موضوع بخصوص الجنوط الصينيه

انا اشوفها حلووه للي يبي يستعرض داخل المدينه ولايمشي سرعات عاليه كحد اعلى يمشي ١٢٠ مايضمن الكفرا لي معه 
واشوف الكفر الوكاله لو انه حديد افضل لسلامتي من الكروم الصيني 

أنا ماركيزي يوم كان عايش 
كان مركب عليه جنوط فكتوريا هههههه

وفرحان فيه 
اخر شيء جيت سألت عنها 
قال هذي موب حقته الاصليه 
هذي جنوط صينيه ههههه
وانا اكلت فيها حفر ومطبات ومشيت عليها ١٨٠ وفي الحر بعد 

فيه جنوط صيني درجه 1  جيد  خصوصن اذا كانت نفس جنوط سيارات وماركات بعكس احد لك شخص ركب له جنوط فورد سبورت على فورد 99 وجلست معاه جنوط سنه كامله  ولا جاها اي شي 

 بنسبه لجنوط حديد كويسات    بعض ناس يركب لك جنوط زينه  وجنوط زينه زي نيكل هذي ماتصلح 

انيق ارقد وراك دوواام 

وعليكم السلام ورحمة الله وبركاته

اللي يركب جنوط زينه صينيه بالعاده ما يسافر ولا يطلع برى المدينه

وبالغالب تحصله ينزل سيارته ويلعب فيها يعني حتى لو بجنوط اصليه وينزلها ولعب وتبريز بيكون مشاكل

لكن اللي يسافر نادر ما يركب جنوط زينه لانه يبي راحه بالخط وامان بعد الله سبحانه

لكن اللي يهتم بالمظهر فقط لا يسافر ولا شي يبي يترزز وبس

انا  كذا  صرت غبي  بدلت  جنوطي وكاله  با جنوط صينه سبورت ....  صارت السياره ترجف ولا اقدر اترك الدركسون عند سرعه 120 

والله يااخوان فيه جنوط صينيه مركبها واحد من الشباب على اكسنت الجنوط 16 حقت اكسنت 2013 

وله معاه سنتين وكفراته نفسها ولا يشتكي منها حتى الكفرات صينيه نوعها سيلون

وماشي ويسافر من الشرقيه للغربيه مرتين بالشهر رايح وراجع والحمدلله مبسوط الله لا يضره 

الزينه الكبيره مثلا 18 وفوق و 20 وحولها هذي المشكله أو على حسب النوع

انا استغرب ليش ما يصنعون الجنوط عندنا بالسعودية عندنا مصانع المونيم و حديد. يسوون قوالب و بس ما يبيلها اختراع

و يريحون العالم من الصين و كوريا و مشاكلهم

مشكور على الموضوع والله كنت بستبدل جنوط سيارتي بجنوط صينية اكبر ولا كن بعد تجربتك لها ومشاكلها بطلت ولك لايك

معي كامري امريكية جنوطها 16 وهي نادرة وكل مابغيت ابدلها بجنوط 17 قالوا لي ماراح تحصل مثلها بالسوق 
قلت اصبر وانتظر الين اجمع فلوس حق 17 وال16 اخليها بالبنشري الين يجي وقت افلس وابيعها
ونقزت كيلو 2 ولقيت جنوط اشكال والوان جديدة ومستعملة وكل وحدة تقول للثانية وخري انا لها 
طنشتهم لانهم صينية ولقيت جنوط مستعملة اصلية لكزس 2008 وافالون 2008 في الاخير شاورت ولاخذت اللكزس
وركبتها ماشاءالله الحمدلله نسيت الكفرات والجنوط بسيارتي لها تقريبا سنة وكم شهر رغم ان الكفرات صينية
زبدة الكلام اذا انت مولع تغير لمقاس اكبر للجنوط وتبي شكل حلو خذلك اصلي مستعمل مافي خدوش ولاحكات واضحة 
وتلقاهم في محلات الميزان اللي يبيعوا جنوط صينية مو كلهم لكن اغلبهم تلقاها عندهم
النصايح الاهم 
1- سوي لها ترصيص ارضي 2- عبها نيتروجين وشوف على الباب ضغط هواها 
والحمدلله كل الامور تمام كذا

والله ي عيال مآرشح على اي شخص يغير جنوط موتره الاصليه ... لان البعض يركب مقاسات من راسه ولا درى وش السالفه 
واذا مشى 100 وصوره ساهر قال ساهر فيه خلل وساهر ياخوان الجنوط هي عامل اساسي لسرعه السياره والسرعه الحقيقه
لاتقاس الى بل رادار وسبب يعود لصاحب السياره يا مركب جنط كبير او جنط صغير وهنا مع تلاعب الجنوط تاثر لى السرعه 
والكلام هاذا ماجبته من عندي جبته من ناس متخصصه في السيارات ولها خبرات فيها .. 

انا مركب جنوط هلل صيني  والحمدلله صار لي تقريبا 5 اشهر اسافر عليها لاضرر ولاحاجة وامشي 190 ماترج ابدن 

أنيق وش سويت على الاكسنت وعلى خالتك 

اخوي الجنوط الاصلية تعرفها من الخلف مثلن جنوط الكامري من الخلف تلاقي منحوت عليها اسم تويوتا بالانجليزي
لاكن الجنوط الصينية مثل ما ذكر اخوي في منها درجه اولى

ياناس تكفووووون ابي جنوط كابرس LS 2014 ابي اصلي مستعمل بسعر معقول تكفوووووون تكفوووووون الي يعرف يدليني تكفووون 

0545777539

انا عندي كامري 2013 مركب جنوط اوريون 17 

الجنوط صينيه والكفر هانكوك اكل مطبات وسافرت عليها من الغربه لشرقيه والمدينه وينبع والجنوب 

والحمد لله مافيها لا رجه ولا حذفه وامشي عليها 160 وبعض الاحيان اكثر 

وهذي الي مستغرب منه مع انها صينيه شغاله ميه ميه 

الجنوط لها معي قرابه سنه ونص ماشي عليها 80 الف 

وما ادري شكلي بغيرها واركب جنط اوريون اصلي 

بس خوفي يطلع الاصلي فيه رجه ههههههههههههه

انا عندي كامري 2013 مركب جنوط اوريون 17 

الجنوط صينيه والكفر هانكوك اكل مطبات وسافرت عليها من الغربه لشرقيه والمدينه وينبع والجنوب 

والحمد لله مافيها لا رجه ولا حذفه وامشي عليها 160 وبعض الاحيان اكثر 

وهذي الي مستغرب منه مع انها صينيه شغاله ميه ميه 

الجنوط لها معي قرابه سنه ونص ماشي عليها 80 الف 

وما ادري شكلي بغيرها واركب جنط اوريون اصلي 

بس خوفي يطلع الاصلي فيه رجه ههههههههههههه

مغلومة مهمة يا شباب بخصوص جنوط الزينة الصينية

البعض قال أنه ركبها ومشت معه زي الحلاوة ويسافر عليها

أقول له نعم صدقت لكن جنوط الزينة ما تناسب أي سيارة كذلك بعض المقاسات لها مشاكا كثيرة وخاصة الكبيرة

انا توي شريت سيارة واكتشفت ان الجنوط كروم صينيه ، هل تنصحوني اركب اسود اصلي ؟ علماً اني راعي خطوط ، طبعاً لقيتهن بالغرابي طقم ب450 ويقول انها اصليه ونعطيك فاتورة وتأكد من اي محل تبي