ما هو افضل زيت للكامري

الزيت مااقدر افتيك فيه 
كل شخص يحط زيت معين وعلى حسب قناعاته 
والفلتر الاغلبيه يغيرونه بعد كل تغييرتين 
يعني مره زيت وسيفون ومره زيت بس وكذا 

انا معي كامري 2000 مطلعها وكاله من ذاك اليوم الى يومك ما اغير لها الا زيت تويوتا .. واغير الزيت كل 2000 كلم ...
والي يومك والمكينة مشاء الله تبارك الله مع اني اشد عليها واكرفها لاكن وااافيه ..

والله ياخي حرام عليك تغير الزيت كل 2000 كيلو
ان اتكلم لمصلحتك الحين في ناس مختصين في الزيوت
يقولو انه بامكانك تمشي اكثر من 10000 كيلو من
دون اي تأثير على المكينة وانت تغير كل 2000
الحرص واجب لكن مو لهذي الدرجة

اخوي الكامري اعتقد تمشي بالثقيل حسب ماشفت الخلق وافضلهم نوع زيت بترومين الترا سفن وتغيره كل 5000كيلو متر مره سيفون ومره لا 
عاد تعال فهم ابوي يغير السيفون بالتغييره الرابعه يعني السيفون يتعذب 15000كيلو وترا كلها تنفع الوسوسه الي حتاكلك
وعندك زيت بجرب منه قريب شل هيلوكس لزوجه 10w40مناسب لاجوائنا الفرنيه وممتاز حسب ماتوقع انه نص تخليقي وجملته بسيطه ماهي غاليه
وعليه عرض لو تغير خمس علب تاخذ 30لتر بنزين للتانكي حق السياره عروضهم حلوه وجباره

زيوت موتر كرافت ممتازه وسعرها رخيص ب١٥ ريال عند التقوى ونفس الممشى الي يمشيك كاسترول ابو 45 ريال لاني مجرب

بترومين الترا سفن 10-30 او 20-50 هذا افضل زيت وعن تجربه

سوبر جي تي  20-50

الاخ الي يقول انه يغير الزيت على 2000
غلطااااااان مصاااااريف على الفاااااضي
الزيت العادي سوبر جيتي وتويتا والتراسفن 
كلها تتحمل لحدود 5000 ولاعندها اي مشكلة

اشكر كل من رد جزاكم الله كل خير 

انا معي كامري 2011 من يوم ما فكيتها من 5000كم إلى الحين ماشية حول 69000كم وانا ما اغير الا كاسترول جي تي اكس 20/50 كل 3500كم-4000كم بالكثير وحتى يمشيك الى 5000كم واذا سحبت عصا العيار تلاقي لسى فيه لزوجه مو محروق سعره في البناشر 18-20 ريال بينما يطلع عليكارخص لو اخذت كرتون من برى والسيفون احرص من حقين البناشر خذهمن موزع تويوتا المعتمد خذ لك كرتون وخله عندك في السيارة او البيت كل ماجيت تغير الزيت غيره اريح لك واضمن من التجاري حق البناشر

انا معي كامري ٢٠١٩ هايبرد واغير في الوكاله كل ٥٠٠٠ وبعد ال عشرة الاف قالو تجي على ال ٢٠ الف يعني كل ١٠٠٠٠ يغير زيت .سوالي هل طبيعي المسافه على المكينه وايش الزيت الي يستخدمونه الوكاله عشان اصير اغير برى ارخص