ماهو أفضل زيت للكورولا 2011 ؟؟ والسيفون ايش نوعه

اشتر  اربع خمس  حبات من الوكالة او قطع الغيار اصلي طبعا  سيفون  ووتغييره بــ5 ريال عند البنشري ووقتها وفرت قيمة غسيل
وبالنسبة لي اخوي يستعمل زيت تويوتا   واحيانا كاسترول  30w10  لزوجه خفيف واهم شيء يكون اصلي وماهو من الامارات 
نصيحة اخو  واضب على   تفقد الزيت للمكينة وفيه مكائن كثيرة تخبط  للكورلا والسبب الاهمال وبعضهم متعود على  القديمات

نصيحه رح للوكاله وبتحصل قيمة السيفون اصلي ب 15 ريال كحد اقصى , وتوي اتصلت بخويي يقول يستخدم كاسترول 10*30 لسيارته كورولا 2011


 السيفون اللي عند البناشر تقليد وارد الامارات بعد فتره بيجيب العيد في سيارتك ,, قيمة تركيب السيفون 5 ريال مايزيد عنها .. بالتوفيق 

مشكور صوت العزواي

هذا اللي بيصير اصلا

ابو سعود ياليت تسال صاحبك عن الفلتر البنشري يقول الفلتر تغير عن الموديلات السابقة صار زي حق اللكزس وبكم يشتريه

شوف  عزيزي انا اول مرة اغيره برى
 الوكالة غيرته عند محطه خاصه للزيوت وكان حسابه ١٢٠ ريال 
اربع علب ونص طبعاً زيت تويوتا الاصلي والسيفون طبعاً اصلي ..' 
وبالنسبة متى تغييره ... غيره على ٥٠٠٠ كيلو ..'

أنا ما عندي سيارة تويوتا

لكن حسب خبرتي المتواضعه ومعلوماتي
سيفون التايوتا نوعين تايلندي وياباني

التايلاندي رخيص سعره تقريبا اتوقع 15 ريال والياباني غالي ؛ وأنصحك تشتري السيفون من الوكاله أو من موزع قطع غيار معتمد (( أرخص + أضمن تضمن أنه أصلي وليس تجاري تقليد ))

أما الزيت أنا أحب زيت بترومين 10W30 .. جربت زيت قلف 10W30 وماش ما أعجبني وصوت المكينه تغير

بس المشكله البناشر عيال اللذينا رفعوا سعر علبة 10W30 لـ 16 ريال ورفعوا سعر علبة 20W50 لـ 15 ريال

والسبب أن زيت 10W30 مرغوب في السيارات الجديده

قبل سنوات كان سعر علبة الزيت 13 أو 14 ريال .. والله يستر لا يجي يوم يكون سعر العلبه 30 ريال !!

كل شيء يرتفع سعره بإستمرار إلا الرواتب ما زادت

وإذا جبت معك زيت أو إذا معك كرتون زيت .. يرفضون البناشر يغيرون الزيت

يعني يا تشتري منهم زيت بسعر غالي وكل يوم يرفعون السعر .. يا إما يرفضون يغيرون الزيت

والله حاله

البناشر أغلبهم السيفون تجاري, أغلبهم يعني 90% وليس كلهم, خذ معك فلتر من الوكالة وقارنه بحق البنشري.

يا ما وضبت مكاين بسبب فلتر زيت -سيفون- تجاري المشكلة إن الوكالة أرخص

مشكور وهد اعصابك يا سبيد



وسيف وقلم مشكور

اللي يبي يوفر فيه محلات الجملة عندهم زيوت اشتر كرتون يعني على سبيل المثال


بترومين الترا سفن 20-50 الكرتون 24 حبة ب260

كاسترول ماجنتيك 5-30 الكرتون 12 حبة ب270

الأسعار عند باوزير في أم الحمام وأتوقع الصناعية أو في الغرابي أرخص

والسيفون-فلتر الزيت- اشتر من الموزعين 6 حبات أرخص لك شغل اليد ب15-20 ريال أنا معامل هندي ب10 بدون سيفون و15 بسيفون في حي المصيف محطة الشراع طريقة الجامعة ووجهك غرب بين أبو بكر والملك عبدالعزيز

أنا رحت لبعض البناشر بعضهم يرفض وإلا يقول ب30 , خاصة إني في ساكن الشمال