أضف سؤال أو موضوع جديد          

انتبهوا من ارقام الفيوزات

up 20 down 5
foxzx 1582
قبل 5 سنه و 2 شهر



السلام عليكم ورحمة الله وبركاته 




اخواني لاحظة علي بعض الناس تجهل ارقام الفيوزات وليه الشركات تحط فيوزات وأرقام محدده ومختلفه في علبة الفيوزات ؟




الفيوز اسمه المصهر يعني الفيوز كبش فداء 
وحمايه للقطع الكهربائية من التلف والفيوز مصمم
لكي يتلف ويحمي القطع الكهربائية في السياره.




استغرب تصرف بعض الناس الفيوز لنفرض رقم ٢٠ يجيك واحد يركب ٢٥ يا اخوي ما انت كريم 
والناس بخلاء كله فيوز ما تتعدي قيمته نص ريال




ابشرح لكم طريقة الفيوز مثلا الفيوز رقم ٢٥ 
يجي بعد الفيوز كتاوت رقم ٣٠ وحطيت مثال 
علي المخطط بالصوره المروحه لو مرت شحنه 
كهربائية قويه أتلفت الفيوز وحميت الكتاوت
والمروحه، ولو ركبت فيوز مساوي لقيمة الكتاوت
مثلا ٣٠ = ٣٠ ومرت شحنه كهربائية وضربت 
الفيوز راح يضرب معاه الكتاوت .
يعني الشركة حطت قيمة الفيوز اقل من قيمة 
الكتاوت علشان يحترق الفيوز وما تتعدي الشحنه
الكهربائية الفيوز وتقف عنده حمايه للكتاوت والمروحه او القطعه الكهربائية .




واحذر احذر من طريقة لف الفيوز بسلك نحاس 
او قصديرة علبة الدخان لانها راح تتلف علبة 
الفيوزات وراح تحرقها وتذوبها ويمكن تحرق 
الضفيره او لا سمح الله السياره .




واذا احتجت فيوز وانت بالبر مثلا للمراوح فك اي 
فيوز اصغر مثلا نقول فيوز المروحه ٢٥ انت 
فك اي فيوز لنفرض فيوز المساحات قيمته ٢٠ 
فكه وركبه بمكان الفيوز ٢٥ .
يعني انت يا تركب نفس القيمه او تركب اقل 
من القيمه وانتبه تركب اكثر من القيمه ولا تصير
كريم علي حسابك .




واتمني أني افدتكم 
تحياتي لكم 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هههههه حلوة الرسمة ذكرتني بالدراسة والعلوم ههه ربي يسعدك وتستاهل لايك مدرعم فيوزاته كلها ضاربه هههه .


up 2 down 0
الكاسر .. 911 . 755
قبل 5 سنه و 2 شهر



جزاك الله خير ما قصرت
موضوع مهم ورائع
ووممكن سؤال ؟
كيف اعرف مقدار قوة الفيوز ؟
هل مكتوب عليه مثلا ؟
وثاني سؤال بالنسبه للكتاوت
مره جيت اشغل السياره ما شتغلت معي مرره
بس تدق سيلف ولا تشتغل
المهم جبت سطحه ووديتها وررشه
فحص الفيوزات والكتاوت
قام اخذ من الكتاوت حقي واحد قديم وبدله مع كتاوت واحد ثاني
يعني بس تبديل
واشتغلت السياره تمام
وهالحين معي لها تقريبا 3 شهور والحمدلله ما صار شي ؟
ممكن تفسير اذا كنت فاهم


up 2 down 1
ملك الخطوط 234
قبل 5 سنه و 2 شهر



هههههههههه الكاسر فديت قلبك وانا اخوك 
والله لما رسمتها حسيت أني للحين بالمدرسه هههه
وكنت متوقع هالتعليق راح يقولونه بس ما توقعت ان يكون
اول رد تعليق علي الصوره .
وانا رسمت الرسمه للتوضيح لا اكثر 
ولا تحرمنا مرورك 
تحياتي لك 


up 1 down 0
foxzx 1582
قبل 5 سنه و 2 شهر



هلا فيك اخوي ملك الخطوط 
وربي يجزاك بالمثل واكثر 
اما بالنسبه لسؤالك الاول 
الفيوز عليه رقم من فوق تحدد قيمته 
اما بالنسبه كيف تعرف رقم الفيوز اللي تحدده الشركه الصانعه للسياره
فيه مخطط بكل سياره يحدد قيمة الفيوز وانا نزلت صوره للمخطط والسموحه
من رداءة المخطط لأني طلعته من المخزن وهو مغبر .
وتحصل المخطط بالدرج الصغير علي يسار الدركسون .

