أضف سؤال أو موضوع جديد          

شوركم ألنترا أو كورولا 2013

up 8 down 10
أنيقوه 1113
قبل 7 سنه و 3 شهر



السلام عليكم ياشباب 
اليوم رحت المعارض أسأل على السيارتين 
ألنترا والكورولا  كلها جدد ٢٠١٣ 

الالنترا جديده 55 الف 
كورولا جديده 56 الف 
هذا اقل سعر لقيته بالمعارض 

الكورولا فيها ارباقين وABS 
الانترا فيها ايرباق واحد وبدون ABS

الكورولا سمعت ناس يشتكون منها من ناحية التفتفه بالتشغيل 
وبعض الاحيان عداد الضغط ينزل قريب من الصفر والسياره تنفض 
ويرجع الوضع طبيعي يعني عيب مصنعي هذا الي مخوفني 


الانترا سمعت ناس يشتكون من القير وحساسه وبعض الاحيان المسجل يطفي فجأه عيب مصنعي هذا الي مخوفني بعد 


ووش الي ارسى بالخط يعني سرعتي ماراح تتجاوز ١٣٠ 
وتستحمل المشي الطويل يعني اقطع ٩٠٠ كيلو مغطه وحده 
وتستحمل طلعات الهدا الجامده 

وش رايكم ؟ 
عطونا رايكم جميعا 
وياليت الي جربها يفيدنا 

وشكرا لكم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الكورولاتويوتا عيب ماعدش في افضل مانه



up 0 down 0
مؤيدالراسني
قبل 7 سنه و 3 شهر



أنيق 
سامحني أكتب لك هذا الرد وما يخص الموضوع لأني ما أعرف استخدم الرد على الخاص 
المعاناة لا زالت مستمرة من أصحاب النفوس المريضة في هذا المنتدى 
حتى انتقاد بسيط أو حتى مديح ما يكتفي يعطيك دسكلايك على ردك بل يقوم بتتبع مواضيعك وردودك السابقة ويبوزها عليك 
آخرتهم ابراهيم التركي ( أيقنت ..) والله ما قصدت إلا أمزح معه ومع أني معطيه لايك على موضوعه يعني آخر موضوع طرحه وجايب صورة وكاتب بيّض الله وجهك 
وشخص طاشين وجهه بالبيض ، أنا رديت عليه وقلت بيض الله وجهك يا أبو خليل وفين راحت نقاطك ، على طول زعل الرجل ورد علي بدسكلايك وموضوع سابق ، والله تفاجأت ياخوان ما هذي طريقة إذا ردي ما أعجبك اعطني عليه اترك حاجات قديمة ،
آخرها أحد مواضيعي كنت حريص انه يكون من أفضل المواضيع في المنتدى ما سلم الهكر ، جاني 38 لايك و4 دسلايك عنوانه ( شوارع وسيارات من الزمن الجميل ) كنت حريص على أن يظهر الموضوع بأحسن صورة ، والله أن اللايكات ما تهمني كثير بقدر ما يهمني إثراء المحتوى والفائدة للجميع ، لكن للأسف المنتدى أصبح ينعاف .
وآسف طولت عليك لكن والله ما لقيت واحد أعبر له عن ما في خاطري ، لمعرفتي بأخلاقك العالية ومحبتك للجميع ، ولك تحياتي .  



up 1 down 1
رعد 4 3254
قبل 6 سنه و 11 شهر