أضف سؤال أو موضوع جديد          

مقارنة بين نيسان ددسن vs تويوتا هايلوكس .. بلا تحيز

up 30 down 7
kaka90 150
قبل 7 سنه و 5 شهر



السـلام عليكم ...
حبيت اسوي مقارنة بين الددسن من نيسان والهايلكس من تويوتا طبعاً الموضوع ممكن يكون قد مر عليكم ولكـن هذا من اعدادي وباوضح اشياء يمكن تخفى على بعضكم .. بالنسبة للقسم حطيت الموضوع في قسم تويوتا وليس تحيز ولكن ماادري وين احط الموضوع المهم ندخل في صلب الموضوع
نبدا بالـمواصفات :-

نيسـان ددسن تويوتا هايلوكس
السعة : 2664cc السعة : 2700cc "
الاحصنة : 160 حصان الاحصنة : 158 حصان
الطول : 5090 مم الطول :5260مم
العرض :1770مم العرض : 1835مم

نبدأ بسم الله .. طبعا كلتا السيارتين من شركتين لاغبار عليها .. بالنسبة للمحركات متقاربة فروقات بسيطة
اما سعة المكينة ماتاثر واجد .. الاحصنة فرق بسيط لـذا مسألة المحرك متقارب
بالنسبة للابعاد "ابعاد السيارة" الهايلوكس اطول واعرض بفارق بسيط بعضهم يعتبره ايجابية وبعضهم سلبية
واما للبدي بدي الددسن افضل واقوى "مقارب للهلي 2005" الهايلوكس البدي فايبر ...
بالنسبة للقطع حسب ماشفت الددسن ارخص ولافيه تباعد وفارق كبير .. الددسن تتميز علب زيت اقـل " اللي يقول ينقص الزيت غلطان" طبعاً هذا شيء حلو للي يبي يوفر
الددسن تتميز وفيه ناس يعتبرها سلبية مافيها مساعدات الهايلوكس فيها مساعدات امامية الددسن ميزتها بدون مساعدات "عشان اللي يبي ينزل ولا يرفع وجه الموتر بـ 15 ريال عند اقرب بنشر ولا انت بنفسك مسامير وسهله جداً اما الهايلوكس يبي لها قص المساعدات وشغله "
الددسن مكينتها حديد وسعرها بعد ارخص من الهايلكس فالتشاليح " لو سمح الله بوشت المكينة "
^
^
^
طيب بعد هذا كله فيه ناس اشياء كثير من اللي ذكرتها ماتهمها .. يتعدى الكلام اللي راح ويروح للفاصل الاخير والفيصل فالموضوع اللي هو السعر واللي يمسك فالسوق
"نااااااااااااااس كثير يقولون الددسن تطيح والهايلكس تمسك سعرها اناا باوضح المسألة وتشوفون انه كلام ناس ماتتكلم بعقلانية ومنطق "
مثلاً : الددسن سعرها2014 وكالة 61 الف نضرب مثال 2009 تقريبا في بحر الـ 40 الف نحط مثال 45 الف طيب ننقص 45 الف من 61 الف = 16 الف يعني الددسن نقصت 16 الف
طيب الهايلكس 2014 سعودي وكالة فل بـ 88 الف 2009 تقريبا في بحر الـ 50 الف نفترض 55 الف
88 الف - 55 الف = 33 الف
إذا من اللي نقص اكثر .!..!.!.

دايما الناس تقول الهايلكس تمسك سعرها .. ماتذكر انه شاريها بقيمة عالية والددسن برخيص
فالنهاية ودي الكل يقيم الموضوع بدون تعصب او يجي واحد نيسان وبس ولا تويوتا وبس
ودي تكون الردود منطقية وكلامي قابل للتعديل وللتنقيح .. رجاء تقدير التعب فالموضوع
واتمنى من كان محتار بين السيارتين يستفيد من الموضوع









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسراحة وصدق كل السيارتين فيه سلبيات وإجابات لنبدأ في الهيلوكس سيارة تصبر وداخلية واسعة وديكورات جذابة وأقوى عزم من الددسن بس فيها حديده تحت لو نقزت رصيف الله يعينك وقطع غيارها نار وازود صرفية بنزين مقارنة بالددسن ونازلة شوي يعني ماتقدر تروح صحاري عليها. .......الددسن ... تصبر وعزمها زين والداخلية ضيقة بعض الشيء ومرتفعة يعني عطها صحاري ولاتفكر بالحكات مثل الهيلوكس صرفية بنزين ممتازة طبعا ببطاقة كفائة الطاقة قطع غيارها رخيص جدا جدا مقارنة ب تيوتا فيها حنة صوت قوي بعض الشيء على ممشى 120k وفوق بخلاف الهيلوكس..........خلاصة الموضوع الهايلكس سيارة كفوا والددسن سيارة كفوا. ...... وبالتوفيق 


up 0 down 0
malik 1027
قبل 2 سنه و 9 شهر



بسراحة وصدق كل السيارتين فيه سلبيات وإجابات لنبدأ في الهيلوكس سيارة تصبر وداخلية واسعة وديكورات جذابة وأقوى عزم من الددسن بس فيها حديده تحت لو نقزت رصيف الله يعينك وقطع غيارها نار وازود صرفية بنزين مقارنة بالددسن ونازلة شوي يعني ماتقدر تروح صحاري عليها. .......الددسن ... تصبر وعزمها زين والداخلية ضيقة بعض الشيء ومرتفعة يعني عطها صحاري ولاتفكر بالحكات مثل الهيلوكس صرفية بنزين ممتازة طبعا ببطاقة كفائة الطاقة قطع غيارها رخيص جدا جدا مقارنة ب تيوتا فيها حنة صوت قوي بعض الشيء على ممشى 120k وفوق بخلاف الهيلوكس..........خلاصة الموضوع الهايلكس سيارة كفوا والددسن سيارة كفوا. ...... وبالتوفيق 


up 0 down 0
malik 1027
قبل 2 سنه و 9 شهر