مكسيما اوريون

انحش عنهم لا ذي ولاذي شف لك افالون 2007 فل كااامل اكشخ واريح واحلى

على قولة الأولين: عبيد خي مرعي

تبي الصدق



شوف لك احد مجربها ووقفه بالشارع واسأله اضمن لك واكيد مراح يكذب عليك


بس انا ماجربت بس اشوف ان الاوريون افضل تمسك قيمتها بعد البيع لكن المكس والالتيما تطيح قيمتها وهذا مو كلامي بس عندك المعارض والشريطيه

استخير و خذ اوريون 

قير الاريون صحيح فيه مشاكل

لكن قير الماكس مشاكله اكثر و القير CVT ما يتحمل كرف 

عشان كذا مشاكل الماكس اكثر من الاوريون

و الشارع خير دليل اول ما طلعت الماكس كل الناس طاحت فيها

اما الحين نادر تحصل ماكسيما بالشارع

ولا يهونون الاخوة
انا استخدمت مكسيما 2011 لمدة شهرين قسم بالله انه مووووووتر مريح واستخدامي له عنيف ماشاء الله عليه بس يعيبه انه طامن يعني بعض المطبات لازم اهدي والف الدركسون علشان مايحك
عموما اذا بتحافظ على فلاتر المكينه والقير والهوا وتغير الزيوت المخصصه لهذا النوع عند ون ستوب اللي هم اختصاصهم نيسان صدقني بترتاح للموتر ولااقارنه باالاوريون ولا الازيرا ولا اي سيارة من نفس فئتها
مع تمنياتي لك بالتوفيق

اخوي انا عندي اوريون 2011 وتوه الضمان انتهى قبل شهر والاسبوع الماضي ضرب القير مع اني لا راعي قومات ولا تفحيط

اعرف واحد من العيال شاري مكسيما ونويت اشتري مثله عجبتني السيارة 
قالي رجلك ثقيله على القر قلت ايه والله قال ابعد عنها ترى القير فيها حساس جدا ويخرب على طوول 

واغلب اللي اعرفهم من العيال نفس كلامه 
اما الاوريون مالي اي خلفيه عنها 

كلها قيورها  فيها عيوووب حساسه جدا جدا سوى مكسيما او اوريون 

goodhearted نفس كلامك

 والله العظييم اعرف شخص معه اوريون 2011 غير زيت القير ب الوكالة وبعدها ب اسبووع ضرب القيير الرجال

 مو راعي مقاوم ولا تفحيط الرجال انصددددم مو مصدق ان قيره خرب


والسيارة ماشيه 80 الف صلحها على الضمان وبعها على طووول 

أخوي إذا تبي أوريون وقررت تشتريها خذ موديل 2009

لأن أعرف واحد عندنا بنفس الحاره معه ها الموديل وكارفها كرف وحق خطوط وماشية معه الآن فوق ال 300 ألف ولا يوم إشتكى من القير

أما بالنسبة للماكسيما الجديدة ما عندي فكرة عنها لكن يمدحو دائماً تويوتا وقت البيع لأن تمسك سعرها 


بالتوفيق

انا راعي اوريون جراندي انا متوسوس وخايف من القير لكن يشهد الله اجلدها جلد ولا شفت منها غير كل خير

يارجال والله اظن ان المسأله حظ ونصيب انا عاد اشوف السيارتين ذي ممتازات الاوريون اللي قبل الشكل الجديد احسها
ممتازه وكذلك الماكس بطله مدري عن مشاكلها والله وعلى فكره مستحيل تلقى سياره مافيها عيوب لكن بعض العيوب
تتغاضى عنها ..

خذ مكسيما انت مغمض 

فخامه قوة انسيابيه