جيب برادو يقتحم محلا تجاريا شرق الرياض

شكله  يبي ببسى  عطشان  

علق الدعسه بوابه الهواء صارت في اغلب سيارات تايوتا

دعم في علب حيليب ابو قوس خخخخخ 
البرادو داخل بقلب ههههههههه 

اهم شيء مافيه إصابات

شله يبي تونا و الجوع ماثر عليه

اكيد متخرج من مدرسه تعليم قيادة السيارات. امش قدام ارجع وراء. ناجح وانطلق وادعم الناس

بدل ما تقولون الحمدلله على سلامته و سلامة الناس قاعدين تضحكون و تنكتون

والله قلط عليهم قلطه اليمه هههههه

ازمة مواقف ياجماعه هههههههههههههههههههه

الله يعافيه ولايبلانا.

لاحد يشمت ممكن الرجال ماشي في حاله ودخل عليه واحد وحاول يشرد عنه وكانت هذه النتيجة او ربما خلل في السيارة او قد يكون بسبب تعرضه لازمة قلبية او غيبوبة سكر

ما شاء الله تبارك الله , صدام الجيب مافيه مخش او حك !! , لو كان جيب اخر ممكن اتفقعت الرديترات عليه , والصدام كان مالقيته لانه اتنتف هههههه

عموما الحمد لله على السلامه , وترا احيانا تسير لنا , يعني انا اذكر اني دقيت ريوس من الباكيه وطلعت سيارات الوالد اللي هي جمس اكس ال , المهم اني رجعت رجعت رجعت لين ما وصلت سيارة جيراننا و لفيت الطاره يمين و كنت بأحط القير على الدي الا والوالد يقول انتظر ابركب , وركب معاي وانا ضغطت على البنزين على اساس انه بالدي , ولكن المفاجأه هنا اني نسيت القير بالار , وضغط على خفيف الا والسياره ما تمشي قدام واشد عليه الا و انا راقي من ورا على صدام اللكزس حق جيراننا ههههههههههههههه 

فالغلط وارد , تلقى الرجال سوا مثلي 

الحمدلله الى عافانا مما ابتلاه 
لا احد يتشمت يمكن الرجال 
مريض ماتدري عنه

نفس هالموقف سابقاً كنت موجود فيه بحي المصيف اسواق الهدف ان كان احد يذكرها قبل 10 سنوات تقريبا

الكل يضحك ومدري ايش وشوي الا الرجال فيه سكر وجا الاسعاف وشاله وهو مغمي عليه ولا ادري وش صار بعدها

لا تشمتون احتمال الرجال انصرع ولا فيه سكر

وموقف اخر باحد المجمعات السكنية

واحد شغل سيارته بعد صلاة العشا , وفجأه طلع الرصيف على الساحة الداخلية لييين البوابة وصدم لوحة تنبيهية


طبعاً نظام الشعب هنا التفكير الوصخ اولاً ثم النية الحسنة ثانياً

نشروا انه كان سكران ومدري ايش وانه راعي استراحات

والمسكين شايب بحدود الخمسين ومعه صرع والمشكلة ان حتى احد السواقين وصلته المعلومة الخاطئة



لا تتهمون قبل تتأكدون

صح انه موقف مضحك شويتين لكن تأكدوا قبل الحكم

الله يستر من حقين البرادو والفورشنر دايم يجونك مدرعمين