نصيحتكم ياهل الخبره

اجار تلقى ممشاه الحقيقي 400 الف الشعب من يطلعها من المكتب عند اقرب لفه فصل العداد  ودز

سيارة الاجار غالبا تكون مستهلكه وجرى عليها الزمن خصوصا السيارات الصغيره 

الله يوفقك اخوي لا تستعجل وانصحك ما تاخذها 

والله غريبة اجار وماشية140000 الاي اعرفة ان الاجار لازم يطلعون روح السيارة استخر

طيب هل فيه شي يبين ممشاها الحقيقي او هل الفحص عند الوكاله يبين ممشاها الحقيقي نصيحتكم تكفون

ماطنيت تلقى الي يبين ممشاها الحقيقي .لأن عدادها قد انفصل ..

خذلك بلقيمة هذي فورد 96 - 97 اطيبلك من اليارس وثاني شي وخر عن سيارات الايجار أكيد مافي أحد الا من رحم ربي

يحافضون على سيارات الايجار. اغلبهم اما تفحيط او يطمر ارصفة او سرعه عند المطبات تشوف السيارة تنقز مترين في الجو.

بالتوفيق ...

استخير ربك واتوكل عليه .........

السيارة كانت ايجار يعني مكروفة من رجل لرجل ؟ !

انا والله لقيت هناك رجال كبير سعودي عنده معرض يعني صاحب خبره استشرته وقلتله انها كانت اجار قالي ماعليك اذا فحصتها ومشت امورك والبدي ماعليه توكل على الله فقلت ابي نصيحتكم لاني جداا محتاار 

والله يابعدي ان كان تبي تمشي امورك فيها انصحك تاخذها وافحصها كمبيوتر ان طلعة سليمة ونسبة المكينه فوق 80% توكل على الله ..

الفلوس تعمي النفوس .. كبير ولا صغير اليوم نصيحة ببلاش بعدين تسير بفلوس يوم انك من ورشه لورشه

ايش يدريك يمكن اكثر القطع الاستهلاكية يركبون تجاري عشان مايخسرون واجد يعني معقوله لفيت معارض النسيم

مالقيت غير هذي اليارس .ياخوي البذائل كثير مثلا كرسيدا ,كابريس صابونه , فورد , النترا . يعني شي قطعها رخيصه

وخراباتها قليل اذا حافظت عليها ..والرأي الأول والأخير لك .تحياتي

مانصحك تاخذها لانها مهلوكه وموديل 2007 والله قديمه ولا بعد كانت ايجار
شوف يالغالي واحد يشتكي من موتر كان ايجار موديله 2011 !!! فما بالك بـ 2007

http://nissan.montada.haraj.com.sa/2505/%D9%85%D8%B4%D9%83%D9%84%D8%A9-%D9%81%D9%8A-%D9%85%D9%83%D9%8A%D9%86%D8%A9-%D8%B5%D9%86%D9%8A-2011/


اقرا الردود كامله وشوف الرد السادس بالذات وش يقول فيه ؟

لو تبي النصيحة بالمبلغ هذا دور لك هوندا سيفك 2003 الى 2005 تحصل بالقيمة اللي ذكرتها ولا ممكن اكورد من 2000 الى 2001 وتراها سيارات جدا عملية وقيمتها فيها ,,,

اخوي نصيحتي اي سياره للبيع و كانت ايجار سابقا ابعد عنها ... لا يغرك شكلها الخارجي .. اول شي قوله .. كيف المكينه 
احذر من اماكن بيع السيارات المستأجره ترى اصحابها نصابين 

انا مع الرد السادس لاخونا فل اوبشن