اما لسؤالك الثاني والموقف اللي حصل بسيارتك 
الكتاوت فيه ملف أسلاك وعلي الملف هذا حمايه تحمي الملف
من البروده الشديده والحراره الشديده واذا ذابت هذي للحمايه
فيه سيارات تشتغل بس اذا احتر الكتاوت يفصل لان ما فيه حمايه .
وأما تقول ان الكهربائي اخذ كتاوت من السياره وبدله بكتاوت ثاني 
من السياره فهذا حل عادي وترقيعي لا اكثر الكهربائي فك كتاوت ما عليه 
حمل كثير اوملغي الجهاز اللي بعده وبدله بالكتاوت الرئيسي المؤثر علي تشغيل
السياره .
واتمني ان أفدتك اخي ملك الخطوط بالشرح .
وتحياتي لك  


up 0 down 0
foxzx 1582
قبل 5 سنه و 2 شهر



مشكور على تعبك

كيف تفرقو بين الفيوز الاصلي والتجاري

الاصلي تلاقو في اطراف الفيوز جمب رقم الفيوز كتابات محفورة وبارزة وليست مطبوعة
لو الكتابات مطبوعة على الفيوز او بدون كتابات معناها الفيوز تجاري مايصلح بقرش

يفترض على كل واحد في السيارة اقل شي معاه علبتين فيوزات اصلية
ومفك اختبار ابو لمبة لمعرفة اي فيوز ضارب لا قدر الله


up 1 down 0
العمدة 1434 1173
قبل 5 سنه و 2 شهر



العفو اخوي العمده والشكر موصول لك لمرورك علي موضوعنا المتواضع
وأشكرك علي الاضافه وعلي شرح ومعرفة الفيوز التجاري من الأصلي 
ولك احلي لايك 
تحياتي لك


up 0 down 0
foxzx 1582
قبل 5 سنه و 2 شهر



الله يعافيك اخوي أيقنت 
ادري وانا اخوك هذي معلومه جديده ومو بس انت فيه ناس كثيره 
تجهل هذا الموضوع وتحط فيوز اقوي من الفيوز المحدد من الشركه 
باعتقادهم ان الفيوز الأكثر بالرقم هو ما يلذع .
وما دام عرفت هالمعلومه انشرها بين أصدقاءك لتكسب الأجر من ربك .
ولك مني احلي لايك 
وشكرا لك لمرورك الكريم 
تحياتي لك 


up 0 down 0
foxzx 1582
قبل 5 سنه و 2 شهر



بالنسبه لي حدثة مشكله غريبه في سياره ازيرا 2006 كانت معي فجأة الموتر مايمشي اكثر من سرعة 60 ولو تدعس البنص كله يقعد يعطيك هدير صوت المحرك عالي جدا بدون سرعه وبعد مااكتشفت المشكله ودخت الين اكتشفتها وهي فيوز لقيته محروق غيرته من 15 الىفيوز 15 ومشيت اقل من كيلو وانحرق ورجعت نفس المشكله وغيرته فيوز20 ولها اكثر من سنتين وهي على حالها فل الفل


up 1 down 0
قلم مائل 784
قبل 5 سنه و 2 شهر



يعطيك العافية على الموضوع ووودي اعطيك لايك بس نقاطي ما تكفي
قد ركبت فيوز تجاري وندمت والله جاب فيني العيد , التمست الظفيرة وسالفة وخسرت على السيارة والله


up 1 down 0
ابو عبدالله 506 239
قبل 5 سنه و 2 شهر



يا اخوي قلم مائل انا ما اقولك ما راح تشتغل 
انت لو الفيوز قيمته ١٠ وتحط فيوز قيمته ٤٠ 
راح يشتغل بس كيف تحمي الجهاز اللي بعده 
انت شف الكهربائي او رح للوكاله وشف الجهاز اللي
بعد الفيوز هو ٢٠ او ٢٥ اذا ٢٥ سلم راسك اذا ٢٠ 
الله يعينك اذا لذع الفيوز راح يحرق الجهاز اللي بعده
او الكتاوت وانت لازم تستفسر حمايه للسياره والجهاز
أشكرك علي المرور ولك احلي لايك
تحياتي لك  


up 0 down 0
foxzx 1582
قبل 5 سنه و 2 شهر



الله يعافيك يا اخوي ابو عبدالله 
ما يحتاج تعطيني لايك يكفيني ويشرفني مرورك وردك علي الموضوع
والحمد لله علي سلامتك وربي يعوضك بخسايرك علي الموتر
ولك مني احلي لايك 
وتحياتي لك 


up 1 down 0
foxzx 1582
قبل 5 سنه و 2 شهر



الله يعافيك يا اخوي ابو عبدالله 
ما يحتاج تعطيني لايك يكفيني ويشرفني مرورك وردك علي الموضوع
والحمد لله علي سلامتك وربي يعوضك بخسايرك علي الموتر
ولك مني احلي لايك 
وتحياتي لك 


up 1 down 0
foxzx 1582
قبل 5 سنه و 2 شهر



الله يكثر من أمثالك ويفتح عليك، أنت فيك خير تحب تنور الناس


up 1 down 0
veterans
قبل 4 سنه و 12 شهر