فضلا ليس امرا ... ارجو الافاده

التأجير تصير باسم الشركة والسيارة تصير عليها تأمين شامل اما التقسيط السيارة باسمك + تأمين ضد الغير طبعا الأرخص لك التقسيط تقريبا متوسط الربح السنوي للايجار 8 بالمئة من قيمة السيارة أما الأقساط 3 بالمئة تقريبا  

التقسيط تكون السياره باسمك و انت تقسط فيها شهريا 
الايجار منتهي تمليك تكون السياره باسمس البنك او الشركة اللي تطلع منها االسياره لين تخلص اقساطها و تصير ملك لك 
طبعا الارخص هو التقسيط لانهم ما يحسبون التأمين بينما الايجار تقريبا 2000 كل سنه تأمين شامل
التقسيط حلال ان شا الله اما الايجار منتهي تمليك الكلام فيه اختلف و لا ندري وين الصح من الغلط

أما من الناحية الشرعية مالي علم بس سمعت أن التأجير مشكوك فيه هذا اللي عندي وشكرا

اذا تحاول تبعد عن الثنتين فانت بخير لان فيها شبهات شرعيه
اما اذا انت محدود فخذ التقسيط لانه اضمن واحل واقل ربح من التاجير
التاجير فيه شبهات شرعيه كثيره وحتى العلماء الي اجازوه اجازوه بشروط معينه
منها ان يكون التامين والصيانه على المؤجر ومافي ولا بنك او شركه تامن هذا الشرط
لكن ذي الشركات لها مشايخ احلته والله اعلم 

٨٨٨٨٨٨٨ 
يا اخوي هم حرموا الإيجار بالتملك لانه عقد بعقدين عقد إيجار للسياره وعقد مبايعه وان الشرع حرم
ان يعقد علي الشيء بعقدين حمايه لحق الطرفيين بس هذا هو سبب التحريم واللي يقول الصيانه علي 
المؤجر هذا كلام فاضي .
تحياتي

كلام foxzx صحيح حرموا التأجير لانه عقدين
بس أنا أشوف ان الوضع مشكوك في الثنتين كيف السيارة كاش ب 70 ألف ويبيعها لك ب 90
هذي الزيادة ربا والله اعلم
والمؤمنون وقافون عن الشبهات لو تدخل في جمعية وتاخذ سيارة كاش افضل لك

طيب ياخوان الحين اللي يبي سياره اقساط ماهو تاجير من وين ياخذهاا

الله يبعدني ويبعدكم عن التأجير المنتهي بالتمليك 
ماوراه غير الهم والغم ,تخيل كل شهر تدفع 2000او1500 في ظل هالظروف الصعبة ,
ولاوالمشكلة فوائدهم العاليه ولاننسى الدفعة الاخيره .
بس المحتاج وش يسوي,يشتري اقساط احسن له من فلان وعلان

دامك تبغى اقساط اقترح عليك تاخذ قرض من البنك واشتر السيارة كاش وسدد البنك بس اهم شي ان قسط البنك يكون ثابت يعني مايزيد كل سنه
وشوفلك بنك ياخذ اقل هامش ربح
وبالتوفيق

ابعد عن الإيجار المنتهي بالتمليك 
كان عندنا سياره بالإيجار المنتهي بالتمليك  من عبد اللطيف
جميل وسوينا حادث بيها رجعولنا نصف الفلوس 
اللي دفعناها حتى ما جابت  الدفعه المقدمة