تضليل السياره على الطرق السريعه

01
او 02
مايدققون مره تسلك
لكن 03 كتم طرح مايخلونك

تظليل خفيف يبين الي داخل الموتر .. عادي مايقولون شي ..

اما التضليل الكتم يعني يا الله يشوف العسكري مين بداخل السيارة .. هذا ممنوع وعليه غرامة .

وعلى حسب اسلوبك مع العسكر اذا التضليل كاتم احيان تعدي سهاله .

بالتوفيق يا أبو خليل وسلملي على الهيئه الملكيه هههه .

يارجل لي 5 سنوات مضلل 02 مااحد كلمني 

اهم شيء ماتكون انت شبهة,!! لأن بعضهم يعرض نفسه ل الشبهة تلقاه مكدش ولا ميل العقال
ولا مسوي اكشن فنفسه
اذا شفت تفتيش ولا شيء خلك رسمي بحت وزبط الغترة والعقال.

^^^ ههههههههه مسوي أكشن بنفسه
انا كنت متردد ولكن بعد تعليقاتكم ان شالله بضلل 02 لكل السيارة
لاني والله كنت مقهور من موضوع الدرجة المختلف ... اشوف التضليل بنفس الدرجة لجميع السيارة يعطي جمال اكثر
بروح اركب كوري من اليوم لشهر 5 وبفكه بالصيف وبركب اصلي بالصيف بنصف شهر 5

01 وريح راسك ... بس خذ كوري ابو لفه كبيره افضل من الباقيات .. والله يوفقك ... 

مشكورين ياخوان ماقصرتم 

وبالعربي الشغله على مزاج العسكري وابفك الدريشه لقربت من اي نقطه <<< اخس ياوثق من نفسك هههه

لايك لكم ياحلوين

الكاسر هي تسلم عليك بعد وتقول مرني قريب <<< اتحدى من قراء هالسطر غير يطلع فوق يقراء رد الكاسر اتركووو سوء الظن هههه

خلك بين 01 او 02 زيي انا مركب 01 ولا احد قالي شي ليومك هذا 

علشان تسلك وان وقفك احد كلمه حلوة وتمشي 

خلك بين 01 او 02 زيي انا مركب 01 ولا احد قالي شي ليومك هذا 

علشان تسلك وان وقفك احد كلمه حلوة وتمشي 

صلح زجاج الابواب الخلفيه والزجاج الخلفي 02 وزجاج الابواب الاماميه 01
ما احد يكلمك ابدا ان شاء الله

على حسب العسكري 
انا مظلل 0/1 مكلفني 1800 وتشوف السياره تحلف انها مول مظلله تشوف الي بداخل السياره بالراحه 
وفكه عسكري بتفتيش اول شي مشاني مامداني اتعداه الا يقول تعال تعال وقفت ورجعت قال رخصه واستماره اسفط على اليمين وفك التظليل يابن الحلال والله مكلفني ولاهو كاتم ويبين الي بالسياره يرد علي فكه ولا جبت سطحه اخلص فكه 
اوريه االفاتوره مصمل الا افكه يقول التظليل ممنوع اصلن لقزاز الراكب والسواق 
والله فكيته وانا قلبي يتقطع عليه 
هي على حسب مزاج العسكري رايق يمشيك من نفس القبيله يضرب لك تحيه ويمشيك 
اما معصب وتوه مستلم الله يعينك بيدقق حتى بالحزام 

^ كان قلت له عطني مخالفه ولا تشيله .. 

ي الحبيب النظام يعطيكك مخالفه وتفكك التضليله هههههههه بس تشوف يان العسكري تشيله او مخالفه وتروح وبالنسسبه لي طريق الشرقيه للقصيم كل شهر مره او مرتين ع حسب مضلل كتم كامل الئ الاماميه ٠٢ بس كل سفرتي صباح 

اسمع العلم اللي يجمد عالشارب واللحيه اي تظليل في باب السواق والراكب اللي جنبه مخالفه ودها خفيفه ولا كتم وهي عالعسكري يمشيك ولا مايمشيك وانا مظلل سيارتي كتم في كتم ولي سنه محد قالي شي وقد مره ظللت زيرو ون امامي حق السواق وماجلست الا اسبوع وقالي عسكري فكها وعطاني شهاده فخريه صفراء خخخخخخخخ

انا اخوياني العساكر مظللين سياراتهم اسود كتم وفي اللي مظلل مخلوط كتم 
وماشين ليومنا دا مدري عشنهم عسكر زي بعض يمشوهم 
والا كيف مدري

مركز ستة نقاط للعناية الشاملة للسيارات
Six Points
نقدم لكم أفضل منتجات ذو الجودة العالية
العزل الحراري : مقدم من شركة Express Window Films الامريكية ~
# مواصفات عازل الحراري افلام النانو سيراميك ↙ :
● تعزل درجة حرارة الشمس بنسبة ( 86% ) .
● تعزل الاشعة تحت الحمراء بنسبة ( 98% ) .
● تعزل الاشعة فوق البنفسجية بنسبة ( 99% ) .
● تسمح للضوء المرئي , الشفافية , بنسبة ( 73% ) .
✦✦
# مميزات عازل الحراري افلام النانو سيراميك ↙ :
● تسمح بتشغيل كافة وسائل الاتصال الحديثة .
● تخفض وهج الشمس ومن بهتان الالوان الداخلية .
● غير قابلة للخدش ومقاومة لكسر الزجاج .
● خالي من المعادن والألوان المعاكسة .
● متوفر بألوان : شفافة , متوسطة , داكنة .
✦✦
# خدمة مابعد البيع , ( الضمان ) ↙ :
ضمان عازل الحراري افلام النانو سيراميك ضماناً مفتوحاً وتشمل ↙ :
● تغيير اللون .
● فشل اللآصق .
● التأكسد والتآكل .
☼ ويتيح الضمان تركيب بديل جديد مجانا ☼
✦✦
- للتواصل والاستفسار /
فواز ( 0590077341 )