كل واحد يدخل ويعطينا رايه ب التاجير المنتهي ب التمليك

ابعد عن التاجير مامنه الي وجع الراس والمضره وترا في علماء حرموه
والله يغنيك بحلاله عن حرامه

عليكم السلام 

انا اخذت تاجير منتهي بالتملك من تويوتا 

نظام قهر وغبن خاصة اذا عطيتهم دفعه 

اذا بغيت تتنازل عنها راح تخسر خساره فادحه 

ثانيا رفظوا ان اتنازل عن سيارتي وانا راضي بالخسارة ,,, بدون سبب 

اقترح عليك تاخذ قرض اسري من بنك التسليف 

بالعكس حلو ولولله ثم هو كان ماشفت نص الناس راكبه سيارات

خويي اتصدمت سيارته مرتين منه 

باستثناء هل الايجار محرم او نسبته عاليه 




خلونا نكون واقعيين شوي
انت موقع على عقد وراضي فيه وعارف كم النسبه وعارف نظامهم وقاري الشروط وكل شي




بعد ماتاخذ الموتر وتعدم والدينه ترجعه لهم وتقول مابيه انتم نصابين نسبتكم عاليه ونظامكم حرام
خير يابو الشباب توك تعرف ان النسبه عاليه والايجار حرام ولا هفك الشوق يوم شفت الموتر 
واقف بقراطيسه فالوكاله وماحسبت حسابك اقساط 5 سنوات وغيره 

انا مرتين اطلع موتر ايجار منتهي بالتمليك بس ماقد مريت باي مشكله
لاني منتظم فالسداد كل شهر الشركه ياخذون حقهم 

اغلب مشاكل الايجار المنتهي هي في عدم الانتظام في السداد
احسب كم سياره اجرتها الشركه واحسب كم شخص سحب عليها فالسداد وهذا راح يسبب خساره للشركه
والمفروض يحطون نظام استقطاع اكتورني يعني اول ماينزل الراتب يخصم منه
لان بصراحه الناس تتكلم وتسب فالشركات ويوم تجي تلقاهم ساحبين على الاقساط !

اخوي شاقح 

تراني منتظم بالسداد كل يوم 1 ميلادي مرات اظغط على نفسي عشان مافوت يوم 

المشكله اني دافع دفعه جامده ومارغبت السيارة وهاذي (غلطتي)

لكن اللي يقهر الرجال ويغبنه انهم يجبروني ادفع لهم 4 سنوات على شيئ مابيه 

 جبت لكم واحد يكمل مكاني الاقساط  ترفضون ليه ! مافيه سبب مقنع ابدا 

النظام محرم

والدليل كل الي طلعو تاجير منتهي بالتمليك سياراتهم فيها صدمات

أنا مطلع سيارة تأجير

نصيحة ابعد عنه

العقد كامل لصالح شركة التأجير وأنت ما في أحد يضمن لك حقك

ممتاز بس حرام والربا للكفار

طالبان:
مهما كانت الاسباب فانت وقعت ووافقت على العقد ومن ضمن شروط العقد انك تكلم القسط كامل وماتجيب احد يكملها فليه توقع على هذا العقد اذا انت غير مقتنع فيه
لذلك يقع الخطاء عليك

ابا هلال :
مو كل من طلع سياره ايجار صار عليه حادث
الوالد طلع كيا وخلص اقساطها وماصار عليه ولا حادث وهي ايجار

انا طلعت مازدا وصار علي حادث
والان مطلع اكسنت ايجار وماصار حادث والامور طيبه

وخويي مطلع سياره بفلوس حلال كاش وصار عليه حادثين والغلط على الطرف الثاني !!

فالاتربط الحوادث سبب لحرمة الايجار المنتهي بالتمليك 
روح للشركات واسئل كم واحد خلص اقساط سيارته بدون لاتصير عليه حوادث

مفقود :
اللي يضمن لك حقك انك تسدد الاقساط في وقتها وترضخ لجميع بنود العقد كما وقعت عليها تحت رغبتك

مدري ليه الواحد يطلع موتر ايجار منتهي بالتمليك ويجي فالاخير يقول والله حرام والله مابيه

يا اخوان انا مادافع عن الشركات الربويه هذي
انا اتكلم عن شي اسمه عقد بين الطرفين ليييييييه توقع عقد وانت راضي فيه وبعدين تقول ذولي نصابين

الواحد يحسبها صح قبل مايوقع العقد
هل انا على إستطاعة إني أكمل القسط ل 5 سنوات بإنتظام ؟
هل ظروفي المايدة تسمحلي
انظر نظره للمستقبل ايش راح تكون حالتك
هل بتتزوج بعد سنه او عندك مشاريع
اذا شايف انك متفرغ لسداد 5 سنوات وقع وخذ الموتر

شايف وضعك مايسمح لاتاخذ وتورط نفسك

الشركات الربويه ماجبرت احد 

نصيحتي لأي احد يفكر يطلع سيارات بالايجار . انه يخلي الدفعه الاخيره هي اكبر دفعه ... يعني سياره ب 60 الف .. خلي الدفعه الاخيره 20-25 الف .. وادفع الدفعه الاول اقل مايمكن ... بحيث انك لو بغيت انك تتنازل عن السياره .. تتنازل عنها بسهوله لأي أحد بدون ان تاخذ منه فلوس.. والايجار اليدفعته كأنك استخدمت به السياره

