وين احصل محل يركب مقياس حراره في الشرقيه

تشتري امبير حرارة من القطع وتركبه عند كهربائي سيارات وشغلته بسيطه

اهلا


شغلته سهله جدا

اشتري امبير حرارة خارجي من محلات قطع الغيار و تركيبه سهل

بس لازم تكون السيارة بارده

انا مبدل الى سوبربان 88 و الى شروكي 93 كلهم مثل بعض

اهلا


شغلته سهله جدا

اشتري امبير حرارة خارجي من محلات قطع الغيار و تركيبه سهل

بس لازم تكون السيارة بارده

انا مبدل الى سوبربان 88 و الى شروكي 93 كلهم مثل بعض

لاكن السياره اصلا مافيه علشان بدل القديم تركيب الساعه سهل لاكن تركيب الحساس من الي يعرف له يمكن يبيله مخرطه

ﻻ كل السيارات فيها لكن بعض السيارات يجي لمبة 

المشكله ان سيارتي من ابو لمبه ما فيها عداد حراره

هل يجب علي تركيب ثرموستات وخرط  وشغل كبير او العداد الخارجي يشبكه ويركبه بسهوله

موجود لدى ساكو اشكال و انواع و احجان و اسعاره رخيصه و تركيبه سهل جدا
يتوفر كذالك في بعض محلات الزراعة يستخدم في قياس درجة حرارة المحميات

اذا بتشتري من التشاليح يوجد في بعض السيارات مثل الجمس و الكابرس الصابونة عداد في المراية الداخلية و الحساس قريب من الصدام داخل الكبوت و لا تنسى تاخذ الضفيرة معه و يحتاج لك كهربائي شاطر يركبها لك

اقصد عداد مكينه السياره. وليس الجو الخارجي

فيه كهربائي في الدمام شاطر انا ما أصلح الا عنده ويفهم ويقولك الشغله هذي تتغير وإلا تتصلح بس هو مسافر بعد عيد الحج مدري رجع والا لا موقعه في محطة الوابل حي الفيصلية على طريق الجبيل مقابل جامع الوابل

مر عليه واسأل البنشر عنه اسمه عرفان باكستاني وإن شاء الله تدعي لي

وتقبل مروري واحترامي

**تعديل**


المحطة اللي فيها دربي كافيه بعد مركز الدوريات الأمنية

حبيبي اليارس فيها عداد اكتروني يعني اذا جاتها حراره راح تشتغل عندك لمبه حمراء علي الطبلون ريح راسك

انا عندي كيا ريو وهي حاليا فالصناعيه وقاعد اوضب مكينتها بسبه عدم وجود امبير او عداد حراره لو فيه عداد كان لاحظت الارتفاع ووقفت لكن قدر الله و ما شاء فعل واللي بيعتمد على اللمبه اللي اقولون عنها انا قالولي نفس الكلام اول ما شريت لكن ما اشتغلت اللمبه نهائيا الله اعلم وش السبب لكن انا بإءن الله بركب لها عداد حرارة خارجي،  حبيت افيدكم وا حذركم عشان ما تقعون في نفس خطأي و شكرا 

سيارات كثيره مافيها منها هيونداي وكيا وياريس والافضل تركيب عداد خارجي


لانه يصعب التنبه للمبه

+1 لايك للجميع