أضف سؤال أو موضوع جديد          

متى بتفهمون لازم تندقون عشان تتعلمون VXR 5.7 2011 مسروق

up 18 down 9
ابو يزيد 000 8712
قبل 8 سنه و شهر



السلام عليكم ورحمة الله وبركاته

كيفكم عساكم طيبين

بدون مقدمات

نخش بالموضوع

والله انا تعبنا

واحنا نعلم فيكم

لكن انتم ما تتعلمون

الا لما يقع الفاس بالراس

وبعدها تقولون ياليت وياليت

لكن كلمه ياليت ما بتفيد بشيء



والمشكله محد يعتبر

والله ناس راحت مواترهم على 100 الف و 150 الف و 200 الف والبعض على 400 الف و فوق

والى يومك هذا ما حصلوها

وبعضهم بالسنوات ما حصلها

وفقد الامل




يعني انت تبغا تكون واحد منهم ؟؟؟

اكيد بتقول لا

واذا لحقناك

نلقاك تنزل من السياره وتخليها شغاله

اصنك بكف على جبهتك

ما تفهم انت

ثور ؟؟ بقره ؟؟

ياخي طف السياره

اماك تقول ما تبغا تكون من هذولي اللي انسرقت سياراتهم وما لقوها ؟؟

بيقول ايه

طيب يا ثور انت الحين ما سويت الاسباب

واذا انسرقت

قال هذا قضاء وقدر

مو غلطتي

الا غلطتك ونص

وتستاهل بعد واكثر واكثر

وخلك تندق عشان تعقل مره ثانيه

ناس قسم بالله يفقعون القلب

والله ماهي بحاله 

ناس قسم بالله توقف سيارات غاليه عند بقالات وتنزل وتخليها شغاله

واذا انسرقت قال هذا  الامن والامان 

ايه امن وامان 

انت اللي جنيت على نفسك يا بقره

وتستاهل اللي جاك

الحمد لله عايشين بامن وامان غصبن عنك

لاننا سوينا الاسباب

فلا تجي تتقعد تتفلسف على روسنا تقول امن وامان

الا اذا سويت الاسباب

اذا سويت الاساب

تعال تكلم



ناس سياراتهم لها سنين والله ما شموا لها خبر

والبعض يحصل سيارته

لكن تعال شفها

تلقاها مصدومه ورايحه في خرايطها ومنتفه تنتيف

واللي تلقاها مشلحه

واللي تلقاها كانت تفحط وانعدمت وراحت في خرايطها والمكينه والقير باي باي

و لا تلقاها منحرقه حتى ما تدري هي سيارتك ولا لا



فخلاصه كلامي

الواحد يكون في عقله ويترك عنه حركات الخبال تيه

و يعتبر من هذولي الناس اللي دفعوا دم قلوبهم في سيارت

وراحت هباء منثور

لكن للأسف يمكن 3% اللي راح يطبق كلامي

والباقي يسمع من هنا ويطلع من هناك

خلني اذكر لكم خبر واحد معه في اكس ار 2011 ابو 60 عام مكينه لكزس 5.7 لتر لعل احد يسمع لي و يطبق كلامي

وقيمته الجيب هذا ابو 5.7 اذكر 260 الف او 280 الف ريال اصفار

انسرق 

وترجع للسبب

ويكون السبب

كالعاده

السياره كانت بوضع التشغيل وانسرقت

لها الحين شهر واسبوعين

ما حصلها راعيها

واسأل الله ان يرد له ظالته وتكون سليمه وما فيها شيء

وهذي الشيء مستحيل انه يلقاها سليمه و يمكن نسبه ان يلقاها سليمه 1%

لكن ما فيه شيء مستحيل

وهذا كلام الرجال


السلام عليكم ورحمة الله وبركاته

اخواني انسرق VXR 5.7 موديل 2011
من الاحساء
رقم اللوحه ن ص ل 444
وبلغنا والى الان ماحصلناه
علما ان السياره كانت في وضع التشغيل
والمفتاح موجود لدينا يعني سرقها والسياره مافيها مفتاح ( بالبصمه )
ومن يجده له مكافأه ماليه 20 الف ريال
علما السياره 60 عام
وعليها تضليله كامله
واقسم بالله اللي يجده ان له مبلغ 20 الف
وعمولة الموقع علي انا
للاتصال على الرقم 0543255222


_________________


لو انه مطفيها , ما كان احسن له , بتقولون قضاء وقدر مثل كل مره

وارجع واقول لا والله انها دلاخه من راعي السياره

ولانه ما فعل الاسباب

يتحمل عواقب غلطته

 والله العظيم يا شباب انه انسرق من اخوي جوال قيمته 1200 ريال  وانا كنت معه وما قدرنا نجيبه ,,,, والله ياشباب اني قعدت يومين ما نمت من القهر والجوال جوال اخوي  , والله ان النوم ما طب عيني , فما بالك بصاحب الشيء , والله اخوي قعد متكدر فوق اسبوعين من القهر , فما بالك باللي اعضم واعضم

سياره قيمتها ربع مليون !!!!!!!!!!!!

250 الف ريال تروح كذا

قسم بالله يمكن ينجن

عالعموم هذي صور لسياره الرجال

ويسامحنا اذا تلفظنا عليه بكلام مثل كذا 


وانا والله ما قلت هالكلام الا من القهر

والكلام اللي طالع من القلب

يأثر في القراء

وان شاء الله انه يفيد كلامي ولو 10%


وما قلت الكلام اللي فوق

لاني اعتبر الشيء لي مو له

وعسا ان شاء الله لا يجي لي و لا يجي لكم مثل هالمواقف

وعسا الله يرد له ظالته و ترجع له سيارته سليمه بأقرب وقت


وهذي صورة سياره الرجال

تقبلوا تحياتي / اخوكم : ابو يزيد








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السيارات اللي فيها بصمة المفروض تكون سرقتها مستحيلة لانك من تنزل تقدر تقفلها وتترك السيارة تشغل وخصوصا وقت الصيف ماودك تطفي المكيف
وحتى لو السيارة مافيها بصمة على الاقل قص مفتاح واذا نزلت قفل السيارة ماهو ضروري تطفيها


up 0 down 1
المحترف 2012 2122
قبل 8 سنه و شهر



على شحم ياراعي الموضوع انا راعي الموتر وقل خير ولا اصمت اقل شي تقول الله يعقلها لك مهوب تقول ثور يا ثور الموتر ربي عوضنا فيه لكن اسلوبك همجي مع احترامي لباقي الاخوان وفق هذا انت قليل ادب


up 0 down 1
hadialmarri -1
قبل 7 سنه و 5 شهر