بالمختصر المفيد

ابعععععععععععد عنننننننننننننننننننننه

افضل من المستعمل بمليون مره اذا عندك كاش اوكي ماعندك لاتشاور احد خذ وتوكل

نظام التأجير المنتهي بالتمليك حرام وسرقه عيني عينك ولافي السيارة بركه انواع الحوادث والتأمين ومشاكله وحدها قهر وغبنه


يعني اصدم بالسياره والتأمين يقول اوكي اصلها ويلطعونك شهرين علشان رفع تسعيره وشهر اعتماد التصليح وقيمة تصليح دبل الدبل يعني تطق اربع اشهر واهي بالوكاله وخلال الاربع اشهر لازم تسدد عن كل شهر

ولا عندهم نظام يعطونك سيارة بديله



وغير كذا ياخذون فائدة حول 50.000 الف ريال



والاخ شاقح يقول ماجتني مشاكل منه


ايه انت ماجتك بس 95% من الشعب جتهم مشاكل


واخرتها امس واحد من جيراننا موقف عنده دورية وموظف شركة تأجير جو يسحبوا السيارة عيني عينك ويدخل عليهم ومافي فائده


بالله هذه مو غبنه


قسم بالله لاحرقها ولا يجي موظف الشركه ياخذها من قدام الباب وانا منتظم بالسداد ويمر علي شهر انضغط فيه ولا يعطوني وقت او مهله




نظام خايس وجبان وووصخ

السلام عليكم
انا مشكلتي مشكلة مع تايوتا
اخذت منهم 4 سيارات
1 برادوا 2011 تم التمليك
2هايلكس 2011 تم التمليك
3دباب 2014 تم التمليك
4يارس 2015 هنا المشكلة
انا مطلع اليارس لولدي وهو في الكلية
وعنده رخصة باسمي انا مستاجر وخو مفوض
اول ماطلعت السيارة قال لازم تدفع الف ريال
ليش قال تامين للولد قلنا طيب ودفعنا وانتهت
السنة وتوظف الولد عسكري في الطايف رحنا لهم
قالوا ادفع الف ريال قلنا طيب ودفعنا هذه يقولون
تامين للولد والقسط ماحد في العالم منتظم مثلي
على طول استلم التقاعد اول حاجة تايوتا عمكم دفيع
صداق المهم قسطنا اربع سنوات في اليارس والولد عسكري
في الجبيل وقدر الله بحادث واحد من جماعتنا صغير في السن
نفض السيارة تجاوز من اليمين الخلط عليه رحنا المرور قالوا روح
تايوتا صلح سيارتك والرجال نحجزه لين يدفع قلنا شرهة يعوضنا الله
تنازلنا رحتا تايوتا قالوا تنازلت صلحها انت على حسابك قلنا تم
طيب كم تكلف عندكم قالوا سته عشر الف قلنا نصلح برا وصلحناها ب خمسة الف
طلعت المكينة فيها صوت غيرناها بمكينة من التشليح جديدة سيارة مصدومة من الخلف
ومشى الحال بعد مابقي من الاقساط غير تسعة الف انقلبت السيارة تقريد المرور طرف واحد
الغلط على الولد نسبة كاملة انشغال عن القيادة خلصنا شغلاتها قالوا تالف السيارة تالف وبعدين
قالوا وين العفريته والمنفاخ وحقيبة الاسعافات والعدة ياناس السيارة تالف قالوا تخصم قلنا تم
وبعدها قالوا المكينة مغيره قلنا نعم المكينة خارج الضمان وكانت تنقص زيت جبنا مكينة احسن
من الاولة الحين وش التعقيد كله هذا وهم حاطينها تالف بياخذون حق التامين كله ولا هم
خسرانيين اخذوا قيمة السيارة مني ومركزين على اكسسوارات السيارة عغريته منفاخ عدة
حقيبة اسعاف نصيحة لوجه الله حاول الابتعاد بقدر المستطاع عن الايجار المنتهي بالتمليك
اخذ لك قرض واشتري سيارة افضل لو حصل شى لو سمح الله تاخذ انت التامين
اما مستاجر ياخذ التامين البنك او الشركة وانت تطلع بلوشي مثلي

نطالب بهشتاق
مقاطعت ايجار منتهي بالتمليك او تكون الشروط
في صالح المستاجر
المشكلة السيارة تالف ياخذون منك الفين ريال من غير القسط
ويخصمون اي نقص في العدة او تعديل على السيارة وهي تالف
وياخذون التامين من شركة التامين منشار طالع واكل نازل واكل في المواطن
المسكين ولا احد يحميه ساما ماتحل المشكلة ترسل اي شكوي
للجهة التي انت مشتكيهم وهو يردون عليك يعني هم القاضي والجلاد
وساما تتفرج نطالب بحماية للمستاجر اذا باخذون التامين يرجعون فلوسه او التامين يكون من صالح المستاجر