أضف سؤال أو موضوع جديد          

ضلل تضليل خفيف او لا تضلل ياخي - قصتي امس

up 29 down 10
ابو يزيد 000 8711
قبل 7 سنه و شهر



السلام عليكم ورحمة الله وبركاته


كيفكم عساكم طيبين إن شاء الله

حبيت ابارك لجميع الطلاب والطالبات مقدما والف مبروك :)

موضوعنا اليوم عن التضليل 

بأذكر لكم قصتي 


كلمني الوالد وقالي : ياولد , قلت يالبيه , قالي تعال , انا عند عمك في مكتبه العقاري وبغيناك في موضوع

قلت ابشر >> :) الموضوع اكيد ان فيه بشاره :)


المهم رحت 

وقبل لا ادخل عليهم كان فيه تشارجر واقف ومضلل كتم والسياره طافيه وواقفه 

جيت عندها وقعدت اشخص و اوزن الشنب ههههه و واعدل العقال و اشوف الثوب من ورا في وصاخه ولا عفطات كثيره و قاعد اقصد ( يا مندوبي خذ المكتوب سيدا )

 و اعطيها ذيك النظره واقول من هالزين اللي واقف قدامي , اوووه انا , لا لا ما توقعت ههههههه

المهم إني فليت امها عند السياره لان قزازها مثل المرايه ووجهي واضح فيه

اشوي الا الموتر يشتغل

وانقز من الخرعه و تخرب ابو الشخصيه و العقال طار

وامشي كني ما سويت شيء  حتى عقالي خليته >> ما ابغا اتفشل هههه

واركب سيارتي

واقول يوووووووووووه يلعن ام الاحراج وش هالفشيله :(

الا شوي رجع ريوس ودقلي بوري النذل هههههههههههه

الله يهديك بس هههههههههه



المهم لا عاد اشوف واحد يضلل مثل هذا

يا انك تضلل خفيف ولا لا تضلل ياخي هههههههه

وان كنت مضلل كتم ,  خل السياره شغاله عشان نعرف ان فيها انسان 

مو تخليني مثل كذا , فشلتنا و خربت تشخصيتي (VIP) وطيرت العقال , وبعد تدقلي بوري انت ووجهك ههههههههه


عموما انا ترا ما اتشفلت والله :/ بس هذا وشسمه نزلت راسي اشوف دعاسه البنزين يوم انه يدقلي بوري لان كان فيها علك والله ههههههه

وبس








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وحاولت اختصر الموضوع عشان بعض الاعضاء قالوا اختصر

و هذا انا اختصرته لعيونكم يا جميلين :)


up 4 down 1
ابو يزيد 000 8711
قبل 7 سنه و شهر



انا لا احب التضليلة لأنني أحب الوضوح في كل شيء والوضوح شيء جميل يمكن ان تراه بالعين المجردة والوضوح هو الشيء الواضح الذي لا لاشيء اوضح منه


up 5 down 0
أبولتين555 655
قبل 7 سنه و شهر



هههههههههههههههههههههههههههههه ههههههههههههههه من جد احراج


up 2 down 0
أبو محمد عرب 171
قبل 7 سنه و شهر



هههههههههههههههههه موقف محرج بالفعل 
انا الحمدلله حاطط عازل خفيف يبين اللي بسيارة بشكل واضح لكن بالليل نوعا ما يغمق شوي .. 


up 1 down 0
sosisos 614
قبل 7 سنه و شهر



وانت يابويزيد رجل واضح وتحب الوضوح مثل وضوح الشمس في وضح النهار ولك تحياتي like+100000000000


up 1 down 0
أبولتين555 655
قبل 7 سنه و شهر



الحرص واجب  تشخص في مراية سيارتك  
لأن المشكلة لو فيها حريم وخرج صاحب السياره من المحل وشافك هنا الطامة الكبرى  حتى هو عقاله بيطير بس مو على الارض ...  خخخ


up 20 down 0
سيزو 420
قبل 7 سنه و شهر



هههههههههههههههههههه هههههههههههههه 
 احرااااااااااج  قوي


up 1 down 0
شبح 600 sel 6081
قبل 7 سنه و شهر



لو اني بدله اجلس اصورك بالجوال هههههه


up 5 down 0
فيصل عبد الله 143
قبل 7 سنه و شهر



ههههههههههههههههههههه رهيب ابو زيد


up 2 down 0
muayad 1 768
قبل 7 سنه و شهر



هههههههههههههههه اسلوبك حلو في سرد القصه ... مرة ثانية تأكد من السيارة قبل ماتشخص وزين طلع واحد فيها ماطلعوا عائله وش يفكك منهم .... 

مثلي مرة من المرات في جمس مغسل ونظيف وطافي ومظلل واجيك واجلس اشخص على القزازه شويه الا اشوف الجمس يتحرك ..!!! وقتها عرفت اني جبت العيد اثر فيه عائله وساكتين يشوفون وش اسوي وررججججججججلك ياولد لا يجي ابوهم يحسبني اغازلهم وانا ماني حوولهم وربي ههههههههههههههههههههه


up 2 down 0
الـقـنـاص 1210
قبل 7 سنه و شهر



صدقت يا اخوي سيزو واذكر الوالد دايم يقولي حوال تبعد عن الأماكن المشبوهه حتى ولو كانت نيتك حسنة فلا تدري قد تكون نيت الشخص مختلفة عن نيتك...

