مشكلة الـ abs لا أراكم الله مكروها

8 2

لايمكنك التصويت حتى الحصول على 20 نقطة على الأقل
إضغط هنا للإخفاء

موتر 2008 276
قبل 10 سنه و 10 شهر

بسم الله الرحمن الرحيم


اللهم صلّ و سلم على سيدنا محمد ..


الـ abs بدايةً لازم نعرف انه نظام اصبح أساسي في الغالبية العظمى إن لم تكن
كل السيارات الحديثة ..
بإختصار معناه نظام منع انغلاق المكابح (بالإنجليزية: Anti-lock braking system)
وتختصر إلى ABS هو نظام أمان يحول دون انغلاق (أو التوقف عن الدوران) عجلات السيارات
أثناء الفرملة.
* راجع المصدر http://ar.m.wikipedia.org/wiki/نظام_منع_انغلاق_المكابح
بمعنى آخر أكيد اغلبنا شاف خصوصاً السيارات القديمة قدامه سيارات تضرب بريك قوي 
ف تنغلق الكفرات الامامية او تجمد عن الحركة و السيارة ما زالت تمشي نظراً لسرعتها و 
عادةً يصاحب البريك صوت قوي .

طيب بعد تعريفه احب اعلمكم ان قليل من شركات السيارات اللي
ابدعت و اتقنت هذي التقنية و ليست كلها ، و ياما سمعنا ناس
يفصلوا الحساس تبع الـ abs لانه احياناً لا يعمل بصورة جيدة
فـ تلقى نفسك لا قدر الله ماشي و يفاجئك اي نوع من مفاجآت 
الطريق فـ تضرب بريك لكن السيارة مهيب راضية توقف و تسمع
اصوات في الفرامل غالباً تشبه الرجه ..



الموضوع حصل لي انا و أخوي امس ،
كنا ماشين قبل صلاة الظهر نبغى نلحق ع الجامعة عشان تحويل و ما تحويل
و الموظفين يفركون عادةً قبل الصلاة ب نص ساعه  ، و يمشي في خط التجاوز
فلبيني يشتغل بstc و بجنبه يمشي شايب و كأنهم يسولفون ما ودهم يفتحون 
الخط و مهدين ..
ف اضطر اخوي يتجاوز من اقصى اليمين اللي هو خط الخدمة و ما حسينا الا ب النترا 
يمشي في النص و يبغى يخش لفه ع اليمين و يسقط علينا ، كان بيننا و بينه مترين تقريباً
ف ضرب اخوي البريك ع اساس بنوقف و نسمح له يخش .. كنا ماشي 60 
المصيبة كانت ان السيارة ما وقفت !!


تخيل سيارة قدامك و انت رايح صوبها و ما تمسك فراملك !!
تسمع اصوات رجه ولا رضت توقف !

المهم اننا بقدرة قادر تلافينا راعي الالينترا خشينا يمين و مع السرعه
السيارة بالموت تلف ف ما قدرنا نخش اللفة و نطب في حديقة عامه

الله ستر و سلم .. لا خشينا ب سيارة و لا شجرة و لا عمود ولا دعمنا آدمي

و السيارة ولله الحمد ما تضررت اللهم الكفر الامامي ورم و على طول ركبنا الاسبير

اللهم لك الحمد و المنة .. و بعد ما طلعنا السيارة جربنا الفرامل ندوس ثم فجأه نوقف
صارت ممتازة ..

المشاكل من ال abs خطيرة احياناً تحس السيارة ما فيها فرامل ابد و تسمع رجه
و احياناً يشتغل معاك النظام ع التمام ..


اللهم لك الحمد حتى ترضى و لك الحمد اذا رضيت و لك الحمد بعد الرضى
و لك الحمد على كل حال ..


انتبهوا يا أخواني من السرعه ، اللي ماشي ١٠٠ مصيرك تلقاه عند اشاره او مطب


استودعتكم الله .

إبلاغ

الردود