قير عادي او تماتيك

طبعا بدون شك ان القير العادي اقوى لكن اذا انت استخدامك في المدينه وسواقتك راكده انصحك بالتماتيك 

بالتوفيق

نصيحه والله مع الزحمه تسب في العايدي وتلعن تقول ياليت دفعت زياده 10 الاف ولا اخذت العايدي 
العايدي حلو الي ساكن خارج المدينه 
مع الزحام العايدي مايصلح والصباح تروح الدوام وانت مسوي تمارين رياضيه

العادي افضل للجيوب خذها قاعده

القير العادي أفضل بالطبع

التماتيك يصلح للمعاقين فقط 

يا اخ صالح ارتقي للاسلوب الافضل ودعك من هذا الكلام -1

التماتيك وانا اخوك وحولة عادي تيبترونيك

القير العادي أقوى من التماتيك لاكن عموماً الاندكروزر من موديل ٢٠١١ وتحت عزم ال٦ سلندر لك عليه حتى لو كان قير عادي

أيه صحيح أخ صالح الأتوماتيك للمعاقين اللي مثلي تقصد ؟
ترى مهوب علشان يدك مافيها شيء انها تبقى معك لين تموت 
من انت حتى تعيب خلقة الله و من انت حتى تضمن نفسك
ترى الله قادر انه يشلك بحرفين فقط 
و اذا الاعاقة عندك تعتبرها عيب 
الله يحيي هالعيب اللي بكسب من وراه كلام الناس حسنات 
و الله يحيي هالعيب اللي اصبر و احتسب اجره عند رب ارحم بي من نفسي 
إلى متى يعني مافيه احترام للغير و الله الاعاقة ماهيب بعيدة عنك ولا عن غيرك 
كل المصائب أقرب لك من رأس خشمك لكن من رحمة الله بك ما اصابك بشيء 
مهوب معناه انك انسان مافيك اعاقة انك كامل او ذكي و الله فيه ناس ابتلاهم ربي 
ما توصل مواصيلهم لو عشت الدهر كله 


الله المستعان بس 

بالنسبة لإستفسارك إذا انت تطلع البر دايم بيكون مناسب لك أما اذا فالسنة مرةولا مرتين و الباقي في المدينة انصحك بالتماتيك 

طيب يااخوان أيهم يمسك سعره عند البيع

رداً على أخي اللي اسمه (بأبي أنت و أمي يا رسول الله) ...
أسأل الله أن يشفيك ويعافيك ويكتب لك الأجر..
غفر الله لك فأنا لم اتعرض لك وللمعاقين بسوء ولم أعيبكم بشي..
والإعاقه هي إعاقة العقل وليس إعاقة الجسد  ..
وأنا قلت تصلح فقط ، فهل كلامي فيه إساءه لاحد؟ 
سامحك الله على اتهامك لي فأنا والله أتمنى لك ولكل مسلم مبتلى الخير والأجر والعافيه وأنت تتمنى لي عكس ذلك
 وعلى نياتكم ترزقون وحسبي الله وكفى هو أعلم بالنيات وجزاك الله على قدر نيتك . 

امين وياك المقصد من كلامي مهوب اهاوشك لا و الله عتاب المحب لك يمكن تقولها عند شخص عانى الامرين من الاعاقة و تزيد معاناته بكلمة وحدة 

المقصد من كلامي ايضاً  ان المنتدى كل شخص يدخله انا عندي اعاقة بس الحمدلله لو كان مافيني شيء لربما تكبرت و طغيت الحمدلله على كل حال 

انا عاتبتك و اسف لو قسيت عليك بالخطاب لكن و الله انصح لك و اني ما حطيت لك ديسلايك حتى على ما كتبت 

يمكن انت تشوفها عادي بس يمكن احد من ذوي الاحتياجات الخاصة وليس معاق يقرأها على انها اساءة ولو اني قلتها بتشديد الكلام لكن اعذرني و سامحني 

أخوي صالح كلمة معاقين تحسسهم غريبين قول ذوي الاحتياجات الخاصة افضل 

إذا بتاخذ اللاند كروز استخدام داخل المدينة او سفر بحكم انه سيارة عائلية فخذ تماتيك أحسن
أما اذا بتاخذه عشان البر والطعوس خذ قير عادي أحسن لأن التماتيك ماراح يخدم معك سنين طويلة

والله وبالله ان بعض المعاقين افضل مليون مره من بعض الاوادم وصاحب الموضوع اسمك شبهه !!