محذووووووووف

توظيف ارامكو السعودية ليس اختياري للموظف بل يعينوك حسب طلب العمل الا اذا عندك واااااو

أهم شي ... انتبه لا يرسلونك لحقل شيبه بالربع الخالي
و الله مقبرة
زميل لي له 8 سنوات هناك
راتبه فوووووق
بس ما قدر يسوي شي بحياته
لا سيارة و لا زواج
خصوصا" أهله بالرياض

الله يكون بعونه و عون اللي مثله

في كثير شركات احسن من ارامكو 

ميكانيكا تخصص جدا مطلوب في ارامكو وهذا هو تخصصي ايضاً 

خويي سكرتي ومستانس ع الاخير يقول راتبها كويس وأموره طيبه .. 

اذا بتدور الراحة وتسأل عن ساعات العمل من الحين اقولك شف لك شي ثاني غير ارامكو

تخصص ميكانيكا جدا مطلوب في ارامكو وهذا هو تخصصي 

ارامكو  رواتب مافي زيها بس اذا تبي راحه ماراح تحصل الراحه لن الشغل فيها متعب لكن بتحصل مزايا حلوه فيها لو تشتغل سكرتي 

من تجربة .. محد يحس بإنة موظف بأرامكو غير خريجي الهندسة الميكانيكية او الكهربائية وشتى مجالات الهندسة يعني المهندسين فقط اما الثانوي يقعد بها لأنه نزل نظام لسعودة الوظائف الفنية

شف وانااخوك انا انقبلت في برنامج التدرج لخريجي الثانوي تخصص مشغل تفاجات يوم استفسرت عنها يعني تخيل ارامكو والسمعه الي فيه المجتمع اخرتها 5500اساسي مع البدلات توصل 7000 بعد التدريب سنتين وفوق هاذا يعطونك قريد 7 اذا تخصصك علمي وقريد6 اذا تخصصك شرعي ولك حد مايتعداه راتبك سمعت انه حول 16 وماتخذه اللى بعد 12 سنه ولايعطونك سياره ولا كل المميزات لموظفين ارامكو باختصار الراتب والمميزات للمهندسين

أفضل تخصص ومن ناحية راتب .. تدخل cpc تخصص هندسة كيميائية

ههههههههههههههههههههههههههههههههههههههههههههههههههههههههه .. والله يافيه قوة افتاء بالموضوع .. اللي يقولك نظام سعودة الوظائف الفنية واللي يقول اساسي 5500 واللي يقول ماتحس انك بارامكو الا اذا كنت مهندس !!!..

شوف اخوي" اولا قبل كل شي احب ابشر الاخ اللي يقول اساسي 5500 .. الاساسي من 8 شهور تقريبا صار 6640 لقريد 7 و 6400 لقريد 6 ..

ارامكو تعتمد راحتك فيها على تخصصك ومكان تعيينك .. التخصصات الحقيقه كثير وما اقدر احصرها لك هنا ولكن كل تخصص وله مناطق تعيين معينه واغلبها فيها مناطق نائية..

والتعيين انت وحظك ممكن عند اهلك وممكن انت بالغرب وتعيينك بالشرق .. بالنهاية هي حظوظ وتوافيق ..

واللي يذم لك في الـ itc .. اغلب الادفايزرز او السوبرفايزرز واللي ماسكين مناصب كبيرة بالشركة عدد كبير منهم متخرجين من الآي تي سي وداخلين ارامكو بشهادة ثانوي ..

ولكن الواحد مايقعد على حالته يثابر ويجتهد وياخذ الشهادة وهو على راس العمل ويترقى ..

الحين ياخوي خريجين جامعات ماهم لاقين وظايف وارامكو مستقبلك معاها مضمون راتب وسكن وهذا اهم شي .. 

بدل السكن بارامكو للعزوبي 20 الف تنزل كل سنة مره .. وللمتزوج 30 الف .. وهذا لكل التخصصات من السيكورتي لاكبر تخصص ..

ولكن .. ارامكو بالدرجة الاولى التزاااااااااام وانضباط .. من اول يوم تدخل فيه لآخر يوم .. من يومك متدرب يعلمونك تحترم الوقت وتلتزم ..

حتى بالقياده يركبون لك جهاز بسيارتك يراقب سرعتك .. وان تعديت 120 يطلع صوت ينبهك وان مانقصت سرعتك يرسل بياناتك على سيستم ارامكو ويا ويلك وياسواد ليلك ..

واي مخالفة تاخذها من المرور راح توصلهم ..

يكفيك ان المتدرب بارامكو اذا كان بمنطقة مافيها سكن ارامكو وغير منطقة اهله ياخذ مكافئة التدريب السنة الاولى 4600 والسنة الثانية 5000 .. هذا المتدرب يعني قارن مع طلاب الجامعات يطلع مكافئة خمس طلاب كل شهر ..

واذا تدريبك بمنطقة اهلك او بمنطقة فيها سكن ومواصلات ارامكو تاخذ 3000 السنة الاولى والسنة الثانية 3500 وتخصم 9% للتامينات الاجتماعية ...

