أضف سؤال أو موضوع جديد          

كفاية دعاية لعبداللطيف جميل

up 26 down 15



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , نعم أقولها و بالفم المليان: (كفاية دعاية لعبداللطيف جميل) !!!!!
يا اخوان ألاحظ من فترة الشباب شادين حيلهم بالمواضيع اللي تتكلم عن سوء وكالة عبداللطيف جميل و يطلعون
فضايح و فيديوهات و صور و تقارير إلخ ... !!!! و مع كثرة هالمواضيع إلا إن (عبداللطيف جميل) تزيد
أرباحهم يوم عن يوم اللهم لا حسد !!!! و ما تطلع سيارة جديدة إلا و تلقاها منتشرة بشكل سريع !!! وش السبب
برأيكم ؟ أكيد السبب واضح و يمكن كثير ما إنتبه له , اللي هو كثرة إعطاء الشيء أكبر من حجمه و كثرة 
المواضيع اللي تنزل عنه تسوي دعاية غير مباشرة له !!!! تقول لي كيف طيب ؟ أعطيك مثال بسيط جداً تخيل
لو عندك أخو صغير و أنت مثلاً : تدخن و ما تبيه يطيح بالدخان !!! تجيه كل فترة تقول له : إنتبه لا تطيح
بالدخان تراه مضر , و بعدها بكم يوم تشوفه جالس مع واحد يدخن تقول له : لا تماشي فلان لأنه يدخن و كل
كم يوم تقول له : يا ويلك لو يجيني خبر أو أشوفك تدخن !!!! أنت ممكن تخليه يفكر جدياً بالتدخين مو عشان
يكسر كلمتك أو يعاندك !!! لأنك أنت ترسخ فكرة عنده و تخليها على باله ولا جاء ينساها جيت ذكرته فيها !!
يعني الخلاصة و الزبدة / لا تثيرون مواضيع عن عبداللطيف جميل و بحريقة هو وكالته !!!! خسرت ربحت
بكيفه , حلاله و هو حر فيه , و إذا على سوء الوكالات كلمة حق أقولها , كل وكالة فيها حقها من النصب !!!
و أبختم لكم عن قصة شركة تأجير سيارات بأمريكا خسرت بسبب إعلان و أبغاكم تحللون ليه خسرت ؟؟طبعاً
هي سوت إعلان و كتبت بالــــــــــبــــــــــــــنـــــــــط الــــــــــــعـــــــــــريــــــــــض:

( شركة تأجير الفلانية الحائزة على ثاني أفضل شركة تأجير بالعالم ) !!!!!

بإنتظار مشاركاتكم

محبكم &&& أبو طلال












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصورة الاولى    لا تعليق !!!!

+ لايك


up 3 down 2
mr haraj 1941
قبل 5 سنه و 11 شهر



 من جد يبو طلال ملينا واكتفينا  كل شوي ابو جميل وابو جميل 
حتى الواحد لو يكتب عن ابو جميل جاءه ديسلايك حتى لو كلامه محد يقدر ينكره ويكذبه 
 اليوم دخلت اشوفهم فاتحين موضوع عن مسجل الكورلا الجديد  ولهم  مهاوش  ومشاكل 
يعني  وقفت على المسجل هي ؟؟ ليه ما تكلمو عن عيوبها هل ما زالت فيها او تححسنت .
او الظاهر ما يبون الواحد يشتري كورلا والسبب ان مسجلها مغير 
 ابو جميل من  سنة 2003 ووهو يغير كل شيء حتى البطارية . ويركب من عنده 


up 5 down 6
صوت العزاوي 526
قبل 5 سنه و 11 شهر



صدقت ، طيب ليه مايحطون وكيل غيره لتويوتا ؟ يعني مافيه تجار بهالبلد الا عبداللطيف قبيح ؟؟




up 2 down 3
الله أكبر والعزة لله 2
قبل 5 سنه و 11 شهر



 فيه البازعي  وفيه خليجي   وفيه مستورد  ما وقفت عليه تويوتا  
 والقطع الغييار  فيه النهدي  والمحلات المنتشره والتشاليح  والجنيدي  وفيه درجات واخر خيار ابو جميل 


up 4 down 1
صوت العزاوي 526
قبل 5 سنه و 11 شهر



,و عليكم السلام و رحمة الله و بركاته
هناك شكوى من معظم وكلاء السيارات


up 0 down 1
imatinib 66
قبل 5 سنه و 11 شهر



شف الناس اكبر همها تستمعل وتكرف وماتبي ينقص من سعر الموتر ريال واحد
هذي ميزة تويوتا تلقاها محافظة على سعرها ولا الناس كلها عارفة وش فيها من بلاوي


up 2 down 7
al_orainy 57
قبل 5 سنه و 11 شهر



شباب بالله جاوبوني على سؤالي لأني ماأقدر احط اعلان الحين..

