المستعمل قنبلة موقوته
18
5
إضغط هنا للإخفاء
السلام عليكم ورحمة الله وبركاته
الحمدلله ان الله فكني من الانقلاب
صارت لي سالفه البارح وانا طالع من بيشة متجه الى الرياض وقبلها شيكت ع السياره وضبطت زيوتها وكفراتها وكان فيه كفر ماسح يمين قدام قلت ابغيره وتكيسلت اشتري واحد لان عندي كفر نص عمر حاطه في غرفه بعيد عن الشمس للضروره المهم خذيته وغيرته وحطيته في الخلف والكفر الخلفي حطيته قدام لاني ضامنه وتوكلت على الله ومشيت والامور مضبوطه ولله الحمد وسوالف مع اخوي وطبعا تعرفون خط بيشه -- ظلم كانك في اوربا الشارع مستوي وتعديت الخرمه وكنت ماشي ١٩٠ طبعا الموتر فكسار ٢٠٠٧ الساعه ٣:٠٠ فجر يوم الجمعه واتصلت علي الوالده تتطمن الله يحفظها وهديت ١٤٠ سبحان الله كانها داريه ان بيصير شي والحمدلله هي سبب في اني هديت وفجاه بدون سابق انذار انفجر الكفر واعوذ بالله منه اول ما انفجر قسم بالله لحظات مرعبه السياره تروح يمين ويسار وانا لازمها عالخط وتبديل قير سريع وتريله مواجهتني والخط مرتفع جدا وحياة قشرى وانا اقول ان شاء الله تكون القلبه خفيفه بس والحمدلله كنت هادي واخوي مااربكني ونزلت بريه ووقفت والله انها حول خمس دقايق ساجد شكر لله والحمدلله انها مرت سلامات ومن يوم ركبت الاستبنة ماتعديت ال ١٣٠ الين الرياض وليه العجله الفرق بين اللي يمشي ١٣٠ و ١٩٠ يمكن ساعه فقط والزبده من كلامي هذا بغيت انصحكم اول شي مهما كنت مطفر ولا تقدر تاخذالا كفر مستعمل لاتاخذه ياجديد ولا خلك ع كفراتك الاوله اضمن حتى لو ماسحه وثاني شي اي واحد ينفجر عليه كفر وهو مسرع ولا مهدي لايرتبك ولا يفرمل بقوه ويكون هادي ويهدي بالقير ويفرمل بخفيف وصلى الله وبارك على نبينا محمد عذراً عالاطاله
إبلاغ
الردود
0
0
قبل 10 سنه و 3 شهر