تحذير من الكامري والاوريون الجديدة ابو جميل

20 4

لايمكنك التصويت حتى الحصول على 20 نقطة على الأقل
إضغط هنا للإخفاء

المتقلب 88
قبل 10 سنه و 5 شهر

السلام عليكم ورحمة الله وبركاته

تحذير لكافة الاخوان بخصوص موديلات تايوتا كامري 12-13-14 وربما الاوريون لان نفس اكسسوارات ابو جميل الصينية

تحذير للاخوان من شراء الموديلات وخصوصا الفل كامل في حال الحاجة شراء الستاندر ربما تواجه مشاكل بسيطة

اولا كل القطع والاضافات الخاصة بالفل كامل صينية وهذا شي لايختلف عليه اثنان ولكن فيه شي صيني تركيب المصنع وشي صيني تركيب جدة اناس لايفقهون بالميكانيكة والسمكرة اي شي
مثلا الشاشة من المصنع اصلية 100% والباقي كله تركيب ابو جميل واعترفلي فيها موظف بالصيانة يقول يركبونها بالمعهد السعودي الياباني للميكانيكا على طريق مكة - جدة هناك
الستاير + الكشافات + التخشيب + الكراسي الخ ...كلها صيني واردى نوع

ثانيا المشاكل التي واجهتها بسيارتي وهي كامري 2013 مامشت 3000 كيلو فيها كل هالمشاكل والمرمطات:
1- المشكلة المعروفة بتايوتا من موديلات كامري + اوريون 2007 حتى 2013 .. ديكور القير من ثاني يوم استلمت السيارة وانواع الاصوات بديكور القير تقفل مشكلة تجيك ثانية اصوات كثيرة جدا جدا وحلوها الوكالة بسيلكون ولكن تبقا صوت خربشة
رحت للوكالة وانا متحمس وتايوتا افضل صيانة والخ والخ .. تفاجئت المهندس راكب معي يقولي وش بتستفيد لو صلحناها لك ؟ راح ترجع لك خلال شهر لاتتعب نفسك هذي عيب مصنعي واصلنا بنحلها بسيلكون " سبحان الله عيب مصنعي من 2007 ل 2013 ؟ والا التخشيب صيني وتركيب جدة حسبي الله ونعم الوكيل تايوتا الرياض فرع العليا
2-اصوات في ديكور الساعة لايمكنك حلها ابدا ابدا وتواجهك عند اي مطب او اسفلت مخربش مثل طريق الشرقية - الرياض وطريق الحاير والوكالة تقول مو معقولة كل السيارة مشاكل وماقد واجهتنا مشكلة زي كذا يمكن تتوهم بنصلح المشاكل الشائعة مثل الديكور القير والقزاز والتندة والستارة فقط
3-اصوات من زجاج السيارة .. اصوات مزعجة جدا جدا جدا ووديت السيارة 5 مرات للوكالة اول مرة  قال تشحيم وتربيط لاتخاف ومدري وش وقعدت 4 ايام
وطلعتها ونفس الصوت ورجعتها له وقال اكيد مسمار متخبي يمين يسار راح نشحمها لك ونربطها وقعدت يومين وطلعها ونفس الصوت
ورجعتها للمرة الثالثة لفرع العليا وقال هذي المكاينة الي ترفع القزاز وطلبنا لك وحدة عالضمان وهو كذاب دجال الله لايوفقه وقال تعال بعد اسبوع يوم جيته قعدت ساعتين وطلعها وقالي جربها مع الفني يوم رحت الفني اقوله وش غيرت يقولي الربلات والجلود فقط .. والمهندس  يكذب يقول مكاينة ومدري وش واكتشفت انها متوفرة بالفرع وموجودة بكل الفروع لانها مشكلة سائدة بس كان يبي يصرفني
المشكلة اختفى الصوت ولكن صار يبان مع المطبات اي مطبة يقعد القزاز يتكتك تكتكة تنزله ترفعه يروح قلنا مو مشكلة دامه خف الواحد يبي يخلص مايبي يعقدها
4-مشكلة التندة مع اي مطب تسمع انواع الاصوات فوق راسك وحلها ترجع الغطاء حق فتحة السقف لانه مسبب فراغ بالتندة ورا وعجزو يحلونها يقول عيب مصنعي
5-وهي اكثر مشكلة كرهتني بالسيارة اصوات الستارة مو مع اي مطبة لا مع اي عيون قطط او شارع مو مستوي او بارز او اي شي تسمع صوت ورا اصطدام بلاستيك المربعة حق الفرامل الي ورا ب البلاستيك حق الستارة وتخلي الستارة مفتوحة غصب عنك لو نزلتها بتسمع القربعة مع خوياتها
رحت بها للوكالة فوق ثلاث مرات عند المهندس مرة قال من الستارة وهي مالها علاقة انا وانا بالسيارات بساعة عرفت وش السبب وقعدني 20 يوم انتظار للقطعة يقول البارشتر المثبت حق الستارة مدري وش طلبنا لك واحد تعال بكرة وانا ماجيته بكرة زي ماقال كان عندي اختبارات جيته بعدها ب 10 ايام ع اساس بيقولي وينك يابو الشباب القطعة واصلة من زمان تاخرت علينا
واجيه قبل العيد يوم الاربعاء قبل اخر يوم دوام بالعيد ويقولي ماوصلت ؟؟ شلون ماوصلت يمين يسار ؟ يقول وصلت للمستودع عندنا بس ماترحلت لعندنا طيب اطلبها ؟ يقول تعال بعد العيد واجيه بعد العيد ويقولي طيب ويدخل السيارة ويطلعها وهو ماغير شي والله على ماقول شهيد طلع بس يماطل بالسالفة حتى يوم اساله وش القطعة يقولي قطعة صغيرة بالستارة ماتعرفها انت غيرناها وهي السبب وللاسف طلع الصوت ماله علاقة بالستارة و
ويوم شكيتهم لمدير الاستقبال بالمركز طلع الفني وسمع الصوت ورجع وقال انتظر ساعة وطلع معاي مرة ثانية اجربها ونفس المشكلة وينافخ يقول كل كامري هذا صوت ايش فيه انت ومدري كيف قلت روح لمديرك الله لايوفقكم كلكم واخذ موتري وامشي

