شــريطي يلاحق صاحب سياراه بشكل غريب اخر تعليقاتهم الجديده

كم رقم اعلانه او الرابط نبي نشوفه 

والله مايحظرني لكن السياراه كانت جيب روح فرفر بتحصل كثير منهم عاد جاء شغلهم على النت بدل شموس

ازبدله يبعد عنك اما لاشافك هادي يبي يغثك او يخوفك من عينه علشان ياخذ للموتر بالسعر الي يبيه
يسوي ان نفسه بالموتر وانت تخاف من شر عينه وتبيعه هذي تفكير بعضهم وعقلياته

هذا الحراج كذا لازم كل واحد والسومه الي يسومها وصاحب السيارة هو الي يقرر عطوني لايك عشان اضيف مواضيع مفيدة

فيه ناس مو شرط تحكم عليهم انهم شريطية
فيه اطفال وفيه ناس عنده مبلغ معين ويجيك صاحب الاعلان يقولك عالسوم والكل يحط سعره واذا جاك واحد يحط سعر قليل قام صاحب
الموضوع يقولك انت شريطي وانت ماتخاف الله
بس بيني وبينكم اللي يقهرني اكثر لاجا واحد حط سعر معقول لسيارته والرجال يبي يبيع بسرعة يجيك واحد يقوله والله تستاهل اكثر
اصبر عليها وبتجيك قيمة كذا وكذا ويقعد له انا كانت عندي نفس السيارة وهكذا

وانت وش دخلك باعلان ماهو لك!
ما اسوا من الشريطي الا الملاقيف اللي يردون على اصحاب السومات كنهم اصحاب الاعلان.

ههههههه يقهروني تحصلهم مسكرين الخط بمعارض النسيم 

يأخي في الله انا ماني ضد الرزق الحلال لكن الرسول عليه صلاه وسلام قال من غشنا فليس منا يأخي بعض الشريطيه وليس الكل يستغل ضعف النساء او الأجانب ويبدأ يستغلهم  اذا بتأخذها من مبدأ الدين فالدين حرام ذالك واذا بتأخذها من مبدأ الرجوله وشهامه فأبانا وجدادنا رفضوا ربونا على شهامه والمرجله 

ﻻ تعطي الشريطي وجه

إذا بخس سيارتك قله ماني بايع بسومتك فلوسك في جيبك وسيارتي عندي وما مضطر أبيع وكذا تقهره

ﻻ تكدر خاطرك 

الشريطي يبدأ يبيع ويشتري وعنده شوية ضمير وبعد شوي تﻻقيه معدوم الذمة والضمير إﻻ من رحم الله


الله يهديهم وﻻ يحدنا نتعامل معهم

ياجماعة تراهم ناس يترزقون الله ... فيهم الشين وفيهم الزين (اكثرهم من النوع الاول)
اما تشبهم ب اليهود عيب والله ... وترا هم ماغصبوك تبيع موترك ...

عقلك براسك تعرف خلاصك ... محد بيطقك على يدك ويقولك بيعني موترك 

مره رايح معارض الدمام بجمس الشايب ووقفني واحد قال تبيع بـ 20 والموتر يسوى 60 
قلت احرقه ولاتلف طارته ي الشريطي قال افا قلت ايه بلا افا بلا خراط وارفع الدريشه وامشي وكبده تغلي 

والله ي أخوي الشريطية اللي عندنا في جدة محترمين يشوفك يطالع فيك تاشر له بيدك أنك لا يمشي ههههههههههههههه

انجس خلق الله الشريطيه ودك تدعسهم واحد واحد بالمعارض...

عيني عينك يجي يبخسك ...انا لا جا شريطي يكلمني حرام بالله اعطيه جنط على خشمه ولا كاني شايفه

وربي دايم اسويها ... 

بالله في انجس من اللي يخسرك حتى يتكسب بحلالك ???

يا جماعه اذا جاكم شريطي بأول الحراج يسوم للبيع قله لا مو للبيع جاي ادور 
موتر واذا نشب لك الشريطي اعكس الموضوع عليه قله ما حولك موتر فخم للبيع 
مثل مرسيدس حوت او بورش كايين تلقا الشريطي هو يدور النحشه منك يدري 
ما وراك منفعه لأنهم هم شغلهم علي النيسان والتويوتا والجموس 

وانتبهوا انتبهو من بعض الشريطيه هذا اذا ما كان اغلبهم مسلحين بسكاكين
او رنغ بوكس وهم يعرفون انهم يرفعون ضغط أهل السيارات وبعض أهل السيارات
ينزلهم يبي يضربهم هم يكون مستعدين ومسلحين .
واذكر مره صارت بالحراج مضاربه ما بين شريطي وراعي سياره طلع الشريطي
سكين وطعن راعي السياره بكتفه وهرب من الحراج واحذروا منهم اذا حاول يستفزك
كلمه بأعصاب هاديه او حاول تتفاداه
وانا ما احب التعامل معهم لو عطاني دبل قيمة السياره لأنهم نصابين وما يحول السياره
من اسمك لا يبيعه الي طرف ثالث والطرف الثالث هو يحولها هذا اذا ما باعها الي شريطي
ثاني من خوياه والسياره للحين باسمك
واذا دخلت الحراج ووقفوك يا تقول السياره مو للبيع وادور سياره او تقول السياره تأجير مو لي
وتشوفه بعدها ينتكس راسه ويبعد عنك
تحياتي لكم
  

الشريطي يحول العيوب إلى ميزات إذا بغاها ميزات ويحول الميزات إلى عيوب إذا بغاها عيوب
مثلا
1- يشتري منك السيارة بويتها لاعبة فيها الشمس ويكسر سعرها يقول يبي لها رش وإذا جاء يبيعها يقول ( بدي وكالة ) ما إنرشت
2- ينقص سعر سيارتك يقول ممشاها واجد وإذا جاء يبيعها يقول للمشتري بالعكس الممشى الواجد دليل على نظافة الموتر
ههههههههههههههه