استفسار عن عبداللطيف جميل قسم المستعمل

تعديل ماش ** كاش 

نصيحة لا تاخذ منهم سياراتهم مكرووفة كرف غير طبيعي وأسعار مبالغ فيها
السيارات اللي عندهم سواء عبداللطيف او الجميح قسم المستعمل اغلبها رجيع تأجير منتهي بالتملك وماعليها ضمان

انا اتكلم عن الفرع اللي بشرق الرياض مريتهم انا ومعاي واحد من العيال يبي سيارة ولقينا الاسعار مره مبالغ فيها وفرق عن سعر السوق بأكثر من 10 الاف وربما اكثر لا وازيدك من الشعر بيت مالك حق تفحص وماعليها ضمان ...

نصيحة ابعد عن تايوتا قسم المستعمل سياراتهم مكروفه ومفصول عداداتها ان جيت معرض اللي في الرياض حق عبداللطيف المستخدم 
والله كلها ملعوب فيها 
وتخيل حصلت هايلكس 2013 غماره فل كامل 
تخيل ماشيه 130 الف  وطالب فيها 60 الف 
وفيها صدام ورفرف وكبوت 

انا اخذت كامري 2009رياضيه منهم اقصاد كل شهر 1600  من دون دفعه اولى في دفعه اخيره ويمكن تقسطها طلعت علي ب 43الف ماشيه 140الف وعليها تامين شامل

كلها سيارات مسمكرة وموضبه ورجيع التأجير

انتبه اكثرها رجيع شركات الاجار ومواتر موظفين الشركات او مسحوبة واسعارها اغلى من السوق

اسمع كثير عنهم بخصوص المستعمل عندهم والكلام عليهم كثير 
خذلك من معرض افضل عن طريق شركات التاجير مثل اليسر وغيره 
او اذا قدرت تاخذ قرض من البنك كاش لقيمة السيارة وتقسط للبنك افضل لك 
لان سعرها كاش ارخص وغير كذا ترتاح نفسيا من دفعات شركات التاجير 
والله يعينك

كان لي تجربة معهم قبل 15 سنوات في شراء لكزس 400 97م

كانت نظيفة .. و الشي الحلو أني اشترطت عليهم تغيير الكفرات و غيروها ع حسابهم .

و اشترط عليهم ورقة تشييك كامل للسيارة 

الله يجزاكم خير جميعاً