ملاك كامري 2013 يتفضلوا

اسمع ونا اخوك
مادام انك وصلت لسعر الكامري
خذ الاكورد احسن لك ولو تزود شوي وتاخذ اكور فل احسن او ماليبو

شف الكامري ماعليه ومعروف تويوتا اذا تدور مكده

لكن كشكل , تحسه مو ذاك الزود

لكن ماعليها حلوه

لكن ترا في الاكورد السبيشل نفس مواصفات الكامري والسعر

واكشخ والله

و افخم من جوا وشكلها من برا جميل جدا

و نظام الامان فيها عالي جدا فيها ارباق سايق وراكب و ستاير ارباقات للمراتب الاماميه والخلفيه واعتقد ان يجي بعد بالابواب ارباقات بس ما ادري هذي بالفل كامل او السبشيل    

اللي اعرفه ان السبيشل فيه ارباقات طبلون وارباقات سقف

بعكس كامري ارباقين فقط

ارشح لك الاكورد وفكر فيها

سعر السبشل تقريبا 95 الف فتحه سقف وشاشه و جنوط 17 وجميل جدا         

ياشباب الاي يبي يشري اكورد ياخذها من معرض الفلاح بالنسم اسعارهم كالاتي
اسبشل ( فتحه جنوط شاشه ) 2013 حسبها لي المصري ب 89500 ريال
وفل كامل جلد حسبها لي المصري ب 116500 ريال 
بصراحه ارخص معرض حصلته
بس لونها ذهبي اللي عنده , وباقي يمكن 3 سيارات او سيارتين , الحقو

لاني لي اسبوع وانا ادور بالمعاض والوكالات وبنسبه للوكاله هوندا الاي في الصناعيه القديمه الاسعار كالاتي على موديلات 2014 
اسبشل ( جنوط فتحه وشاشتين ) 2014 حسبها لي من الاخر 97500 ريال 
فل مخمل 2014 حسبها لي من الاخر 110500 ريال 
فل جلد حسبها لي من الاخر 119500 ريال 

السيارة انا مستخدمها ٢٠١٣
حلوة السيارة طبعا انا دايم امسك فيها خطوط
العزل بعد ١٦٠ تحس شوية هواء 
الديكورات فيها طقطقه عند الدرج حق الراكب 
والستارة الخلفية 
صرفية البنزين حلوة الفل يمشيك من ٥٥٠ الى ٦٨٠ 
على حسب الدعسه 

كانك بتاخذها جديده في معارض على موقع saudisale.com
يبيعونها على 70 الف

اسعار الاكورد غالية والله بس الماليبو عليه عرض ال تي زد ب79 الف  !!

اي احد بياخذ كامري احب اقله 

سياره شنب وخذ رجال وبعد عن الرفاهيه الي توديك كل يوم ورشه