شوركم علي يارجال بخصوص تهريب زيت الدركسون كامري

وانا بمسك خط 500 كليو رايح وجاي يعني 1000 كيلو
خوفي بنص الطريق تخرخر علي وابلش خخخخخخخخخ

يا اخوي فواز نصيحه لوجه الله أغسل الموتر من تحت في المغسله 
وبعدها ارفع السياره وشف التهريب من وين وانا متأكد منه ان اللي يبي له كبس 
هذا مو طقم إصلاح هذا تهريب من احد الليات فيه واحد جاء والثاني رايح شوف واحد 
منهن وهذا العيب موجود بالكامري والماكسيما والصني ونصيحه لك لا تستعجل .
الله يوفقك 

جزاك الله خير اخوي foxzx
انا متوقع ان ليات لان ماعندي لاصوت ولا ثقل بالدركسون

ويجزاك بالمثل
يا اخوي فواز نصيحه لوجه الله اكبس الليات الاثنين وادعي لي
لان مستحيل يخرب الدوده بسهوله وهذا نصاب يبي يأخذ منك قريشاتك .
وانا مثل ما قلت العطل هذا معروف بالماكسيما والصني من ٢٠٠١ وفوق 
والكوامري من ٩٨ الي ٢٠٠٢ .
وبيني وبينك حرام تاخذ دوده لو بألف ريال بالكويت حقها علي ٦٠٠ ريال 
وبدون لا يأخذ الرجيع .
والله يوفقك 
وتحياتي

ويوفقك طال عمرك
موديل موتري 2003 الشكل الجديد طيب لو بسافر عليه واشري كم علبه احتياط تتوقع تمشي معي لين ماتسنع بالميزانيه ولا اصلحهه

يا اخوي انا اعرف الموديلات القديمه هي اللي مرت علي اما ٢٠٠٣ ما جربت هالعطل فيها 
انت مسافة السفر كم وثاني شي اذا مشاويرك العاديه يمكن تاخذ معك ٣ايام واذا بسفر اذا 
ما خابني الظن مسافة ٤٠٠ او ٥٠٠ والله اعلم بس اذا تبي تعبي عبه فوق المعدل يعني لحد 
ما تشوفه يبي يطلع من الخزان حقه بس اذا كبست اللي عبه لحد الحد المعروف الخط الاعلي
ويا اخوي فواز بالسفر عبه فل وكل ما تحس ان الدركسون ثقل بيدك وطلع فيه صوت ونين انزل 
عبه .
وأي استفسار حاضرين
تحياتي

وعلي سؤالك خل معك اقل شي علبتين من النوع الرخيص 
لانه راح يهرب ولو تاخذ لك كرتون من الجمله وتخليه بالشنطه 
احسن لك 

بشري كرتون لين الله يفرجه

الله يعطيك العافيهه يالغالي

الله يعافيك يا اخوي فواز 
ويا ليت لو تكبس اللي الصغير وبعدها الكبير
والله يوسعها عليك من واسع فضله 
ربي يوفقك 

ان شاء الله

اللهم امين وياك يبعدي

11452