شبآب من يخبر لي وظيفه

انا سمعت ان فيه وظائف في مكتبه جرير 
ما ادري ان اكتفوا واللا ولكن مرّ عليهم واسالهم 
وترى رواتبها حلوه جداً  

5000 للدوام الكامل 
2500 نص دوام 

وترى الكلام هذا على خبري الاول مدري ان غيروا 
واتمنى اني افدتك 

ماكدونالدز عندها وضائف راتب ما اتذكر بالضبط 4500 او 5000 واحد منهم

الله على جرير بس كنت شغال فيها وراتبي كان 3500
بعد ماطلعت وصار سنه والا هم رفعوا الرواتب الى 5000 الالف ريال

لكن بصراحه فيه اشياء تستفز الواحد واغلب الموظفين يمشون بسببها لذلك هم رفعوا الرواتب

يجيك 200 ريال نقص يخصمونه ( طبعا شي طبيعي ) لانك سببت عجز فالحسابات ولازم يسترجعونها منك

يجيك 200 ريال زياده يخصمونها  ههههههههههههه
يصير عندهم 400 ريال زياده تروح فجيب جرير 

اقولهم ليه طيب تخصمونها هذي زياده ماراح تضر حساب الشركه انتم الان
تخصمون 200 مره ثانيه تصير الدبل في صالح الشركه 

قال يا خي انت كذا سرقت الزبون 200؟
قلت انا لو سرقت الزبون بحطها فجيبي مابخليها فالدرج وبنفس الوقت انا ايش عرفني اني سرقت زبون

قال هذي مشكلتك انت سحبت على الزبون زياده كئنك سرقته ولازم نخصمها منك

قلت يعني انتم كذا تقولون اني سرقتها من الزبون وتخصمونها من راتبي
كذا تصريون انتم سرقتو الزبون وسرقتوني ههههههههههههه

غير كذا مافيه كراسي يعني وقفه ولا وقفت العسكري

الله يوفقك ترا البحث عن وظيفه معاناه وربي
روح الموارد البشريه وسجل لان عندهم عروض وظيفيه كل فتره تجيك رساله ويعرضون عليك وشوف

وانصحك لادخلت شركه كويسه وراتبها يمشي الحال استمر وراح تمشي
انا اول ماتوظفت تعذبت والحين الحمدلله الوضع كويس .. الله يوفقك انت ومن يقرا

قدم على كل مواقع المطاعم والشركات في منطقتك
صدقني راح يتصلون فيك

المطاعم المشهورة (ماكدونالدز ، هرفي ، كودو الخ...)
الاسواق الكبرى (بنده ، كارفور ، العثيم ، دانوب......)

هم يرغبون السعودي عشان التصنيف والتسهيلات والدعم وهكذا

اذا كنت في الشرقية ..
في شركة اسمها ( الحفر العربية .. وصفها قريب هافمون <<شاطئ نصف القمر
قبل بوابة ارامكو يسار ثمن يمين ..' انا رحت اليوم وقدمت اوراقي ولا تنسى اهم شي
 لcv - السيرة الذاتية وهذا رقمهم ٠١٣٣٣٠١١٥٢ تحويلة صفر
وفي شركة ثانية نفس المجال اسمها (زي بي العربية للحفر موقع التقديم بالخبر 
خلف مجمع الراشد وهذا رقمهم ٠١٣٨٩٥٥٩٨٥ تحويلة ١٠٣
وبالتوفيق للجميع ..'

^^^ شاقح هههههههههههههههههههههههه

لا يا اخوي انا بمكه 
ويآشباب كنت شغآل بشركه لكن الفندق قفل صيآنه 
والمشكله عندي ارتباطات ولازم رآتب الشهر الجاي 
الي عنده رقم جرير يحطه