أضف سؤال أو موضوع جديد          

ظاهرة منتشرة خصوصا في مجال السيارات

up 15 down 1
kaka90 150
قبل 8 سنه و 4 شهر



السـلام عليكم ...
اليوم ودي اتكلم عن ظاهره منتشرة وظللت الكثير .. وهي سالفة لما يجي يسأل واحد او بيشتري سيارة ينط واحد برد استفزازي وبلا علم

ويقول خرابات ماتنفع بريال < وهو المشكلة ماقد جرب السيارة ابداً ويفتي
او يجيك ويقول تويوتا وبس ولا الامريكي الياباني ماش ومن هذا الكلام .. وعلى هذا الكلام والافتاء بدون علم ظلمت سيارات كثييرة وايضا اشخاص كانوا بيشترون سيارات وصدوا عنها بسبة الاشخاص هذول
وانا شخصيا كنت باقع في المشكلة هذي كنت ناوي مرة اشتري سيارة نيسان قالي واحد ماتنفع تهربد ماتمشي خمه وإلخ .. صراحة اناا كنت مقتنع بالسيارة وشريتها وكنت خايف لايطلع كلامه صدق فالهربده ولا طلع كلامه صحيح ..

ايضاً اذكر واحد كان يقول اليوكن والتاهو ديكوراتها بعد 10 - 20 الف تطلع اصوات وناس يقولون جربوها
وللعلم استاجرت تاهو 2011 ماشي 80 الف ملعوب فيه والله مايهربد < مع اني مااميل للسيارات الامريكية واجد .. وطلع كلامهم لايمت للصحة بشيء .!.!.! طيب لي تفتي وانت ماتدري بس ككذا يعني

نفس الطريقة مع اكسبديشن شريت اكسبديشن قالي واحد ي رجال يهربد ماهو زي الجمس ......! يقول اصبر له وتشوف , والله الحمدلله بعته مافيه ولا صوت ... هذول الاشكال عنده قناعة ولا يبي يغيرها

المقصد من الموضوع لا احد يفتي في شيء مايعرفه .. او عنده قناعة شخصية في شيء لايلزم احد بها يطرح رايه بس يكون مجرب الشيء وفاهم على الاقل فالموضوع اللي بيفتي عنه لان والله طفشنا من الاشكال ذي تلقاهم في كل موضوع وســـلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله بيني وبينك خذ رايك انت لاتاخذ راي الناس ممكن استخدامك غير استخدام الي يفتي فهمت قصدب


up 2 down 0
almartki 251
قبل 8 سنه و 4 شهر



هي من الاخر اذا بغيت تشتري سيارة اهم شيء او شيئين هم انك انت مقتنع بها !! والثانية انك تقدر على قطع غيارها وبسسس 
غير كذا كل واحد واستخدامه واحد يكرف الموتر ويجلده ويجي يقولك والله الموتر ذا خرباته واجد ؟؟ لا والله اجلده وبيقعد كويس تصدق؟

ويجيك المحافظ ويقول على السيارة وايش الي فيها والاشياء !! وكلامك مية بالمية صحيح حتى لو تلاحظ سيارات الدودج كل واحد تسأله
يقولك خرابات ومدري ايش وهذا معي تشارجر SRT8 والحمدلله محافظ عليها ولا خربات ولا بطيخ لكن اكثر الناس الي معهم مثلها
يدرفت بها ويجي يقول خربات واجد !!! كارف الموتر ولا تبيه يخرب ؟؟  وغير يجيك ناس زي ما قلت انت تفتي من مخها بس علشان
السيارة ما جبته !!!!
وهو اصلا راي الناس مايهم لان كل انسان يختلف رايه عن الثاني وهذا شيء واضح !ّ! فمن الاخر اهم شيء عند الشراء 
اثنين تكون مقتنع بالسيارة وتكون تقدر على قطع الغيار غير كذا لا يهمك شيء !!


up 4 down 1
fahad11-11 160
قبل 8 سنه و 4 شهر



فهد 11 ههههههههههه ذكرتني ببعض الناس يجيك يقول اللكزس خرابات وانا مجرب .. طيب ماشاء الله وش جربت يجي يقول لكزس 2001 ماشي 300 الف ميل امريكي وخرابات ....................! زي ذي الاشكال تاخذ عليها كلام .! لااحد يجي يقول تصبر ولا من ذا الكلام اناا عارف انها تصبر بس تجرب زي ذي وماشية ومكروفة ويقولي خرابات ايه اكيد خرابات


up 3 down 0
kaka90 150
قبل 8 سنه و 4 شهر



ودي اصككم بلايكات بس النقاط ماتسمح ^^


up 3 down 2
kaka90 150
قبل 8 سنه و 4 شهر



بس يا اخي kaka90

انت تعرف ان اصحاب الردود يقدم وجه نظره في عالم افتراضي
انت لاتعرفه ولاهو يعرفك فالتعليقات التي تبني عليها قراراتك تكون انت مسؤول عنها بسبب طريقتك في استنباط اي التعليقات توحي بأنها كتبت عن تجربة


up 0 down 0
marwan699 5854
قبل 8 سنه و 4 شهر



والله انك صادق
نفس حالتي تماما عندي اكورد 2007 
يفتون ناس كثير يقولك قطعها نار تساله جربتها يقول لا والله بس اعرف ناس يقولون 
مااقدر افتي في شي ماجربته



up 0 down 0
العسيري112 699
قبل 8 سنه و 4 شهر



هم فقط يفتون في نوع السيارة وعملية ولا ماتصلح  ؟ 
يارجل حتى اذا شاورتهم في قيمة السيارة قال لك لا غاليه لايضحكون عليك خويي اخذ مثلها بسعر أقل 
ويخليك تحوس المعارض والصالات تدور على القيمة اللى قالك عليها 



up 1 down 0
for speed 752
قبل 8 سنه و 4 شهر



اي والله ي for speed

لقيت سيارات صيدات وشاورت واحد قال لا غاااالية وسحبت على البيعة ومالقيت شيء ازين من اللي لقيت بهذا السعر ....!

مروان =====

والله بعض الاحيان يكون الواحد ماهو فاهم في حاجة ويطمر واحد تحسبه فاهم وهو من جنبها ويقول جربت ولا تلقى مجموعة يتفونك وكلهم بنفس القناعة .!..!




up 0 down 0
kaka90 150
قبل 8 سنه و 4 شهر



شباب احياناً نكون زي هذولا الناس ونجي نفتي في سيارات ماركبناها 



الاعتراف بالحق فضيلة *(^^)


up 0 down 0
ابوتركي 711 161
قبل 8 سنه و 4 شهر




 السلام عليكم ورحمة الله وبركاته  الموضوع  ممتاز    ثانيا لولا  اختلاف الاراء لبارة السلع   ثلثا    تبي  تشتري موتر خذ اللي يعجبك لاكن  احرص علا  وساءل السلامه   والباقي    


up 0 down 0
راعي المرجله 6
قبل 8 سنه و 4 شهر