اش رايكم هايلوكس خليجي او سعودي

اذا بتاحذ بدون دبل انصحك بالنافارا فل كامل 80 الف واكشخ و ثابت في الطريق و هيبه ماشاء الله وقوة الماكيه اقوى من الهايلوكس وبدي حديد

يا اخوي رح للكويت وأخذها من وكالة الساير واحد من الشباب اخذ له 
هايلكس من وكالة الساير أصفار يقول أرخص من عبد اللطيف ب ١٠ الآلاف ريال 
ولا عليك لا جمرك ولا شي خلص شغلك من الخفحي واذا نويت تروح للكويت 
اسكن بمنطقة الرقعي احسن لك لانه قريبه من المعرض الرئيسي بمنطقة الري المسافة تقريبا كيلو 
والاستلام عند منطقة العارضيه الصناعيه وتقريبا المسافه كيلو او اقل وتقدر تروح له 
مشي علي رجولك 
والله يوفقك

النافارا حلو بس مايكد ويكررف مثل الهايلكس 

اخوي تبي هايلكس خذ كويتي بدون دبل 

مواصفاته الي اذكرها انا جنوط شاشه ارباقين abs 

بالعكس اشوف النافارا انتشر و عند اهل الحلال وراعين المحلاات النافارا كشخه و الشكل ما تقول سياره نقل

ابفهم شغله وحده اللي يمر علي المواضيع ويعطي الاعضاء ديسلايك 
منو ؟؟؟؟؟؟ 
يعني مار علي الاعضاء ومعطيهم ديسلايك وأي عضو عادي او جديد ما يقدر 
يقيم اربع تقيمات بموضوع واحد ؟؟؟؟؟

بس حبيت أقوله انت شخص مريض لان اللي يفكر بالديسلايك واللايك شخص تافه 
وحرام يدخل منتديات لان المنتديات وضعت للاستفاده .
وانا من الناس ما همني اللايك او الديسلايك لانه لا تقدم ولا تاخر 
والسموحه من راعي الموضوع 

النافارا أقول جيده وما هي بطالة لكن لا تقارنها بالهايلوكس ، قطعها رخيصة وفي كل مكان ، وإلي يقول حديد ما حديد ترى ما فيه فرق أي صدمة ترى نفس التأثير ، لكن تركب سيارة ما تركب شيول

اذا تفكر تبيع خذ عبداللطيف جميل لانه يمسك سعر افضل من الخليجي اما اذا بتستخدم خذ خليجي ارخص وافضل مواصفات بس فيه شغلة بسيطه في الخليجي لو لاقد الله وانصد واضطريت ترش جزء من السيارة نم وين تجيب الزيق الجانبي او الشطرطون ؟

الخط لا تشيل همه تلقاه عند البازعي أو شارع الغرابي أي نوع تريد

اخوي اخذها من الساير مواضفات شد بلد وليس تلفيق زي عبداللطيف جميل

شوف عندك اختيارين:
1. الكويت ولكن في عيب ما تقدر تسجلها باسمك لازم تصدير.
2. قطر تقدر تسجلها باسمك بس انتبه المكاين عندهم احجام وتختلف الاسعار

3. السعر بالدولتين ارخص من السعوديه واطيب مواصفات

وارجو اني وفقت بكلامي

لا يا اخوي مطلوب سياره صحيح كلامك انت بس هو يشتريها من الوكالة من الكويت 
وهو بالوكاله يسوي اعادة تصدير يأخذ أوراق الوكاله اعادة تصدير ويطلع لجمرك
الصليبيه يسوي أوراقه ويطلع للخفجي يكمل باقي أوراقه وأي واحد يبي يصدر 
من الكويت لا يطلب منفذ الرقعي لو طلب منفذ الرقعي يحوسونه ويقولون رح للشرقيه
او الرياض للمواصفات والمقاييس بس لو يطلع للخفجي يكون كل شي قريب عليه احسن 
له من منفذ الرقعي 
واتمني وصل المقصد 
وتحياتي 

كلامك صحيح ميه بالميه
بس قطر يقدر يسجلها باسمه ببطاقة الاحوال بدون تصدير حسب ما سمعت
يعني يصدرها باي وقت وميزه حلوه ان ساهر ما بخالف السيارات الخليجيه

والله ما لي علم بنظام قطر انا رحت لحراج لقيت سياراتهم غاليه نار والله كأنك بالسعوديه 
وعندك شريطية قطر يسومون اي سياره حتي لو سعوديه او خليجيه يجونك يقولون لك للبيع 
تقول السياره مو قطريه يقول ادري وصارت معني طالعين علي كادليك قديم بس موتر جديد 
مو ماشي ماشي تقريبا ١٠٠ الف ولوحته كويتيه نشب لنا شايب ابي موترك بيعوه لي موتركم 
دش مزاجي قلنا يا رجال الموتر مو للبيع وطلعت الروح افتكينا منه .
وعلي طارئ السياره الخليجيه ما يصوره ساهر لا يا اخوي انتبه يصوره ساهر واذا كثرت مخالفاته
وقسايمه يكتبون فيه تقرير للمرور ان السياره خليجيه وقسايمها وتجاوزاتها كثيره ويبلغون الجمرك 
السعودي ان السياره هذي متجاوزه القانون وما تطلع السياره الي تدفع كل ريال للقسيمه 
واعرف لي واحد من الشباب اطرحوه بالجوازات وقالوا له عليك قسائم وادفع ودفع الرجال وطلع بسيارته 
ترا السياره الخليجيه ينطبق عليها القانون نفس السعوديه بالقسايم والحجز.

مشكورين على الردود واتمنى لكم التوفيق

والله حيرتو الرجال الرجال يسئل يقول وش راييكم ابشتري سياره يقصد سعودي او خليجي ايهم الافضل السعودي او الخليجي للمره المليون ممكن نشوف افادتكم وخبرتكم من ناحيه بيع مستقبلا من ناحيه قطع غيار من كل ناحيه وناخذ خبراتكم

الخليجي افضل وانا شريتها وحلوه مره

الخليج خايس انا مجربه خذ سعودي