بالعكس إحتسب الأجر بالهجوم على رافع سعر سلعته
12
9
إضغط هنا للإخفاء
السلام عليكم
لما يجي شخص في اي موضوع بيعة ويقول كلام استنكار لسعر سلعة هنا او سيارة
تحصل الاعضاء مايفرقون هل هذا الشخص فعلا باخس للسلعة والا هو فعلا قايل كلام واقعي؟؟
بس على طول يهجمون عليك بممجرد ماايحصلون رد زي كذا ويجيك الكلام ...... انت وش عليك منه ..... هذا حلاله..... ان شاالله يبي فيه مليون انت وش يخصك .... وغيره من ذا الكلام
ولكن هذا كلام دلوخ مع احترامي لكل من كان هذا كلامه ...
لانه قيل ليست العبقرية بان تفرق بين الصح والخطا ولكن العبقرية ان تفهم خير الخيرين وشر الشرين ..
كثيرة الاعلانات اللي اصحابها حاطين اسعار مبالغ فيها وانا هنا ادعوا لكل شخص حصل مثل هالاعلان انه يحتسب الثواب وينكر المنكر الحاصل والمعصية اللي صايرة ..
مثل اعلان حصلته لواحد معه جيب تويوتا موديل ٩٧
يعني مو الشكل القديم، لا الشكل اللي اقدم من الشكل القديم
وعادي جدا ماهو مخزن بالعكس يميل الى انه يكون مقربع بعد
تدرون كم يبي فيه
يبي ٩٠ الف
نجي للكوارث اللي ممكن تصير من اعلان شخص مبالغ في سلعته :
١- أول شيء هذا البيع لو تم فهو فيه غبن وبيع الغبن حرام فيما لو اكتشف الشاري انه زود خمس او عشر او خمس طعش الف ريال زيادة ع سعر السيارة الطبيعي
٢- يمكن انا افهم بسعر السيارات ويمكن انت تفهم لكن لو جاك شخص غشيم على بطنه مايعرف وشرا، مهوب نصب عليه؟؟ واحنا ديننا الإسلامي يوصينا بمحبة الخير للغير، فتخيل نفسك مكانه هل ترضى؟؟
٣- ممكن يؤدي هذا الامر الى ان اللي عنده نفس السلعة يغلي بالسعر خاصة اذا قال سيارتي انضف من سيارته وسعرها كذا اجل ليه انا ارخص منه .. ويرفع بالسعر ...
٤- حتى صاحب السلعة الافضل او الاحدث ممكن يرفع، واحيان نلقى مثل هالكلام صح؟ ماتحصل معلن يقول سيارتي للبيع وموديلها ٢٠٠٥ ومحصل نفس سيارتي موديلها ٢٠٠٤ راحت بثمانين وانا ابي تسعين وهو معتمد على اعلان واحد رافع سلعته ومجموعة سوت مثله
طيب هل صحيح نقول الحلال لراعيه وهو بكيفه ؟؟
انا اعتقد اللي يقول مثل هالكلام له مصلحة وعنده سلعة يبي يرفع سعرها فهو يقول مثل هالكلام عشان لحد يستنكر سعره
لهذا نقول لا .. مو على كيفه واحد يرفع سعر سلعته هنا في مجتمع البيع والشراء ..
الا في حالة وحدة انا اقول بكيفه .. وهو انه يوقف سيارته قدام بيته ويحدها بمليون ريال يحط عليها لوحة .. هنا فعلا نقول بكيفه .. اما غيره فلا والف لا .. بالعكس المخطي نرده للصواب واللي مبالغ في سعر سيارته او سيارته سعرها الطبيعي اقل من سعره المحدود اقولكم ادخلوا عليه واكتبوا وامنعونا من ارتفاع الاسعار ومن الضحك على الاخوان اللي يجهلون البيع والشراء وممكن ينضحك عليهم ..
ةهذا وسلامتكم ...،،،
إبلاغ
الردود
ههههههههههههههه أمزح أمزح
كلامك صحيح و بعضهم معهم ددسن غماره مديل 97 رايحه وطي و يقول مسيومه ب 25000 و نطلب من الله الزود !!! ههههههه ودك تشوته في وجهه بهالسومه أشتر بها مديل 2006 إلى 2008
1
0
والي معطينك دسلايك هذولي شريطية
2
0
انا اعتقد اللي يقول مثل هالكلام له مصلحة وعنده سلعة يبي يرفع سعرها فهو يقول مثل هالكلام عشان لحد يستنكر سعره ؟؟؟
يعني انا لو اعرض سلعة وزودت عليها ريال او ريالين وكانت هالريالين ضمن السعر حقها يكون لازم لي مصلحة ؟؟
ومن ناحية تقول له مصلحة مو شرط امكن رفعة السعر الي حطها لانها ضمن سعر السيارة الي تستاهله لانه ماكان يدري كم تجيب لاه غشيم وعدل السعر
علشان ما يخسر فيها وينلعب عليه !! ايه ما اقول لا انه مافيه ناس تبالغ !! فيه كثير وانا دايم اشطح لهم لكن البعض يزود السعر بشيء معقول ان السلعة تستاهل !!
0
1
0
0
0
0
اجل فورد مقرب ماشي 500 الف موديل 99 يقول مسيوم ب21 وابي فيه زود ؟؟؟؟؟ يا رجال لو يجيني ب10 الاف ما اخذته
يعني الواحد يكون واقعي شوي ولا يجلس يشطح بالسعر
وبصراحه هالموقع شطبت عليه وكل سياراتي بأذن الله من خارج الموقع والسوق
1
0
0
0
قبل 10 سنه و 2 شهر