وازيدك من الشعر بيت .. سيكورتي في منطقة نائية زي خريص اول مربوط يطق 11000 ريال .. هذا وهو سيكورتي بشهادة ثانوية ..

ومثل ماقلت لك كثير موظفين بدأوا بالاي تي سي بالثانوي واخذوا شهادات على راس العمل وغيروا تخصصاتهم لمناصب ادارية .. 

وانت شايف بالوقت الحالي حتى العسكرية جندي صارت واسطات .. وانت تجيك ارامكو وترفضها .. شوف محد يحس بقيمتها الا اللي ما انقبل او مالقى وظيفة بمميزات احسن

بالتوفيق .

استخر وتوكل على الله .. من ناحيتي انصحك فارامكو ضمان بعد الله لكن انسىى الراحه والفله الا اذا رب وفقك وظيفه زينه ومحل حلو اعرفلك ناس رواتبهم طاقه 40 الف والله دوامهم استهبااااال مايداومون تلقاه فمحل لحاله ورئيس نفسه ورئيسه فمنطقة اخرى
.. انا للملعوميه مهندس واشتغل في ارامكو وهي حلوه الحمد لله بس تعبببب

ksa هههههههههههههههههههههههههههههههههههههههههههههههههههههههههههههههههههههههههههههههههههههههه شكلك مع الجيل الجديد الله يوفقك ويسهل دربك .. خالي موظف بارامكو طبعا متخرج هندسة كهربائية من جامعة الملك فهد للبترول والمعادن ويطق ال 50 الف ريال ماشاء الله يعني لو جاة تحته واحد سعودي ثانوي يعتبرة عامل ويكرفة كرف مع إحترامي لجيل ارامكو الثانوي طبعا هذي طبيعة العمل شئت ام ابيت كل واحد ومنصبة لاتقولي الثانوي زي المهندس .. انا ما اقصد الإهانة بس اقصد التشجيع على إكمال الدراسة الجامعية وهذا إلي انا عملته والله يوفق الجميع

افضل تخصص هندسه اذا كنت تبغا ارامكو هندسه كيميائيه هيا فيها شوية لكن والله ممتازه اخويا اتخرج الصيف الماضي من كلية ينبع الصناعيه معاه بكالوريوس هندسه كيميائه والان قبل شهر وقع عقد مع شركة جديدة تبع ارامكو اسمها ياسرف واول مربوط راح يستلمه بعد اسبوع ونص حول ال ١٨ الف .

المستلج" على زبي انت وخالك هذا اولأ" ثانيا يارمه انا ماقلت الثانوي زي المهندس" انا قلت خريج الثانوية يقدر يوصل سوبر فايزر اداري اعلى من المهندس" وفيه امثلة كثيرة هذا اذا كان خالك بارامكو اساله من اعلى انت ولا هادي بالحارث او شبيب الشبيب ولا جميل مدني" هذول كلهم داخلين بثانوي يا تبن والحين منصبهم اعلى من مهندسين ارامكو ياجحلط" وعقباال ماتجي تحت ادارتهم ويعلمونك خريج الثانوي وش يسوي فيك ياخرنث .. ويانصاب 50 الف مايوصلها المهندس فقط يوصلها الاداري ياغبي وبشهادات اعلى من بكالريوس لانه القريدات محدده لكل منصب .

ksa استغفر الله العظيم الظاهر من تلفظك الوسخ إنك خريج شوارع وابوك مارباك الدليل كلامك الوسخ ناس زيك متربين في الشوارع المفروض شركة دلة ولاعلوان ماتوظفهم يمكن عامل النظافة انظف منك وافضل منك عند الله حسبيا الله الله عليك الله ينتقم منك في الدنيا قبل الاخرة تجيك مصيبة تندم على كلامك الوسخ جالس تسب من قلبك وربي ماراح اسامحك ليوم القيامة ربما تكون ساعة دعوة مستجابة على مشهد الرجاجيل ليش انا اكلت من مالك او سرقتك ولا حقدت لأني بينت الشئ الصح إوإنك حسيت إنك ضعيف .. والله بعدين ليش هذا الحقد ياخي المهندس 6 او 7 سنوات واحيانا يوصل 8 سنوات يدرس عشان يحصل على شهادة الهندسة ويتوظف باعلى المناصب كل واحد بحسب جهدة في هذي الحياة يجي موظف ارامكو خريج ثانوية ويدرس دبلوم في سنتين 2 ويخلصة بالعافية يبغى يصير بمرتبة مهندس او يصير في الإدارة او مديرعلى المهندسين والله حالة ياشيخ خاف ربك ولاتنسى إن لكل مجتهد نصيب ليش الحسد يالضعيف
الأخ sponcer كلامك مزبوط هذا اول مربوط 18 الف ريال طيب إلي متخرج من جامعة الملك فهد وشغال فوق 18 سنة مايوصل 50 الف غير الإنتدابات للخارج مع الزيادات بالله خلي إلي مايعرف زي ksa يتعلم بس قبلها لازم يتربى ولد الشوارع

انا تربية شوارع وعامل النظافة افضل مني" خلاص ؟!! اقول تلايط بس ولاتنسى اسال خالك المهندس من مدرائه واعمامه بارامكو وبأي شهادة توظفوا بارامكو .