الحذر من هذي القطعه في الاف جي

مكرار ...................

هذا مثال من أمثلة تدني جودة سيارات تويوتا الجديدة .

لو انحرق هو وموتره لا سمح الله 
محد درى عنه  كله بسبت الجودة الرديئة
وسيارات ابو جميل

تويوتا قبل 96 فقط

علي حسب ماسمعت ان فمديل 2014 خلوها المنيوم
وبعدين لا تجور علي الموتر بالحيل بالنفود وان شاء الله امورة طيبه

غلطان اخوي الخالدي ، قبل فترة مطلعين اف جي 2014 وعلى طول رحنا غيرنا القطعة او بالأصح الكلبس وهي بثلاث مواقع تحت الموتر ، والتكلفة 30 ريال والحمد لله 

الله يكفينا الشر

ssv8 اخوي بالله وين مواقعها ووين غيرتوها لان معي 2014 وابي افكها

اذا انت بالرياض ، عندك صناعية النسيم ، فيها واحد سوري ، متخصص شكمانات ، وصفه يا طويل العمر ، اذا دخلت الصناعية وانت جاي من خط الميه ودخلت من عند قطع الغيار بيجيك التقاطع الكبير ، رح سيدا و وجهك شمال لين تجيك ورشة الشرق الأوسط ديور من عندها وخل وجهك جنوب وانت على نفس الشارع بيجيك على يدك اليمين محلات صغيره حقت الشكمان ، تقريبا هو المحل الخامس او السادس قبل الأخير ، وان شاء الله الوصف صح ، بالنسبة لمكان القطع هي بالضبط بجنب الشكمان ، قطعة قبل الدفرنس وقطعتين بعده وشغلهم مرا بسيط ، بس خله يشد علي المسمار بوردتين عشان ما يرتخي عندك ، وبالتوفيق ، وبدال ما تشرح له اسأله قله فيه اف جي جاك قبل فترة 2014 أسود وهو بيعرف الشغله بالتوفيق وأي سؤال حاضر 

تسلم يالغالي
اي والله انا بالرياض بس  ياخوي هل اذا فكيتها منها ضرر ولا شي
ووش فايدتها اصلن

غلطت بالوصف ، اذا تعديت التقاطع خل وجهك جنوب بعدين اذا جتك ورشة الشرق الأوسط يمينك ارجع وخل وجهك شمال وبقيت الوصف بالأعلى ، العذر منك 

خطرها بس في البر ، اذا لعنت الموتر ، بيحترق الكلبس البلاستيك ويموع وينزل على الشكمان ومع ، حرارة الشكمان بيحترق الموتر 

الله يعطيك العافيه 
وش اسم السوري علشان اروح السبت اضبط الوضع

والله ناسي اسمه لكنهم اثنين ، انت اسأل وأكيد بتحصلهم موجودين ، وتقريبا بتشوفهم فاهمين الشغله لأنهم اشتغلوا بثلاث مواتر قبل موترك ومنهم اللي معي 

بيض الله وجهك وماقصرت

ووجهك يالغالي ^_^ 

الافضل انك تراسل الشركة الام وتوضح المشكلة لحلها في الموديلات الجديدة