عن الكارونة وضعف التعشيق هايلوكس 2008

ي بندر اي وحدة تقصد ..

وعليكم السلام 

اخوي انتبه لازم تسوي فحص 
ولد عمي قبل شهرين اخذ هايلكس غمارتين 2011 غمارتين ممشاها حول 93 الف 

المهم اخذها اقساط مستخدمة من عبداللطيف كان باقي عليه حول 44 الف اهم عجبته واخذها 
وكان فيها طقة بالقير ورجعها الوكالة سوى لها توضيب القير بعدها بشهر طاح الدفرنش 
المهم سال عنها طلعت قبل مع درباوي فاجر امها 

انتبه اخوي لازم تسوي فحص لها 

طيب ي عبدالله الله يجزاك خير ..
آنآ بسوي فحص لكن ضعف التعشيق من وين يجي من االتفحيط ولآ لآ ؟
لأني والله عاجبتني ..
هل هي سهالات ولا كيف ..

ماتقدر تحدد ضعف العزم قد يكون بالمكينه

او بالدزك والصحن. او بالدفرنس او المكينه والدزك والصحن الكلتش

اسمع انصحك لا تاخذها لو بلاااااش نصحتك لوجه الله

بكره تاخذها وتطيح في خرابات كأنها موديل 82

ولا احد يعرف يزبط شغله كلهم سباكين واولهم الوكاله

دور غيرها واهم شي المحركات نظيفه من مكينه وقير ودفرنس 

اما البودي اذا فيه حكات ودقات بسيطه ليست صدمات بل حكات او دقات بسيطه

مهي مهمه تتصلح وتصير احسن من اول اخذ نصيحتي السيارتين هذي لاتقربهاا

لو فيها خير ماباعها.....

ضعف التعشيق من الاستعراض لانه يخلي القير 2 وتشوف العداد السرعة واصل 100 له تاثير على القير 
للي كانت مع ولد عمي اذا عشقت القير بثنين تسمع طقة 
حتى رحت انا وياه يم صناعية الثقبة بعد توضيب القير قال عامل الورشة ترى توضيب مايرجعها القير مثل اول
فانا اقول حاول تفحص اللي فيها كارونة ورح يم التشاليح وشف كم اسعار الدفرنسات واذ رخيصة توكل على الله وخذها

 

اذا تبي تاخذ حديهن خذ الي بكرونه لان الكرونه ماتكلفك 400 -600 ريال لكن القير يمكن ضارب عنده ويبغى توظيف او تغيير هذا قيمته 3 الالف ريال ف انت اختار ولا ابعد عنها اثنينها !!

الله يجزآكم خير .. ،
قررت اني ابعد عنهن بعد النصآيح اللي سمعتهآ .. ،