أضف سؤال أو موضوع جديد          

السرعة في طريق سفر وقصة الحادث طريق الرياض -الطايف

up 4 down 0
momo077 87
قبل 3 سنه و 8 شهر



بسم الله الرحمن الرحيم ....
السلام عليكم ورحمة الله وبركته
اليوم بتكلم عن سرعة في خطوط سفر الكثيرا منا يسرع في خطوط السفر طويلة 1000 كيلو والخ
قبل 4 ايام حنى والاهل مسافرين مكة منها عمرة وكذا تعدينا القويعية ويجي هايلكس غمارتين شاخط على 200 قلنا الله المستعان والله ي شباب بعد 60 كيلوو الى نشوف زحمة وغبار قلنا اكيد الحادث الا نوقف الوالد قعد في سيارة وانا واخوي ثاني نزلنا ونشوف الا خوينا راعي هيلوكس منقلب والله ي شباب ان الولد يصارخ ومعها 3 خوياه واحد شكلها صار مشلول وثاني يصارخ يقول يده واحد بس جروح خفيفة وسواق جتها كسور بالغة بس الي يقهرك نص الحظور يصورون ونص الله يجازهم خير يساعدون طبعا سالفة كيف انقلب كان في جمس 2013 ماسك اليسار على 120 ويجيك راعي الهيلوكس ماسكك خط على 200 وصار الي صار الغلط على اثنين واحد متهور وثاني مهدي والعايلة مجاهم الى صدمة ورا قوية جدا ودي اقولكم عن العايلة لكن مقدر لسبب لانهم عايلة والله يهدي الجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يستر ويوصل كل مسافر 


up 1 down 0
قراندي 2000 253
قبل 3 سنه و 8 شهر



الله يستر ويوصل كل مسافر 


up 0 down 1
قراندي 2000 253
قبل 3 سنه و 8 شهر



سالفة كيف انقلب كان في جمس 2013 ماسك اليسار على 120 ويجيك راعي الهيلوكس ماسكك خط على 200 وصار الي صار الغلط على اثنين واحد متهور وثاني مهدي والعايلة مجاهم الى صدمة ورا قوية جدا ودي اقولكم عن العايلة لكن مقدر لسبب لانهم عايلة والله يهدي الجميع
؟الغلط مو من الاثنين الغلط على راعي الهلي الجمس ماشي 120 على حد السرعة القانونية الرسمية من المرور الهلي هو الي مسرع وغلطان
بتقولي خط سفر ومدري ايش والجمس مفروض يسرع ؟ ايه مفروض لكن هذا راي الشعب انه لازم يسرع المرور لا 120 وهو الجمس
متبع النظام لانه لو اسرع وصار شيء ماراح يستفيد مثل راعي الهلي !! الخط سرعته رسميا 120 المرور لو شافك مسرع بعطيك مخالفة 
وما اظن انك بتسدد عن راعي الجمس لو جته وغير كذا المرور ما حط قانون للسرعة الا لمصلحتك تسرع ليه ؟ والمصيبة انك تعرفون ان السرعة
خطر ومع كذا تسرعون واذا واحد قدامك متبع النظام وانت مسرع تقعد تسبه والمفروض هو الي يسبك لو في السالفة سب 
لكن ارجع للموضوع الغلط على راعي الهلي المسرع الجمس متبع النظام !! لا تقول خط وماخط حد السرعة موجود والنظامي يتبع
مو يدعس ويهايط على الشعب لو ماوخروا وهم ماشيين نظاميين وهو المسرع الغلطان واذا صدمك من الخلف لانه مسرع وانت ماشيء عادي 
ينزل يهايط ومدري ايش وهو الي غلطان الاشكال هذي مفروض تمنع عليها السواقة والمصيبة ما يتوبون بعد الحوداث 


up 8 down 1
fahad11-11 155
قبل 3 سنه و 8 شهر



فيه مصاب جابوه عندنا وبترو قدمه اليمنى

السبب حادث سرعه الله يعوض عليه


الحين هالشخص لو تسئله وتقوله وش رايك فالسرعه ؟

مستحيل يسرع حتى لو تعطيه اليخت الجديد


طيب الى متى الواحد ماعقل ويفهم ويترك السرعه ؟

الى مين مايصير عليه حادث شنيع وينشل رباعيا بعدين يعرف انه كان على غلط


المشكله كثيرين عندنا مايهجدون ويعقلون الا بعد مايقعون في مصيبه



لاحول ولا قوة الابالله العظيم.
الله يكفينا وياكم الشر الحوادث.


up 1 down 0
حموودي2012 75
قبل 3 سنه و 8 شهر



قبل   شويات   طاف  علي  هلكس  خارط  طبلونها

بخط    كل  حفر    وكباري  ظيقه

بالعربي    كلهم  ورعان  على  هلكسات  اشغلو  العالم وسببو  خطر
حسبي  الله  على  من  صنع  هالتنكه   لا  و ب 90  الف  على  ايش  مدري 
الله  يصلح  الجميع


up 6 down 0
امير الاصيل 1579
قبل 3 سنه و 8 شهر



أعوذ بالله ما ادري وش يحسون فيه إذا جابو 200 على الهايلكس

احنا 160 على مواتر امنه وكلها ارباقات وما نضمن حياتنا

وهم كانهم ضامنين الحياه ؟؟ ياخي صاحي ولا مجنون يوم يجيب 200 على هايلكس وبدون ارباقات ؟؟

الله ستر عليهم وما ماتوا والله


up 3 down 0
ابو يزيد 000 8686
قبل 3 سنه و 8 شهر



في دستور الطرب الهلي عز الطلب


up 5 down 9
العامري00 1
قبل 3 سنه و 8 شهر



صار معي تقريبا نفس الموضوع. كان معي أهلي و عيالي و كنت ماسك خط و مثبت السرعة على 120 وماسك اليسار و فجأه اشوف في المرايه و احد جي طاير و يأشر بالنور. وفي نفس الوقت على يميني سيارة. ما عرفت فين أروح. ميلت شوي على اليسار علشان افتحله خط اتاريه هو كمان رمى على اليسار. الرجال كان راح يروح فيها و ظن اني بأعانده و صار يجي قدامي و يربط فرامل و يقولي وقف. و فوق هذا كله طلع سلاح و صار يهددني بالسلاح علشان أوقف. المهم قصه طويله الحمد لله انها انتهت على خير ولو انها تركت اثر في نفسيتي و نفسية عيالي...


up 2 down 0
ابوحسين7385 85
قبل 3 سنه و 8 شهر



السرعة مامنها فايدة أبد على طاري هالسالفة و أنا راجع من القويعية للرياض في ساهر قبل مزرعة الخالدية في الجله الزبدة كان قدامي هايلكس نطل على الكاميرا حقت ساهر و دفنها ههههههه

صح متهور لكن ضحكت من قلبي على حركته بس يوم جاء يعدلها هو جاء في مساري و انا الحمدلله مهدي و اموري تمام لو كنت مسرع رحنا فيها كلنا بس الموتر ديزل يا حليله هع

و الموقف الثاني واحد معه افلون كأني اشوفه الحين وهو شاطفني و كم موتر قبل تفتيش الرياض غرب ( القدية ) 

ماكمل ٥٠٠ متر اشوف الغبار دريت انه حادث و اهدي و صار خوينا و الله يا موتره راح ولا ادري عنه هو سلم ولا 

لان العالم اجتمعوا بسرعة قلت دام عنده ناس وش ابي اوقف لكن لو كنت مكانه تمنيت يرجع الزمان كم ثانية اهدي فيها السرعة افضل من اني اخسر نفسي و مالي