ان لك معزه في قلبي وانا مااعرفك ولا شفتك انت والاعظاء الباقين القدامى مثل شاقح وسكور وابراهيم شيخ المعارض شكلين مابحكي ومستر بن ومعليش اذا نسيت احد والله اني متابع الموقع من تقريبا سنه وكل ماجيت باسجل اتكاسل واليوم حرمت الا اسجل نسيت ابو يزيد طعم المنتدى تحياتي


up 0 down 0



جزاك الله ألف خير 

وأسلوبك جدا مميز 

وروحك حلوه ومرحه 

كثر الله من امثالك 


up 0 down 0
masaaaaaa 118
قبل 7 سنه