الفوائد الي استفدتها من كل هالمرمطة :
تصليح جزئي لمشكلة اصوات الزجاج فقط
خدش واضح وباين فوق شعار تايوتا بالكبوت احد يبي يفتح الكبوت وخدش ام الكبوت وكل ماجيبها له يقولي اوك بننقطها ويدخلها ولاينقطها يقول والله مدري اذا سووها ولالا بس انا كتبتها اذا ماسووها تعال بوقت ثاني اسويها لك فوق 3 مرات

المهم اني وكلت امري لله واخذت موتري لاني خلاص باقيلي غياب كم يوم بالجامعة واخذ حرمان بسببهم
زبدة الكلام احذرو منهم والله اني صرت شبه موظف عندهم حافظ كل اسماء الموظفين وكلهم يعرفوني من كثر ماجيهم بدون فايدة
بكل هالمشاكل الي فوق ماحلو ولا مشكلة الا الاولى وماحلوها بشكل كامل

خلاصة الكلام احذرو ياخوان من سيارات ابو جميل واذا لابد تشتري اشتري ستاندر اسوح شي ولا راح تندم والله
وللعلم الفرع الي واجهت فيه كل هالمشاكل فرع صيانة العليا ويتعذرون بكل هالمماطلات ان مافي غيره للسمكرة بالفرع وللامانة مدير الاستقبال والصيانة متعاونين مع الضيوف ولكن المهندس نفسه مايبي يشتغل ولا يبي يصلح شي والفنيين فاشلين

يعني عيب مصنعي ماعندي مشكلة لو ينحل لاكن سيارة كلها عيوب وقطع صينية وصيانة فاشلة لا حترام ولا شي حسبي الله ونعم الوكيل والله حرام الواحد يدفع 95 الف اخرتها على شبه خردة والله متندم لو يرجع فيني الزمن قبل لاشتريها والله ماخذتها

إبلاغ

الردود