ماهي افضل طريقة مجربة لتغيير زيت القير.

الزيت محترق مره  
والله اخوي مااودي احط كل كلمة بذمتي واخاف لو يصير شيء اتحمل المسئوولية 
بس اشوف الخيار الثاني  افضل اذا انت متخوف وبعدين الخيار الاول   لو ببتتوكل على الله 
انا عارف بيجي ابراهيم وبيقولك  غيره وحط رجلك ولا تشاور 
شف الشيبان وش يقولون لك 

كم الموديل وكم ماشي الموتر 

انتبه تغيره وافضل حل الخيار الثاني

راجع دليل المستخدم اضمن لك.

موديلها 2007 ماشي 338 الف 

اذا قررت تغير غير فالوكاله وخذ ضمان وفاتور لو صارشي مو فالحسبان تقدر تطالبهم بالتصليح

الوكالة قبل تغير الزيت يخلونك توقع ع ورقة اخلاء المسئولية وعدم مطالبة الوكالة بشي 

ابو وليد
اشتر زيت قير تويوتا الفضي ورح للمشحمة واطلب منه شفط بمقدار علبة اي واحد ليتر واضف من الزيت اللي معك بنفس المقدار اللي انشفط وامش عليه لغاية 100 كيلو واسحب بالشفط كذلك نفس الكمية لحتى تكون شفطت الكمية القديمة بالكامل 
وثم تغيير الفلتر مع الزيت 

elantra 6639
هذا اللي قاله لي الفني فلبيني
والى الحين جالس أخذ مشورتكم (أسأل مجرب ولا تسأل طبيب)
الله يعطيكم العافية ويسهل أموركم  

على حسب بعض سياارات  تغيره وتخبط  على طول 

 لكن  سؤال وينك كل هذا وقت  ماغيرته    

 عمومن  روح لقرب محل شفط بنشري ولا تحط الى زيت تويوتا الاصلي  علبه كامله لونها فضي لموديلات  2007 وفوق اشتري علبه وخليها معك    نقص علبه ونص وزيده   وجلس اسبوع   وبعدها نقص علبتين  واستمر اسبوعين    وعاير زيت  اذا احمر 

 لين زيت يتعود على كلتشات   لن باقي زيت قديم  بطجره 

اخوي خذ كلام مني وانا مجرب ، الخيار الاول هو افضل شي والافضل كمان التغيير يكون في الوكاله زي ماانا اعمل بسيارتي
، وبعدين زيت الجير له مسافه معينه وبعدها لابد من تغييره فسال الوكاله عن ذا الشي قد يكون 40000 - 60000
وبالتوفيق لك

يا شباب الزيت بنقص منه علبه وازود علبه ولحد ما يرجع الزيت للونه الطبيعي 
يعطيكم العافيه 

اي بس لا تحط زيت تجاري حق بناشر وتقول  قير خبط علي ؟؟؟ 

لا بأخذه من الوكالة أفضل واضمن .

الي يقول رح للوكالة !
الوكاله تغير ﻟﻛـ ماعندها مشكلة بس يخلونك توقع على. كرت انك مسؤل عن القير إذا جاءه شيء لانهم يقولون وينك كل هالفتره ماغيرته ،،
اخوي أنا صار معي نفسك شريت مكسيما وتخوفت وتوكلت على الله وغيرت زيت القير بس والحمدلله
مشت اﻻمور بس إلى الحين ماني مرتاح ودي اغير الفلتر وخايف يصير شيءء.  

اذا المكسيما موديلها جديد شركه نيسان  تقول لا تغير الفلتر لانهم صانعينه يتحمل مدى الحياه .. تقبل مروري 

صح ياشباب بعض السيارات يقولك مالها فلتر في الجيربوكس

انا ارشح نقطه رقم2
لانك مشيت فيه مسافه اليمه جدا
وشوف نوع الزيت وخذ النوع نفسه الخاص لسيارتك بزيت الجيربوكس الي اسمه موتور كرافت احسن شئ 

أبوظافر موديل لمكسيما 2007

مرحبا بالجميييع

اذا زيت القيـــر ينقص عندك > فحل مشكلة النقص اولا ..

وبالنسبة للتغير كامل ،،،
الي يخلي القير يخبـــط ويفررررط خصوصا الأوتـــو

بعد الاستخدام الشاااق من أغلبنا> كأنه ينتقم من السيارة وهو الي شاريها ، شي يضحك

الزيت مثل غيره ،، زي ماتفضله يفقد للزوجته مع الاستخدام فترة طويلة ،،،

والقير يتعود ع درجت للزوجه معينة " يتأقم ع الزيت الي مثل الموية بدون للزوجة

وفجأه تحط زيت جديد بـ اللزوجة العاليــــه

هنا القير يبدأ يفقــــــد عقله ويختل وبعد فترة من الاحتضار ،، يموت حرام ..

فالتغيير للي مشــــــــــى كثير ، تكون بالتدريج

تفـــــــــــرغ لتر ،،وتضيــــــــــف لتر جديد كل 2000كم تقريبا حسب عدد العلب ،، وبعدها تمشي مثلا 5000 كم

وتغير تغييره كاملة >> أهم شي النــــوع الاصلي "الممتاز بالرقم ،، والمواصفات حسب ماهو مذكور بالكاتالوج حق سيارتك ...

والاستمـــــــــــرار بالتغيير طول أستخدام السيارة كل 20 الف كم
مثل أهتمامك للتغيير زيت المكينـــة وغيرها أشياء كثير تتغير ،

بس فينا طبع ما نغير الا اذا صارت مشكلة
وقتها نبدأ بالتذمر والسب وهذي السيارة فيها وفيها وووو