شي لفت نظري في موقع حراج

والله يا أخي كثير من الشباب يتحمس لسيارة ويشتري بدون ما يتأكد هل تناسب احتياجاته وﻻ ما تناسب

وبخصوص التأجير للأسف كثير من الناس وقعوا في فخ العروض الي وراها ديون ومصايب

انا اشتريت كامري 2014 ومن رائي الشخصي ومن تجربتي ::ان موتر لك عليه المكينه مامشت 1700 وصوت طقطقه في المكينه والديكور انواع العصافير السالفه كانت كامري جباره بكل ماتعنيه الكلامه اما الان خلاص سمعه لا أكثرررر

بس ليه يااخوان اليارس عكسهم تمام

وعلى نياتكم ترزقون

والله الكامري ماعليه , مع خالي 2013 مطلعها قبل 6 شهور , وماشيه الحين 25 الف كيلو , وانا اعرف خالي من النوع اللي يكد , وما شاء الله ريحة الوكاله فيها و نظيفه وما فيها اصوات ابدا , وخفيفه بالسواقه , 

بالمختصر , اللي يبي سياره تكد معه و ما تطلب شيء , ياخذ له تويوتا والله انها من افضل السيارات اللي تعيش في بيئتنا

لان بيئتنا وجونا ما ينفع له الا ياباني , ( تويوتا + لكزس + مازدا .. الخ ) 

الياباني يوافق بيئتنا

ماعاد فيه ياباني كلها تايلندية

طيب عطوني سياره تعيش معك بدون خرابات , مع انك تكدها ؟؟

لا تعطي دس لايك , تكلم , علمنا بالسياره هذي اللي تكدها وما تطلب منك الا القطع الاستهلاكيه ؟؟

والله ما يعيش هنا الا الياباني والكوري فقط

واللي بيعطي دسلايك , تفضل 

اهم شيء اكون نفسي وما اتصنع عشان ارضي الناس ويجيني لايكات 

انشهد بالله انك صدقت يا ابو يزيد هاذا الزمن زمن الكوري والياباني هي اللي تعيش وتكد ماتشتكي من تهاريب او ارتفاع حرارة الماكينة ولا مكيفن حار ولا قاله الله حتى في عز الصيف درجة الحرارة 50 ماعندك اي مشكلة ... عشان كذا العالم صارت تدور الفئة هاذي من المواتر حتى وان كانت صغيرة لكن يشترون راحتهم ويبون يفتكون من الخرابات والغثى

صدقت يابو يزيد        الكوري والياباني هو اللي يعش عندنا 

وطبعا ما اقول المواتر الباقيه ما تعيش

هي تعيش لكن لازم تحافظ عليها , مثلا انا عندي فورد .... والله اذا كرفتها يطلع فيها اصوات , وتطلع يبغالها تربيط او مساعدات , او تشحيم ,

وايضا بعض المواتر لا كرفته وطلع فيه خراب , لازم تصلحه , اما الياباني والكوري , عادي لا تصلحه , ويمشي معك زي الحلاوه

مع خويي سوناتا 2009 ما شائ الله عليه ماشيه فوق 400 الف والسياره معدومه و الولد كارفها على وجهها و ماشيه والله طبيعي 

بس منتظم على صيانت القطع الاستهلاكيه و ما شاء الله تبارك الله مافيها شيء بسم الله عليها

وايضا احد الاقارب معه كامري 2008 ماشيه يمكن 500 الف و مكينت بلدها ما تغيرت و لو تشوفها تقول كيف هذي تمشي هههههه

ووالله انه يسافر عليها خطوط طويله ويقول والله لو تبيني امسك طريق امريكا مسكته هههههههههههههه

مع ان الموتر مفكفك ومعدوم لكن يقول والله انه يكد معاك لو هو طايح على وجهه

لحد يقولي الياباني يعيش ولا الكوري يعيش 
السيارة اللي تحافظ عليها هيا اللي تعيش حتى لو مصنوعة في المريخ 
مستحيل سيارة تنتظم على صيانتها وتمشي بيها على مهلك وما تاكل بها حفر ومطبات وتخبط عليك 
اما سالفة العيب المصنعي شي تاني
وعندنا كرلا 2013 مشت 20 وتفكك ديكوراتها .. وانا وخويي نفس السالفة وكلنا محافظين ع السيارات 

^^^^^^
نتكلم عن الياباني والكوري 100% لا اتكلم عن دول التجميع...
الكورولا تجميع تيلاندي زي الهلي فلا تستغرب تفكك الديكور...
ولكن جرب سيارة يابانية مثل تويوتا لاندكروزر والربع والبرادو التي هي يابانية 100% ما فيه احد اشتكى من الديكور والخرابات...

بالنسبة يا ابو فيصل للممشى عندنا وعندك خير موتري ماشاء الله الحين وصل في بحر ال 300 الف سوناتا 2006 وكارفها على وجها الصبح دوام والليل هجهجه في كل مكان ومقاوم وجلد بس اني احمي السيارة ومنتظم في غيار الزيت لكن باقي ماشيه معي الحمدلله وبالنسبة يا sosisos اللي نقصده في انك تفتك من الخرابات اللي هي التهاريب وارتفاع الحرارة والمكيف خلنا نتكلم في الواقع مواتر امريكية موديل حديث ماكمل خمس سنين تلقاه موقف عند كهربائي يامروحة يا تهريب في مواصير المكيف يا تنسيم يا مدري وشوا حتى وانت محافظ ماتضمنه لكن اللي يراقي مطاب ويعفس ويجفر هاذا بيدمر بطن الموتر مساعدات وجلد والخربطة الثانية وصلت المعلومة ولحد يزعل من كلامي ....

ياخي من ياخذ كامري بـ 82 الف والازيرا سته سلندر ب84 الف !!

فعلا يا شيخ المعارض اللي جرب يعرف

ولد عمي عنده كامري 2012 ماشيه اكثر من 120000لان حتى زيت القير ما غيره 
ما غير اقشمة يقول لي ويغير زيت كل 5000 
وانا عندي وحده 2013 طلعتها في شهر 11 وماشيه اﻻن 61000 من احلى ما يكون 
ويوم السبت بغير زيت القير والفلتر وبشيك على اﻻقشمة اذا تحتاج تغيير محافظ عليها طبعا 
مع انها 4 سلندر لكن اشهد لها في القومة الى 160 

سبق واجرت كامري 2013 
للامانه السيارة عزمها صاروخ 
على الدزة يعني
مكيفها جيد نوعا ما
العزل الارضي على سرعة 180 - 200 سيي جدا للاسف 
ولا داخليتها وسواقتها ممتازة 

اي سيارة مبيعاتها كثيرة المستعمل راح يكون بشكل تلقائي كثير

المقارنة هذي فاشلة بكل المقاييس ولو فعلا صحيحة 

يعني سيارات الستروين و السكودا هي افضل سيارات ؟؟؟؟؟؟؟؟؟!!

يمكن كل المستعمل ما يجي 50 حبة بكل المملكة 

الناس لها ظروف واذا ما عجبتك ممكن تعجب غيرك مالها علاقة

الكوري دائما صعود والياباني في هبوط

من تجربة الواحد لا يطيح نفسه باقصاد يستنظفله فكتوريا بسعر حلو وانا اكلمكم 
يالربع عن تجربه والله اني ماكنت ادنى الامريكي لكن غيرت رايي بعد
ماجربت الفكتوريا