ادري موضوعي في غير محلة - بس شورو علي الله لايبلاكم
7
2
إضغط هنا للإخفاء
السلام عليكم ورحمة الله
اخواني بعيد الشر عنكم عندي الوالد ادخلتة مستشفى لإجراء عملية قلب مفتوح
وتفقت مع المستشفى على مبلغ 65 الف وعطوني التقرير وموضح المبلغ فية
جمعت الفلوس وبعد اسبوع ادخلت الوالد للعملية وتمت بنجاح وكل شي تمام والحمد لله
استدعوني الحسابات لسداد المبلغ الباقي فستغربت ﻷني دفعت المبلغ كامل قبل الدخول اجباري
رحت اشوف وكتشفت ان حسابي 100 الف طيب ليش نحن متفقين وضحولي حق ايش
قالو ان الحالة احتاجت الى كم يوم زيادة عندنا في العناية ولازم تدفع
طيب قلت لهم نحن متفقين وما وضحتولي شي من هالمواضيع والحين من دور الى دور ونا ادور المسؤول وضعت بيناتهم
كلهم حركات وافلام ومو راضيين يتفاهمو ونا ابي اطلع الوالد خلاص تعافى
بس واقفين عالدفع والحساب يزود كل ماجلست
وش السواة شورو علي الله يرحم والديكم ويلطف بكم من كل مكروة
إبلاغ
سيارات للبيع
الردود
0
0
من الظهر ونا اتابع خروج الوالد لين المغرب وقفلت الملف طلع 100 وشوية
قلت لهم ماعندي غير اللي اتفقنا علية بس
غير كذا ماعندي غير انكم تطلبون الشرطة لي او انا اطلبها واخروني لين العشاء قلتلهم ماعندي
بتطلعون الوالد او اروح الشرطة ومن واحد لواحد لين طلعوني بالعافية وفتكيت منهم
والله ماشفت بحياتي مثلهم على حركات وتصريف وتخويف لا اله اﻵ الله
والحمد لله افتكيت منهم
وخذوها نصيحة مني الله لايحيجكم للمستشفيات بس اي علاج او تنويم خذ تقرير بالمبلغ
ﻷنة ينفعك في المواقف هذة
وشاكر لكم
قبل 10 سنه و 9 شهر