أضف سؤال أو موضوع جديد          

استفسار عن موديلات الشاص الجديده وعيوبها ؟

up 1 down 0
salman1899 140
قبل 8 سنه و 5 شهر



السلام عليكم
صبحكم الله بالخير يا اعزائي
انا ان شاءالله اني ناوي اشتري لي شاص 
و قررت انه يكون موديله 2011 وجاري البحث عنه
لكن بكل مره توصلني اشاعات واعتقد ان مصدرها شريطيه 
بأن الموديلات الجديده عيوبها كبيره جداً 

ربطت الاشاعه بالشريطيه لان اغلب السيارات بالمعارض والشاص القديم 
من 2006 ونازل مرتفع سعره والحجه ان الجديده فيها عيوب !! 
طبعا هالكلام ما دخل راسي اطلاقاً ولا لقيت له اي اعتبار

بس لا يمنع اننا نسأل المجربين و أهل الاختصاص
لذا اتمنى من الجميع الاجابه على هالسؤالين ابي اشوف الاراء 
هل فيه احد جرب الموديلات الجدد و لاحظ العيوب ؟ 
ولو خيروك بين الشاص من 2007 الى 2014 
ايهم بتختاره ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الموديلات الجديده 4000  والقديمه 4500  والجديد تضرب المكينه والقير بدري  اذا رجلك حاره  


up 0 down 0
مركب شيوخ 5
قبل 8 سنه و 5 شهر



انا اشوف ان افضل موديل شاص 2013 


up 0 down 0
ولد المدينة 2014 1307
قبل 8 سنه و 5 شهر



الشاصات اللي مكينتها راس واحد ٤٥٠٠ من ٢٠٠٩ وتحت واللي مكينتها راسين ٤٠٠٠ من ٢٠١٠ وانت طالع والجديد عيبه مسمار الثلاجه يطيح في المكينه وصوت مكينته ماهيب راكده ولا كلها حلوه لكن القديم مكينته راس واحد وهو الافضل ولجن كلها حلوه استخر ربك وتوكل على الله ولا عليك من كلام الناس هي على الاستعمال


up 2 down 1
المعاوي١٩٩١ 426
قبل 8 سنه و 5 شهر



اخوي سواق في حرس الحدود ويمدح الموديلات 2006 2007 2008 2009 يقول احسن من الجديد كعزم في التطعيس والجبال الجديده يقول عزمها ميت 
مثلا عندك طعس في القديمه تطلعه في الثاني الى راسه بس الجديده في وسط الطعس لازم تعطيه الأول 
 لا تاخذ بكلامي احتمال يكون خطأ لأن تعرف سيارات حرس الحدود اغلبها مفقعه استخير وبالتوفيق . . . 


up 1 down 0
الـقـنـاص 1210
قبل 8 سنه و 5 شهر



المديلات الى 2006 تحتوي على رأسين ومن 2007 صارت رأس واحد يعني أبو رأسين أقوى من رأس واحد


up 0 down 2
نيكسن -75
قبل 8 سنه و 5 شهر



ابو راسين في البر ثقيل والخط خفيف

وابو راس في البر خفيف وفي الخط ابو راسين اسرع بشي بصيط 

وتر الشاص والاف جي موديل 2009 اغلا من 2010


up 1 down 0
المستحيل 2009 194
قبل 8 سنه و 5 شهر



أنا أرى أن قمة الجودة في الشاصات كانت من موديل 2000 إلى 2006 من ناحية المتانة وقوة البودي ، كانت تتمتع بوجهية صلبة وقوية صدام حديد بارز ورفارف قوية تحمل أقوى الصدمات لم تكن موجودة في أي سيارة أخرى وهي بالفعل كانت مصممة للخدمة الشاقة أضف إلى ذلك المحرك 4500 البخاخ 230 حصان من أفضل ما صنعته تويوتا من المحركات تتحمل وتصبر .
من 2007 وطالع تغيرت الوجهية أصبحت أضعف من قبل صدام فيبر لا يتحمل مثل الصدام الحديد ورفارف ضعيفة غير متناسقة مع الأبواب واستمرت بنفس المكينة السابقة إلى موديل 2009 .
من 2010 وطالع تغيرت المكينة وصارت أصغر على شكل V راسين أصغر من المكينة السابقة 4500 بخاخ 240 حصان وأضعف في العزم وفي الأماكن الجبلية والصحراوية فيه ناس اشكتوا منها ، للسرعة أفضل من القديمة . كنت أتمنى لو أن الشاص احتفظت بشكلها التقليدي حق 2006 وتطوير المكينة راس واحد وزيادة قوتها أحصنتها بدلاً من تغييرها مكينة V لأن أصلاً الشاص ما صنعت إلا للخدمة الشاقة .


up 1 down 0
رعد 4 3254
قبل 8 سنه و 5 شهر



والله العظيم ان فيه قريب معه شاص 2011 خبطت عليه المكينة ووضبها لاكن رجلة حاوة وماشي فوق 200 الف. بس مو عذر وين الشاصات القديمة  تصك المليون وهي تضحك


up 1 down 0
abdulkareem99 1261
قبل 8 سنه و 5 شهر



أصحاب الحلال في الربع الخالي يمدحون الشاصات اللي مكاينها رأس واحد.. ويقولون انها في الطعوس أفضل وأقوى ويعيبون على المكاين الجديدة انها تصلب إذا مالت السيارة ميله قوية لأن خزان الزيت مسطح وصغير واي ميله قويه بسبب طعس أو حقنة تؤدي إلى تصلب المكينة والله اعلم


up 0 down 0
ابوثامر 1975
قبل 6 سنه و 3 شهر



موضوع التصليب مادري عنه لكن بشكل عام مكينه ضعيفه جدا جدا مقارنه بالقديم
الفرق شاسع بالعزم
اما بقيه الموتر دفرنشات ودبلات وعضلات
 مثل القديم 
بس عيبه المحرك صراحه ماينفع لامع البر ولاداخل الديره مايقوم الا بترس واحد ويطفي بعض الاحيان صراحه ان ماعدلو فيه راح يفشل وتتركه الناس لنه من موديل 2010 وبعد ماشي بالبركه على سمعه الاول بس


up 0 down 0
ريلاكس1
قبل 5 سنه و 10 شهر



آخر موديل للشاص مكينه راس واحد 2009 اما من 2010 وفوق راسين ودعاسه البنزين اكترونيه


up 0 down 0
عاشق الرسيس
قبل 3 سنه و 7 شهر