هل يلتغي الضمان بمجرد تغيير زيت المكينة برا الوكالة

المفروض انه ما يلتغي حسب كﻻم وزارة التجارة

قاسم الخبراني- سبق- الرياض: أكدت وزارة التجارة والصناعة أن الوكيل ملزم بتأمين الصيانة اللازمة والضمان لمنتجاته، حتى في حال أجرى المشتري الصيانة في مركز آخر، ما لم يثبت تسبب ذلك في ضرر للمنتج. وقالت "التجارة" في سلسلة تغريدات نشرتها عبر صفحتها في "تويتر": الوكيل ملزم بتأمين الصيانة اللازمة للمنتجات وتقديم خدمات الضمان حتى إذا أجرى المستهلك الصيانة في مركز غير تابع لها". وأوضحت أنه إذا أجرى المستهلك الصيانة خارج الوكالة وثبت بشكل مؤكد أن هذه الصيانة سببت ضرراً بالمنتج أخل بالضمان، وفي حال أن الوكيل رفض إستلام المنتج والخلل مصنعي، على المتضرر رفع بلاغات لمركز المستهلك على الرقم 8001241616.

هلا فيكم شباب

يعني اللي افهمه ان الضمان ما يتغي بتغيير زيت المكينة برا

و اغير بمراكز كبيرة مثل بترومين 

طيب اذا غيرت في بترومين اخذ الفاتورة معاي 

و الزيت  والفلتر اخذهم من بترومين ولا اشتريهم من الوكالة

ببساطه نظام الوكلاء عندنا 
تبي تتكلم معهم بهدوء وتسأل وتمشي -----يروح حقك
خش بعيونهم وان هذا حق للك وانك عارف النظام اكثر منهم تبي تاخذ حقك ويحسبون للك الف حساب 
-----------------------------
تغيير الزيت خارج الوكاله لايلغي الضمان حسب النظام

ﻻ يلغي الضمان ﻻنهم يبغوك تغير عندهم يقولو الكﻻم هذا 
اجل بالله زيت مع الفلتر ب 215 في الوكالة نصب عيني عينك 
ورحت غيرت جنب البنشري الي عندهم ب 100 شوف الفرق 
115 جيبي اولى فيها ولا تروح لهم ما يكفي المبالغه في قطع الغيار
سحبت عليهم حتى صيانة 35000 ودفعت مبلغ الصيانة وفي اﻻخير 
وش الي سوه شدو البريك فقط 

اتصل على رقمهم واستفسر واستعلم عن المراكز المعتمده وطريقه ضمان حقك

للعلم فلاتر الزيت في مراكز بيترومين تجارية وغير اصلية

ياشباب عندي ددسن وودي اشقلة الضمان حقه يلغا ولا لا يليت تفودوني