يعطيك العافية على القصة المضحكة...


up 2 down 0
acura 3755
قبل 7 سنه و شهر



يا رجال احمد ربك وهي جت كذا 
هههههههههههههههه
فيه قصه طريفه يتداولوها عندنا .. بس لا اعلم مصداقيتها
وهي قريبه من قصتك "
يحكى 
ان شاب كان في سيارته منتظرا في مواقف سيارات
وأراد ان يقضي حاجته ( يتبول ) وانتو بكرامه
فخرج من سيارته وذهب يبحث عن مكان ساتر له من الماره فلم يجد
ووجد في نهاية المواقف مكاناً يظن انه الأفضل وكان بجانبه سياره 
فجلس الأخ بجانبها وقضى حاجته وارارد شيئا ليمسح به فلم يجد 
فوقف وبدأ يمسح ب....... في بودي السياره وزجاجها ............
ههههههههههههههههههه
وما ان انتهى والا والزجاجه اللي كان يمسح فيها تنزل
هههههههههههه
ههههههههههه
يقولون فيه سياره كانت في المواقف سحبتها البلديه 
هههههههههههههههههه
لو قلت القصه بلهجتنا العاميه ماراح تفهمون شي


up 5 down 0
yahia qarn 486
قبل 7 سنه و شهر



المشكلة لا  صارت السيارة فيها حريم وانت تشخص 
 وصارت معي بس الحمد لله السيارة ما كان فيها رجال  يوم شفت ام برقع تناظر لي حطيت رجلي ومشيت 


up 3 down 5
صوت العزاوي 523
قبل 7 سنه و شهر



اي اوكي يضلل ماقلنا شئ


بس في بعضهم وخاصه بالرياض اشوفهم يضلل كاتم كل السياره حتى الامامي بالله هذا وشلون يشوف بالليل ولا مركب دربيل ليلي


انا مضللل القزاز حق الراكب والسواق خفيف ومع كذا ويالله اشوف




وتسلم عل الموضوع يابعدي *_*




up 2 down 0
aboamani 1148
قبل 7 سنه و شهر



فيه تضليل عن تضليل يفرق .. 

ازين تضليله للسياره للي يحب يحافظ ع خصوصيته " زيرو 2 "  وذا نظإمي وبالموقع حقهم انه نظامي لكن " اللقزازه الاماميه ممنوع تضللهاا اوقات يجيك المرور يجيهم عماء  يشوف الزيرو 2 كتم ويحلف انها كتم هنا مالك الا تقول الله يلهمنا الصبر وتفك التضليله ^،^


up 1 down 0
mr - peebles 44
قبل 7 سنه و شهر



ههههههه
انا ما اضبط الشخصيه الا على قزاز موتر مغبر و ما عليه تظليل
و اتأكد ما فيه احد بعد 


up 2 down 0
أبو نجوى 2441
قبل 7 سنه و شهر



يا هلا بحبايب قلبي كلهم

منورين الموضوع والله

الله لا يحرمني من طلتكم الحلوه

واحساس جميل لما اشوف ابتسامه منكم والسبب انا

وتم توزيع اللايكات

و صوت العزاوي , عوافي يابعد قلبي , ليتك سامع كلامي , لكن يالله عساها خيره , وبأحاول اعوضك باللايكات عشان تقدر تقيم ..\

تحياتي للجميع


up 0 down 0
ابو يزيد 000 8711
قبل 7 سنه و شهر



ههههههههههههههههههه ياخي المشكله فيك اسمح لى اخي العزيز تروح عند سيارات الناس تشخص آه يابطنننننننننننننننننننننني
ياخي عندك قزاز موترك ظلل القزاز نيكل حق موترك وشخص من هنا لين ماتخترع تشخيصه جديده


up 1 down 0
مهراس الزهراني 1338
قبل 7 سنه و شهر



ههههههههههههه ربي يسعدك كويس جات على البوري ولا صورك"""فيس ابو غمزه """


up 1 down 0
ابو شادي الحربي 45
قبل 6 سنه و 11 شهر



مركز ستة نقاط للعناية الشاملة للسيارات
Six Points
نقدم لكم أفضل منتجات ذو الجودة العالية
العزل الحراري : مقدم من شركة Express Window Films الامريكية ~
# مواصفات عازل الحراري افلام النانو سيراميك ↙ :
● تعزل درجة حرارة الشمس بنسبة ( 86% ) .
● تعزل الاشعة تحت الحمراء بنسبة ( 98% ) .
● تعزل الاشعة فوق البنفسجية بنسبة ( 99% ) .
● تسمح للضوء المرئي , الشفافية , بنسبة ( 73% ) .
✦✦
# مميزات عازل الحراري افلام النانو سيراميك ↙ :
● تسمح بتشغيل كافة وسائل الاتصال الحديثة .
● تخفض وهج الشمس ومن بهتان الالوان الداخلية .
● غير قابلة للخدش ومقاومة لكسر الزجاج .
● خالي من المعادن والألوان المعاكسة .
● متوفر بألوان : شفافة , متوسطة , داكنة .
✦✦
# خدمة مابعد البيع , ( الضمان ) ↙ :
ضمان عازل الحراري افلام النانو سيراميك ضماناً مفتوحاً وتشمل ↙ :
● تغيير اللون .
● فشل اللآصق .
● التأكسد والتآكل .
☼ ويتيح الضمان تركيب بديل جديد مجانا ☼
✦✦
- للتواصل والاستفسار /
فواز ( 0590077341 )


up 0 down 0
faz6p -5
قبل 3 سنه و 7 شهر