مابعد توظيب المكينة

اخوي حسب تشخيصك وكلامك ان في مشكه بالمكينه بالعاده هاذي مصيبه بواجي السياره عزمها كويس ولا عزمها 
طايح وترج لمن تمشي

عزمها كويس مع العلم ان المكينه ليس لها صوت لكنها ترج الموتر رج ع ضغط المكينه٢ 
والباقي بسلاسه ماتحس فيها مثلا لو تعشق بثنين ويوصل الضغط ٢ يطلع الصوت ومن تتعدا الاثنين يرووح

لا مهنا رجه وانا امششي

السلام عليكم ورحمة الله

أخوي مشكلتك من كراسي الماكينه 90 في الميه

وإذا تبي تتأكد من غير ماتروح لميكانيكي فخل اي واحد يعشق الموتر على D ويمسك فرامل ويدوس بنزين

( الرجل اليسار على الفرامل والرجل اليمين على البنزين ويدوس بنزين ويرفع وهكذا .. وإنت فك الكبوت

ناظر الماكينه .. إذا تشوفها ترفع جامد من جهه والجهه الثانيه ثابته معناه الكرسي من جهة الرفعه تعبان

وإذا الماكينه تلعب - ترفع وتنزل من الجهتين فمعناه كل الكراسي تعبانه ) وتحتاج تغيير

طبعا" الطريقه هذي تجربها على ال D وعلى الريوس علشان تتأكد

إن شاء الله أكون أفدتك ...

تحياتي

وصلت المعلومه وبيض الله وجهك هي قير عادي 

حبيت أضيف .. إنه لوكان الموتر قير عادي فتشد الهاند بريك ( الجلنط )

وتقوم السياره ( ثبت رجلك اليمين على دواسة البنزين واليسار على الكلتش

وإرفع رجلك اليسار ونزلها وهكذا ) يعني نفس الفكره في الأوتوماتيك مع إستبدال الفرامل

في الأوتوماتيك بالجلنط في العايدي

تحياتي

كانت زمان عندي نفس المشكله في كراسي المكينة بس اذا (نزل) عداد الهوا عن 1. ولكن إلى 2 احسها كثير

كراسي مكينه والعلم عند الله

المفروض قبلﻻ يركبون المكينه يشيكون على كراسي المكينه هم رافعين المكينه ورافعينها دام ان الكراسي تعبانه كان المفروض يكلمون راعي السياره لان الحين الله يعينك لو المشكله بالكراسي يمكن تحتاج تغيير وتكلف شغل يد 350 ريال عشان يرفعون المكينه غير قيمة الكراسي وانصحك تشيك علة كرسي القير بعد لانه 90 بالميه تصير الرجه من كرسي الجير 

هذي كراسي المكينة 

صارت نفس المشكلة معي زمان لمن وضبت سيارتي جيت طلعتها من الورشة صارت ترج كثير كأن فيها زلزلال داخل

غيرت كراسي المكينة وضبطت معاي تماماً