انا اقدر ادبر 50 الف ,,هل تجيب لي كابرس رويال 2007؟؟


up 5 down 1
-long story- -94
قبل 5 سنه و 11 شهر



^^ نظيف بشكل عام لا اما صيدة ممكن ..
بالعكس ياالغالي الا كثرة الدق تفق الحديد ، ولا أعتقد انها محسوبة بلفت الانتباه وترسيخ الفكرة من وجة نظري تنطبق الفكرة ع شي وماهو بالضرورة تنطبق ع غيره لا تسبح بالحر المفتوح معناته رح اسبح الشااارك بأنتظارك هههه
تويوتا امبراطورية مستبده ، وماهي في يوم وليلة تمسح او تخسر الا اذا اراد رب العزة ذلك ،،
لكن من اسرار سياسية ابو لطيف ..
اذا نزل موديلات جديدة اوووول ما يفتح البيع للشركات التأجير وباقي الشركات وخصوصا للي خارج المــدن 3 < الرئيسية
عشان كذا تنتشر دفع وحدة بالشوارع ويجوك الناس مدرعمين عليهم يمسحوا المستودع بالقطع الصيني ماينتبهوا لها .
لكن ماراح تستمر هذي الحركة الخبيثة
الجواب : مافي شركة تتفاخر بانها الثـــــــــاني .. صح



up 2 down 0
aziz..747.. 2423
قبل 5 سنه و 11 شهر



هلابكم يا اخوان شاكر لكم المشاركة , حبيبي عزيز للأسف جوابك خطأ !! بإنتظار إجابات أخرى .


up 0 down 0



صدقت مثل قناه mbc تعرض برامج مثيره للجدل ويجيك الشعب احذفو القناه لااحد يشوفها

وبلعكس زادت شهرتها 


up 1 down 0
mission 850
قبل 5 سنه و 11 شهر



يارجال التويوتا ماتحتاج دعايه او ذم من احد وضعها ف السلييييم.


up 1 down 2
ملقاط بن جمر -2
قبل 5 سنه و 11 شهر



يااخوان ابو لطفي وراه ظهور جامده… ماهو وكيل كذا بس

والوكاله شراكه بينه وبين الحكومه… 

لاحظو انها الوكاله اللي محاكره عقود توريد سيارات الداخليه منذ مبطي..

فعشان كذا التلفيق..بالعربي ماعليهم بااطرف شنب… 


up 4 down 1
gsxr_600 1017
قبل 5 سنه و 11 شهر



الله يعوض علينا بخير في تايوتا ومشكلة اغلب البشر مايدرون عن ها المصايب لأنه لاهو حق نت ولاشي بس السمعة الي

بين البشر ان تايوتا شيك في جيبك ؟؟؟؟ وبالنسبة لي يا أبو طلال والله رحيمي شاورني على جيب لكزس الصغير ما ادري وش

وقلتله اسمه وراني صورتة بس قلتلة ابعد عن ابو لطفي اغلب القطع صيني وحتا اللكزس ماسلمت منه وسبحان الله الرجال

صرف نظر عن الموضوع ... من ناحيتي وربي كرهت شي اسمه تايوتا .......... أحلى لايك يامدير .


up 1 down 0
الكاسر .. 911 . 755
قبل 5 سنه و 11 شهر



تكفون لاتخلونها تصدي :(  :( 
رحت عليكم خلاص 


up 0 down 0
ولد المدينة 2014 1307
قبل 5 سنه و 11 شهر



اخونا اللي يقول تنصحوني بكابرس 2007
انا انصحك بكابرس 2009 وفوق لان قيره يجي 6 تعشيقات ويوجد مبرد اضافي للقير بعكس الموديلات القديمه 4 تعشيقات /


up 0 down 0
سعد 7007 552
قبل 5 سنه و 11 شهر



الجواب / لانهم يبون شركة التاجير المركز الاول


up 0 down 0
kaka90 150
قبل 5 سنه و 11 شهر



سبب ارباح عبداللطيف جميل سببين :
1- باب رزق =  فاتح بيوت ناس كثير وصراحه التاجر الوحيد اللي فاد الناس عشان كذا 
الله فاتح عليه الرزق. 
2- سمه = عبداللطيف جميل الوحيد اللي لو عليك سمه وديون الدنيا كلها يطلع لك سياره
ايجار 


up 0 down 0
prozac 93
قبل 5 سنه و 11 شهر