الاعتراف بالحق فضيلة

ماشفت الموضوع
بس موقع حراج اغلبه صار في تلاعب بالسومات كل واحد يعرض موتره ويحطلك عليه سومه خارجيه ماصارت ولا شي بس يبي يبيعها بسعر خرافي في باله

موقع حراج 99% من السيارات مضروبه وما احد يعلمك ان فيها بلاوي .. و اسعارها فوق السوق

اخوي شفت الكورلا  انا الي عارضها 
وصلت 25 ولا باع ولا يغرك اسلوبه وكلامه  
وصلت الكورلا 2007 وماشيه 300 الف  ووصلت 25 الف ريال سعودي  ولا باع يعني كم  راح يبيع؟؟

يا المشاكس أغلبيتهم كلام ما يبيعون ولا يشترون 
واحد عارض سيارات جمله ٣ سيارات 
ولما كلمته علي الخاص قال افرق اخر سومه وتستاهل السيارات 
قلت انا ابي سيارتين وافرق اخر واحد سام السيارات كلهن 
وفرقت السوم يعني قيمة الثلاث سيارات بسيارتين يعني سومتي
ما يحلم فيها وقال تم بعتك وبعدها هذا وجه الضيف ان شفتك شفته
وما كلمني بعدها مع أني معطيه احلي سومه 
يا رحال لعب بزران لا اكثر 
تحياتي لك 

هلا فيكم واحد واحد اخوي صوت العزواي ماني فاهم عليك لكن انا اللي اقصده ( بغض النظر عن القيمة الخيالية ) ان من شروط اضافة اعلان انه يتعهد ويقسم بالله انه جاد فهو اقسمبالله وكذب قال كنت بس بشوف سعرها يعني حالف بالله وكذب كيف يقول كلام عادي بدون حلف ويكون صادق

انا اعطيك بالمختصر المفيد 
الرجال صار طمّاع 
وفيه مثل يقول ( من بغاها كلها .. خلاها كلها ) 
وشوف غيره وناخوك 
والله يرزقك باللي تتمناه

اخوي ابو عشق بشوف غير الموقع ذا بكبره

انا واحد عارض سيارة في الموقع اتصلت عليه يقول الحد ١٨٠٠٠ قلت له طيب نشوف الموتر قال تعال شوفه عند البيت الكلام هذا الساعة ١٢ بالليل 
قلت بكره اذا الله احيانا نتقابل قال تمام واتصل عليه اليوم الثاني يقول انا مسافر وبكره راجع العصر وفيه واحد قبلك يبي يشوف الموتر ويفحص بكره الصبح ان شراه الله يبارك له وان ماشراه بينا اتصال العصر قلت تمام 
واتصل عليه اليوم الثاني العصر بعت ولا باقي قال لا والله باقي وانا الحين في الطريق وتواعدنا العشاء واتصل عليه العشاء وصلت ياخوي يقول ايه وصلت ولكن الموتر بعته 
ياخوي انت تسحب فيني لك ثلاث ايام وكل مااتصل عليك تقول متواعد مع واحد بيفحص واليوم انا مكلمك العصر وتقول مابعت وانك في الطريق راجع والحين تقول بعت على العموم الله يرزقنا وياك قال والله انت ماأعطيتني سومتك ومدري انت جاد ولا لا
قلت له انت حاد الموتر وأنا جاز لي بحدك ولكن انا ابي اشوف يعني انا موافق اشتري بالحد اللى انت طالبه كيف تبيني اسوم وقام يلخبط بالكلام 
واليوم الثاني اخلي زميلي يتصل عليه ويسأله عن الموتر موجود ولا باعه ويرد عليه يقوله باقي موجود ؟؟؟؟؟؟؟؟؟؟ 
طيب كيف نبي نقلب الموتر ويرجع يقول نفس كلامه الاول بكره نتقابل ولكن فيه واحد قبلك يبي يفحص الصبح ان شراء ولا اتصل علي العصر 

الموقع خرب لما طاحوا فيه الشريطيه الله لا يربحهم ورانا ورانا حسبي الله عليهم والله ماخرب الموقع الا هم