تغريز جماعي لحرس الحدود هههههههه

الجنوط والطين مايساعدهم ولا الموتر مابه عيب والخيل من خياله

ههههه اللهم لاشماتة ليتهم يرسلون المقطع الاول لأبو لطفي عشان يشوف ... الله يرحم الشاصات القديمة والباترول

أما الجديد عوضنا على الله .. أنا عارف اللحين مطبلين تايوتا بيصكوني ديس لايك لاكن طز في تايوتا والديس لايك بعد هههه .

 الحين يجي واحد ويقول السيارة من سواقها 

لاينط احد الحين ويقول فساد وواسطة مثل الببغاوات المدرعمين خخخخخخخخ

الميزانيه الجايه فورد رابتر لكل سرية

قال ايش قال شاصص 

ههههههههههههههههههههههههه@@@

لبى النيسانن *_*

وأنا اقول كيف مليون ونصف اثيوبي ومليونين يمني دخلو مع الحدود ؟؟

جعلهمم بهالحال واردى 

عساهم ينقطعون مثل ماخلوني ودبرو وسيارتي مغررزه بالظلاممم


دعيت عليهم ليييل نهار  والحمدلله  ردت فيهممم



هالشرذمه شايفيين حالهمم  متكبرين على المواطنين      كنت مغرز  وموتري بس يبي له نتعه وعندي القلص وكل شي   وفي مكان مووحش وقطعه    لما جاء يقولي     تبي رقم سطحه والا  دبر نفسك   الله الموتر بس يبي له نتعه  ولدرجة اني  مشيت فوق  10 كيلوو عشان يجيني ارسال بجوالي     الحمد لله اني شفت فيهم يووم

أخوي شكلين ما بحكي
تراك طحت في واحد ردي زلابة
صدقني ترى عيالنا و في كل القطاعات فيهم رجال قروم و شقرديه ينشد بهم الظهر
 و الله لو تبيه يعطيك موتره الخاص ما قصر
بس حظك الردي طيحك في رخوم وهم قلة و لله الحمد

بغض النظر عن الشاص ولا اي سياره غير الشاص،الطين والوحل مايعرف سياره وسيارات زمان على قولتكم الفرق بينها وبين السيارات الجديده البودي فقط القديم اقوى ولا من ناحية المكينه الجديد اقوى والشاص معروف بقوته لكن اذا تعلقت دفرتساته ماعاد يطلع الا تحفر له والله يعينك ولا سحب. والاخو اللي يقول كلمت العسكري عشان ينتع الموتر وقال لا هذا طال عمرك طحت لك في واحد عله ولا الفزعه ماتعرف بدله يعني لايغرب اللبس العسكري اهم شي الرجال نفسه وانا قد صارت لي قصه في تهامة الباحه رحت لديره يقالها ناوان وفيها طعوس وقلت خلني اميل عليها اتمشى وذاك الوقت بالليل ودخلت الطعوس ومعي فكسار 8v ولا كنت ادري ان وسط الطعوس الرمله اللي تسحب السياره تحت ونشب الموتر يعني الطعوس نفسها تسحب السياره تحت والله لا كبسوله ولا شاص ولا باترول يقدر يطلع منها وانا القى راعي دوريه وااشر له بالكشاف طبعاً بعد محاولات من التحفير وبدون فايدة والديرة مقطوعه والمهم وينتبه لي العسكري ويميل علي ولا نزل عندي لانه عارف الرمله انها تسحب الموتر ووقف فوق وانا اطلع له واقوله السياره ناشبه ومعي واير طويل ولا معي الا الله ثم انت وهو معه كبسوله دوريه وقالي معليش مانيب ساحبك دق عالدفاع المدني وادق عليهم ويجي واحد بيض الله وجهه ويسحب الموتر واطلع واروح لنقطة التفتيش والقاه قلتله والله ان البدله حرام عليك قدام اخرياه عشان يعرفون معدن رفيقهم. فاقولك الواحد مايمثل الا نفسه ولا حرس الحدود بيض الله جيههم الواحد يطلع للوردية مايدري يرجع لعايله ولا ما يرجع وانت عند المكيف تكتب في موقع حراج انهم ماهوب كفو الله يهديك ومعليش عالاطاله

انا اقول هالكلام     من واقع تجرربه     وللعلم اللي جاوني كلهم اعيال قباايل معروفه   2 /    هالسالفه ماصارت لي بس   صارت لواحد هنا بالمنتدى  كان مسافر وسفط على جنب على شان يصلي وبعد ما صلى جا يمشي وغرز موتره  وبينه وبين نقطه التفتيش  مسافه بسيطه  ولما راح لهم  قالو روح وبنجييك  ولطعوه ساعه ولما رجع لهم قالو له من اللي قالك تنزل بالرمل ؟ تبي رقم سطحه عطيناك غير كذا ماعندنا 

ما علاقة القبائل بالصرفات المسيئة لبعض من ينتسبون لها ؟!
المعذرة منك أخي لكن هذا جهل كونك تنسب عمل فردي لجماعة أو قبيلة كاملة أو قطاع عسكري
يا أخي أنا أعرف زملاء و أصدقاء و جيران لي غير قبليين
و الله أنهم أرجل و أطيب من ألف قبيلي سواء من أقرباء أو من ناس صادفتهم في هالحياة 
النار خلقها الله عز و جل لكل من يحيد عن جادة الحق لم يخلقها للأسود دون الأبيض
أو للخضيري دون القبيلي الدين و المرجلة و العلم الغانم لا تقاس أبداً بالقبيلة أو بالعرق أو باللون 

ما ودي أتكلم في هالمواضيع و لا أفتحها
 لكن من باب التبيان و التوضيح لأن يبدو أن عندك لبس و أعتقاد خاطئ و خطير جداً
أن أكرمكم عند الله أتقاكم 
- قبيلي متكبر على الخلق صدقني قدره عند الله جل و علا ما يسوى جناح بعوضه
حتى لو شفته لابس بشت و راكب جيب لكزس ١٣ و عند فلوس و الناس من حوله
تحيتي