وش رايكم في الكامري الـ 2007 ..

وعليك السلام ورحمة الله

لو نظيفة توكل على الله 
الكامري خدومة ماشاء الله 

مع صاحبي 2007 ماشية فوق ال300 ألف ..
وماشاء الله نظيفة 

كثير يشتكي من معه نفس هذا الموديل يشتكي من ضعف تبريد المكيف

سيارة مكده , حقت كرف , يعني تجلدها جلد ولا تطلب الا القليل , كانت مع ابراهيم التركي ( عضو معنا بالمنتدى ) ومشا فيها فوق 600 الف , وكان بيكمل عليها لكن الشركه سحبتها منه , ويقول المكينه نظيفه جدا والقير كذلك , 

من سلبيتها , غير مريحه , صوت الارض تسمعه وانت بالسياره , العزل غير جيد , السياره مافيها فخامه ,

انا ارشحها لك , لان المزايا غطت على العيوب , واسعارها من 30 الف الى 35 الف ريال 

بالتوفيق

حسوف صحيح كلامك , التبريد الكل يشتكي منه , ولكن ابراهيم التركي , غير الكرومبوسر , لانه خرب وتبريده اتوقع ضعيف , فغيره بكرومبوسر كامري 2002 ,يقول والله ياهو ثلج الثلج , وتحسن كثير 

2008 أفضل وتحصلها حول 35 النظيف 

مع اخوي موديل 2009
ليومك معاه وامشاء الله تبارك الله ، بغض النظر عن ان سواقته هاديه ومحافظ
لاكن الساره حقت خدمه وماقد دخلت ورشه الا عشان اشياء استهالكية وروتينيه فقط .. 
اهم شي دور شي نظيف واصبر وانت تدور لاتستعجل وتاخذ شي يتعبك ويكرهك في الكامري كلها خخخخ 
بالتوفيق لك ولله يعطيك خيرها ويكفيك شرها مقدما

اخوي ..  من ناحية الكد والتحمل فهي ممتازه 

ﻻكن ﻻتدور   ﻻ فخامه  وﻻ راحه وﻻ عزل والرساوه لك عليها 



ﻻكن تراها ماتطلب شيء وتتحمل 

آنآ معي 2008 ..
كآدههآ كد لدرجة اني رقيت رصيف بالغلط هههههههههه والحمدلله ماجاها شيء .. ،
مشيت فيها 180 الف .. ،
من ناحية فخامة مافيهها زي ماقالو الشباب .. 
افضل ميزة فيها الكرف الكرف .. 
والحمدلله ماشتكيت منهآ .. ،

عيبه مكيفه صحيح  . وتنسم  با المعقول .. غير مريحه جدا . با الحفريات المطبات  يعني .

عزم جميل ..  اقتصاديه .. بس

كفيتتو ووفيتو الله يعطيكم الف عافيه