أضف سؤال أو موضوع جديد          

المواقف التي حصلت معك أثناء استخراج اول رخصة قيادة لك

up 8 down 3
أبولتين555 655
قبل 7 سنه و 7 شهر



السلام عليكم ورحمة الله وبركاته ..
موضوعي اول رخصة متى استخرجتها وماهو شعورك
ابدأ بنفسي اول رخصة طلعتها عام 1414 وكانت بعد عناء وطوابير وتحليل دم وبكرسيدا XL لا أذكر موديلها بس اللي أذكر ان الكلتش خفيف
عشان اذا رسبت يعطونك موعد ثاني( المهم حالة امنا صعبة للغاية)
بعد معانة حصلنا عليها والخطاط عطيته 25 ريال وصرت اترزز بها عند اخوياي وأولاد عمي

وعشيت اخوياي بهرفي ماحد قدي
نسمع منكم يا أصداقائي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ببالنسبة لي كان الموعد الساعه 3 العصر او الظهر
رحت صليت وحضرت الحصه الساعه 3 وربع ويشرح فائدة المكينة والقير الرديتر
جاني ثاني يوم الفحص على تيرسل موديلها99 الظاهر
يعني يدخل عليها عشرن الملايين بالسنة واخرتها هذه سيارتهم المهم
نجحت بقياادة ورحت للعسكري وسسئلني عن فائدة الكلتش وعطيته اكثر من اجابة متشابه
وطلعت فايدته يقول يفصل القير عن المكينة وصارلي تقريبا وقتها خمس سنين اسوق عادي
ورحت يم الكمبيوتر فتحت الباب وحصلت طلع جارنا شغال هناك ويصلي معنا بالمسجد وعرفني
ووما قصر واخذتهاا طبعا اخذت خمس سنين ويوم طلعت رحت للمكتب وزودتها واخذ عشر سنين نبي نفتك


up 2 down 1
صوت العزاوي 523
قبل 7 سنه و 7 شهر



اهلن ابو لتين  انا حضي جاء كويس كامري 2003  قير عادي ومخففين كلتش  طبعن الحمد الله ماوجهتني اي صعوبات حتى تلبيقه لبقتها صح بس الشي مضحك ان العسكري ناظر ورى ومنتبه لي وهندي راعي شاهي ياشر لي كانه يقول لا تلبقها امش بس ههههههههه 

 بس انا قلت لزم اجرب حضي وحمد الله لبقتها صح وطلعت سياره والتفت يساري وناظر فيني العسكري  وقال برافوو  يوم قاله بغيت اسحب جلنط من فرحه ههههههههه بس قلت مالها داعي اخربها 


up 1 down 0
سكودر 14928
قبل 7 سنه و 7 شهر



و الله ما أنسى ضرب الشموس وحالنا هاك اليوم
والاسبوع اللي قبله طابور الاحوال المدنية ياليل خبرني على أمر المعاناة


up 2 down 1
أبولتين555 655
قبل 7 سنه و 7 شهر



وحياكم الله جميعا ونورتو موضوعي ياصوت العزاوي
وحياك الله يا سكودر
والمهللي مايوللي


up 1 down 0
أبولتين555 655
قبل 7 سنه و 7 شهر



انا كنت مرتبك خايف مدري ليه مع اني اسوق من زمان    بس جتني ربشة     والسيارة كانت الظاهر اكسنت قير عادي  يوم قومتها بالاول طبعي انا اشد عليها بعيدن اعطيها الثاني   المهم العسكري يوم شافني طولت ما عشقت قالي حطها ثاني   واعشق    ناظر فيني كذا ومشاني الحمد لله 




up 0 down 0
العامري دوت كوم 2 455
قبل 7 سنه و 7 شهر



واختبار الكمبيوتر الحمد لله نجحت فيه علطول ما غلطت الا في فقرة وحده وكنت بجيبها صح بس بالغلط ضعط اللي جنبها


up 1 down 0
العامري دوت كوم 2 455
قبل 7 سنه و 7 شهر



بداية كانت كرسيدا إخذنا كم لفة وبعد كذا جئت البق السيارة شافني العسكري ماني رابط الحزام 
قال راسب ' يرحم والديك نسيت شي حاجة قال راسب المهم طلعت من المكان حددوا لي السبوع اللي بعده 
اخبار رحت وبعدها أبوي سألني وش سويت قلتله اللي حصل قال صار خير اربط حزامك قلت ابشر 
جاء يوم الاختبار ركبت السيارة وربطت الحزام وجاء وقت التلبيقه وارتبكت وصارت غلط سالني العسكري وش فيك 
قلت مرتبك قال انت ولد فلان قلت إيه قال سلملي عليه قلت ابشر . أرسلني عند الكمبيوتر وعلى الطابور ازاحم ابي الاول 
شافني العسكري قالي انت اخر واحد والله يعين دخلوني قريب الظهر قابلت واحد اعرفه اخو صاحبي قالي اجلس 
وحل عني الاختبار الله يجازيه بالخير رغم ان اغلب اللي معي رسبوا بالكمبيوتر والحمد لله تسهلت من عند رب العالمين 


up 1 down 0
الصمت كبرياء 328
قبل 7 سنه و 7 شهر



مشالله على ذاكرتكم تتذكرون كل شي بتفاصيل 
انا اللي اذكره اني تهاوشت مع المدرس المصري لانه كان مستفز بس مدري وش كانت المشكلة 
الوكاد من بعد ماطلعت الرخصة الدوريات و التفاتيش ماعاد صرت توقفني مدري ليش تقول كنهم
يدرون اني مطلعها ههههه
الكلام هذا قبل اربع سنين تقريباً من بعد ماسددت قرابة 8الاف ريال كلها مخالفات تحريريه قبل ساهر



up 2 down 0
ابن حجنه 93
قبل 7 سنه و 7 شهر



نورتو موضوعي....


up 0 down 0
أبولتين555 655
قبل 7 سنه و 7 شهر



نوعيه السيارات حقت دله مختلفه مره في نظام الفرامل عن الامريكي ( سيارتي السابقه ) 
وسياره دله يابانيه نظام الفرامل مختلف مره من اول مسكه على طول توقف عكس الامريكي يمسك بهداوه 

السالفه اني صكيت براس العسكري بالقزاز ههههههههههههههههههههههههههه


up 0 down 0
ryan702 466
قبل 7 سنه و 7 شهر



أنا أخذت كورلا 2003
بدون حزام
و دركسونها يلعب
و كلتشها معدوم
بس الحمد لله نجحت
و أحد الزملاء أخذ كورلا 2013 أحسن سيارة في الميدان مع ذلك رسب



up 0 down 0
m-baz 337
قبل 7 سنه و 7 شهر



ابن حجنه من جد من يوم طلعنا الرخصه المرور معد يعطيني وجهه في نقاط التفتيش


up 0 down 0
اهاا 682
قبل 7 سنه و 7 شهر



سررت كثيرا بمروركم الكريم


up 0 down 0
أبولتين555 655
قبل 7 سنه و 7 شهر



انا حالتي حاله خاصتن مع الداوير الحكوميه 
لازم اي شي اتمرمط فيه 
اذكر اول ماسجلت قالو رح اول تجربه لك وانلطع بالشمس وجنبي هنود ريحه الواحد يشمها الي على حدود رفحاء 
وتسهلت يارجال 


up 0 down 0
ال اس 2008 30
قبل 7 سنه و 7 شهر